Kisah Boko Rasul 19:9 - Porjanjian Boharu Torjomahan Baso Dilakng Soari-ari

⁹ Apo ado boboropo urakng inyo kinyo honda' mondinga' mongona'i hal nantai. Sia' monula' pakai' pocayo agatn Yesus. Malah di muka' umum sia' mohayam ajaran Tuhatn Yesus nantai. Obai nantai, Paulus moninggalan rumah sombayakng nantai. Io mombaba' boko urakng pocayo di santai ko tompat bukai. Damo tompat nantai balai Tiranus. Paulus mongajar di santai sotiap ari.

Kisah Boko Rasul 19:9 ပူးပေါင်းရင်းမြစ်များ

Kisah Boko Rasul 19:23

Timpu nantai, ado boko urakng monontakng boko urakng inyo hidup sosuai agatn ajaran Tuhatn. Sia' bulah kokacauan bosar di kota Efesus nantai. Kokacauan nantai tojadi obai Demetrius

Kisah Boko Rasul 9:2

Saulus mominto surat kuaso doi' io. Saulus paca'an moonju' surat nantai ko sotiap pomimpitn boko rumah sombayakng urakng agama Yahudi di kota Damsyik. Dalapm surat nantai totulis oca' timpu io monomuan boko pongikut ajaran Tuhatn Yesus, boi' lolaki damo botina', Saulus bohak monangkap sia'. Ongko io bohak mombaba' sia' bobali' ko Yerusalem. Di Yerusalem sia' ulih diadili.

2 Petrus 2:12

Apo boko guru palsu nantai mohayam boko hal inyo kinyo sia' kotohu'i. Sia' samo sama'an bonatakng liar inyo kinyo boakal, inyo lahir ongkah pakai' ditangkap huatan dibunuh aja'. Porbuatan jahat sia' paca'an mombulah sia' bonaso samo sama'an bonatakng liar nantai jam.

Kisah Boko Rasul 14:4

Jadi, pondudu' kota nantai topisah monjadi duo kolompok. Ado inyo bopihak ko boko urakng Yahudi inyo kinyo pocayo, huatan ado inyo bopihak ko Rasul Paulus ongko Barnabas.

Yudas 1:10

Apo boko urakng totontu nantai mohayam boko hal inyo kinyo sia' kotohu'i. Sia' bayo monjumpati boko kohonda' bukakng samo sama'an bonatakng liar inyo kinyo boakal. Boko hal nantai inyo mombulah sia' bonaso.

2 Petrus 2:2

Banya' urakng paca'an monumpakng caro hidup sia' inyo dikuaso'i hawa napsu inyo jahat. Obai sia' molabuhan nantai, jadi urakng bukai paca'an mohayam Jalatn Kristus Inyo Bondar.

Ibrani 3:13

Apo kaitn gola' hala monguat'an inyo bukainyo sotiap ari, somanah ija' ado kosompatan timpu joman ni'in inyo disobut ‘Sari ni'in’. Labuhan nantai oca' kinyo ado di antaro kaitn inyo ditipu ulih dosa lalu monjadi korikng hati monula' Allah.

1 Timotius 6:5

Sia' hala botikakng co nyiant kotuntukannyo. Pikiran sia' udah rusa' sampai sia' co ulih agi' monyongkayoan inyo salah huatan inyo bondar. Sia' bopikir, aman sia' molabuhan ajaran agama mondatakan kodampuan.

Roma 11:7

Jadi kosimpulannyo ubo ni'inan: Urakng Israel bousaha monjadi bondar di pohadapan Allah. Apo kobanya'an doi' sia' kinyo mondapat'annyo. Bayo sodikitmo inyo mondapat'annyo, ia'an nantai boko monsio inyo dipilih Allah. Somuo monsio bukai, Allah bulah hati sia' korikng hati.

Roma 9:18

Jadi, udah jolas obai Allah monunju'an bolas-kasihan ko urakng sosuai agatn kohonda'-Nyo. Apo Allah pan ulih bulah urakng korikng hati sosuai agatn kohonda'-Nyo, sama'an inyo tojadi agatn rajo Mesir nantai.

Kisah Boko Rasul 22:4

Komainyo, aku mondorako'i boko urakng inyo jumpat boko ajaran Tuhatn. Aku mondorako'i sia' sampai bomatian, aku jam inyo monangkap ongko monyorahan sia' pakai' di ponjara, boi' lolaki boi' pan botina'.

Kisah Boko Rasul 7:51

Ongko Stefanus bopandir, “Kaitn ni'in koras kopala'! Hati kaitn co honda' pocayo ko Allah! Kolindakan kaitn co honda' mondinga' pomandiran Sio! Kaitn hala molawatn Roh Allah sama'an ubo angki-bayatn kaitn!

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.

2 Timotius 3:5

Kotiat'annyo sia' hidup sosuai agatn kohonda' Allah. Apo sobondarnyo, sia' co honda' tundu' agatn kuaso Allah dalapm hidup sia'. Padohan mondinga'an boko urakng sama'an nantai.

2 Timotius 1:15

Kolai udah mongotohu'i obai banya' urakng inyo pocayo di propinsi Asia udah monula' aku, tomansu' Figelus huatan Hermogenes.

Kisah Boko Rasul 28:22

Apo koi kalo mondinga' mongona'i kopocaya'an inyo kolai jumpati nantai. Banya' urakng di mono-mono bopandir molawatn kopocaya'an nantai. Jadi, koi honda' mondinga' lansukng doi' kolai mongona'i kopocaya'an kolai nantai.”

Kisah Boko Rasul 24:21

Aku bayo mongatoan sobuti' hal inyo mungkitn sia' anggap salah. Pado watu nantai, aku bodiritn di tongah-tongah sia' ongko mondorah, ‘Aku pocayo urakng paca'an bobali' hidup lopas jadi mati. Nanam alasan aku diadili ari ni'in!’ ”

Kisah Boko Rasul 20:31

Obai nantai, bojago-jagocam! Ingantcam somanah tigo tohutn, siakng ongko malapm aku co botongga' mongajar kaitn masikng-masikng. Aku monosihat'i kaitn agatn banya' ara'i mato oca' kaitn totap pocayo agatn Yesus.

Kisah Boko Rasul 19:30

Watu nantai, Paulus pan honda' mansu' ko dalapm lapakan nantai. Io honda' bopandir ko urakng banya' nantai. Apo boko urakng pocayo kinyo moijitannyo.

Kisah Boko Rasul 17:4

Sobagi'an urakng Yahudi doi' kota nantai monjadi pocayo ongko monjadi pongikut Yesus samo sama'an Paulus agatn Silas. Ado jam boko urakng Yunani inyo doholu udah monjadi urakng inyo pocayo ko Allah. Cukup banya' doi' sia' monjadi pocayo ko Yesus. Banya' botina' inyo pontikng pan monjadi pocayo ko Yesus jam.

Kisah Boko Rasul 11:26

Somanah sotohutn, sia' duo tinggal di su'utn. Sia' opat bokumpul bosamo agatn boko urakng inyo pocayo Yesus di su'utn. Sia' mongajar banya' urakng mongona'i Yesus Kristus. Di Antiokhia nam, boko urakng inyo pocayo Yesus mula'i disobut ‘Kristen’ pakai' potamo kalinyo.

Yohanes 12:40

“Tuhatn udah mombulah mato sia' buto. Sio udah mombulah hati sia' koras. Oca' jangan sampai ni'in tojadi: sia' moniant agatn mato, sia' mongoroti agatn hati, lalu moninggalan boko dosa sia', oca', Tuhatn moamputi sia'.”

Matius 26:55

Watu nantai, Yesus bopandir ko urakng banya' nantai, “Kata'an Aku ni'in ponjahat bai, kaitn sampai datakng agatn mombaba' podakng ongko pompangkukng pakai' monangkap Aku? Padohal, sotiap ari Aku dudu' mongajar di tongah lamanan Rumah Allah. Apo watu nantai kaitn co monangkap Aku.

Matius 16:4

“Boko urakng di joman ni'in kotakan jahat ongko kinyo sotia ko Allah. Sia' monuntut suatu tando. Apo bayo sobuti' inyo paca'an dionju' ko sia', bayo mujisat sama'an inyo tojadi ko Nabi Yunus timpu joman komai.” Lopas nantai, Yesus botula'am moninggalan sia'.

Matius 15:14

Jadi, jangan bodulian sia'. Sia' samo sama'an urakng buto inyo moirikan urakng buto. Aman siku' urakng buto moncubo moirikan urakng buto bukainyo, pasti kododuonyo paca'an jatu' ko dalapm parit.”

1 Korintus 16:9

Obai ado banya' kosompatan dalapm polayatan aku di si'itn. Kosompatan nantai bosar huatan boguno bondar. Biar pan banya' jam urakng inyo bolawatan agatn aku.