Kisah Boko Rasul 19:33 - Porjanjian Boharu Torjomahan Baso Dilakng Soari-ari

³³ Boko urakng agama Yahudi monyurukan siku' urakng ko muka'. Damonyo Aleksander. Jadi, ado boko urakng bopikir io inyo bosalah. Aleksander moonji'i kode agatn jarinyo oca' urakng banya' langunt. Io honda' monjolasan obai mosalah ni'in kinyo disobaban ulih urakng Yahudi.

Kisah Boko Rasul 19:33 ပူးပေါင်းရင်းမြစ်များ

Kisah Boko Rasul 12:17

Apo Petrus mombori' tando agatn jarinyo oca' sia' langunt holu'ai. Io mongisahan ko sia' sama'an apo caro Tuhatn udah mongoluaran io doi' ponjara. Ongko, io bopandir ko sia', “Padahancam mongona'i hal ni'in ko Yakobus ongko boko urakng pocayo inyo bukai.” Lopas nantai, io botula' ko kota bukai.

2 Timotius 4:14

Ado tukakng tompo inyo bodamo Aleksander. Io udah molabuhan banya' hal inyo jahat pakai' molawatn polayatanku. Obai nantai, Tuhatn paca'an mohukupm io.

1 Timotius 1:20

Himeneus ongko Aleksander ado di antaro boko urakng sama'an nantai. Aku udah monyorahan sia' ko Rajo Sitatn agatn caro monundukng sia' doi' posokutuan urakng pocayo. Agatn sama'an nantai, sia' ulih bolajar botongga' mohayam Allah.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Kisah Boko Rasul 24:10

Lopas nian, gubernur moanggu' sobagai tando oca' Paulus bopandir. Ongko, Paulus bopandir, “Bopai Gubernur, aku tohu obai duatn udah botohutn-tohutn manahnyo moadili boko pokaro banso koi urakng Yahudi. Obai nantai, aku sonang mombela diri siku' di hadapan duatn.

Kisah Boko Rasul 21:40

Ongko, kopala' pasukan moijitan Paulus. Paulus bodiritn di pucu' tanggo ongko moonji'i kode agatn jarinyo ko urakng banya' nantai oca' sia' langunt. Pas sia' langunt, io bopandir ko sia' dalapm baso urakng Yahudi, ia'an baso Ibrani.

Kisah Boko Rasul 13:16

Jadi, Paulus bodiritn ongko moonji'i kode agatn jarinyo obai io honda' bopandir. Katonyo, “Boko urakng Yahudi huatan boko urakng bukainyo urakng Yahudi udah pocayo ko Allah. Dinga'anbo!

Lukas 1:22

Koponsuahannyo, Zakharia koluar, apo kinyo bopandir ko siaꞌ. Io ongkah momakai kode am pakai' bopandir obai io bisu. Ongko siaꞌ tohu io udah moniant suatu poniant'an di dalapm Rumah Allah.

Kisah Boko Rasul 19:34

Apo urakng banya' konal agatn io sobagai urakng Yahudi. Jadi, sia' kinyo honda' mondinga'an io. Sia' mondongkakng-mondorah, “Hebat bondar Artemis, dewi urakng Efesus!” Somanah kiro-kiro duo japm, urakng banya' hala mondorah sama'an nantai.