Kisah Boko Rasul 19:29 - Porjanjian Boharu Torjomahan Baso Dilakng Soari-ari

²⁹ Banya' urakng bukai monjadi tolibat. Soluruh kota nantai monjadi kacau. Urakng banya' borindakng-ramai bonggidi'an momansu'i lapakan umum inyo bosar. Duo kawal Paulus ditangkap ongko dibaba' ko su'utn jam. Damo sia' Gayus ongko Aristarkhus. Sia' duo doi' Makedonia apo tuyut Paulus dalapm polayatannyo.

Kisah Boko Rasul 19:29 ပူးပေါင်းရင်းမြစ်များ

Kisah Boko Rasul 13:5

Yohanes (inyo jam disobut Markus) tuyut jam monulukng sia' dalapm polayatan. Watu sia' sampai di kota Salamis, sia' botula' ko boko rumah sombayakng agama Yahudi. Di sotiap rumah sombayakng nantai, sia' monyampaian Kabar Boi' doi' Allah mongona'i Yesus.

Kisah Boko Rasul 16:12

Doi' su'utn, koi ko kota Filipi. Kota Filipi nantai tomansu' kota inyo pontikng di doerah Makedonia. Kota nantai jajahan urakng Roma. Koi tinggal di su'utn boboropo ari.

Kisah Boko Rasul 16:9

Pado malapm arinyo, Paulus ado poniant'an. Io moniant siku' urakng doi' doerah Makedonia. Urakng nantai bodiritn kapikng momuhun ko Paulus. Katonyo, “Tulukng datakng ko Makedonia pakai' monulukng koi!”

Kisah Boko Rasul 17:8

Timpu mondinga' pomandiran sia' nantai, urakng banya' huatan boko pojabat kota nantai monjadi godi.

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Kisah Boko Rasul 19:22

Jadi, Paulus mongiripm duo urakng kawal korojonyo, ia'an Timotius ongko Erastus. Sia' mondoholu'i io ko propinsi Makedonia. Apo io monotap cukup manah agi' di kota Efesus di propinsi Asia.

Kisah Boko Rasul 19:32

Koadaan di dalapm lapakan nantai kotakan kacau. Ado urakng inyo mondorah ni'in. Urakng bukai mondorah sosuatu inyo bukai. Kobanya'an urakng kinyo tohu samo sokali tujuan sia' bokumpul di santai.

Kisah Boko Rasul 20:34

Kaitn siku' tohu obai aku bokorojo pakai' momonuhi somuo kopontikan aku. Aku bokorojo bulah kemah agatn bokorojo siku'. Doi' pokoroja'an nantai, aku mondapat'an cukup pakai' boko kawal inyo molayati bosamo agatn aku jam.

Kisah Boko Rasul 20:4

Ado boko urakng inyo monyoroto'i io dalapm pojalatan nantai, ia'an: Timotius, Sopater (ana' Pirus doi' kota Berea), Aristarkhus ongko Sekundus (koduo urakng nantai doi' kota Tesalonika), Gayus (doi' kota Derbe), huatan Tikhikus ongko Trofimus (koduonyo doi' propinsi Asia).

Kisah Boko Rasul 21:30

Lopas pomandiran sia' nantai, soluruh kota monjadi kacau. Urakng banya' bonggidi'an bokumpul mongoliliki Paulus. Sia' monangkap io ongko monari' io ko luar doi' tembok Rumah Allah nantai. Lansukng somuo pintu gerbakng Rumah Allah ditutup.

Kisah Boko Rasul 21:38

Jadi, kolai bukainyo pomborontak doi' Mesir nantai? Obai boboropo watu inyo komai, io bosamo ompat ribu urakng bosonjato molawatn pomorintah Romawi. Apo ni'in sia' somuo rari ko padakng pasir.”

Kisah Boko Rasul 27:2

Timpu koi ado di polabuhan di kota Kaisarea, ado kapal inyo datakng doi' kota Adramitium. Kapal nantai paca'an bobali' ko Adramitium agi' kapikng singgahi diboboropo polabuhan di sopanjakng pantai propinsi Asia. Ongko, koi jumpat kapal nantai ongko botula'. Aristarkhus pan tuyut samoan koi. Io nantai somadikan koi inyo boasal doi' kota Tesalonika di propinsi Makedonia.

Roma 16:23

Salapm ko kaitn doi' Gayus, inyo monorima'ku bodiapm di rumahnyo. Io pan monorima' somuo jomaat di rumahnyo. Salapm ko kaitn doi' Erastus, bendahara kota. Salapm jam doi' Kwartus, urakng inyo pocayo samo sama'an kito. [

1 Korintus 1:14

Aku bosukur aku co mombaptis siku' urakng pan di antaro kaitn kocuali Krispus ongko Gayus.

1 Korintus 4:9

Apo, monurut aku, Allah udah moonji'i koi boko rasul-Nyo kodudu'an inyo kotakng babah. Sio bulah koi monjadi samo sama'an boko urakng inyo dibaba' koluar pakai' dihukupm mati. Obai koi diporotian urakng disoluruh dunia, ia'an somuo monsio huatan somuo molekat.

2 Korintus 8:19

Bukainyo bayo nantai jam! Io pan udah di pilih boko jomaat pakai' monambahi koi dalapm pojalatan pakai' mombaba' sumbakan ko Yerusalem. Koi molabuhan polayatan nantai oca' Tuhatn dimuliaan, huatan oca' urakng ulih moniant obai koi bondar-bondar honda' monulukng urakng bukai.

Kolose 4:10

Salapm doi' Aristarkhus, inyo ado dalapm ponjara bosamo agatn aku. Salapm jam doi' Markus, io sana'-tuho Barnabas. Kaitn udah monorima' posatn mongona'i Markus; aman io datakng, torima' io agatn boi'.

Filemon 1:24

Salapm jam doi' Markus, Aristarkhus, Demas huatan Lukas, ia'an boko kawal inyo bokorojosamo agatn ku pakai' momboritoan Kabar Boi'.

3 Yohanes 1:1

Surat ni'in doi'ku, inyo momimpitn jomaat. Ko inyo tohormat: Gayus inyo tokasih. Inyo ku kasihi obai kito sosamo pocayo agatn ajaran inyo bondar.