Kisah Boko Rasul 19:19 - Porjanjian Boharu Torjomahan Baso Dilakng Soari-ari

¹⁹ Banya' jam doi' sia' inyo kalo molabuhan boko ponohu. Sia' nantai mongumpulan boko buku ponohu sia' ongko moncuculnyo dihadapan somuo urakng. Rogo boko buku nantai dihitukng. Jumlahnyo kiro-kiro lima' puluh ribu kopikng duit pira'.

Kisah Boko Rasul 19:19 ပူးပေါင်းရင်းမြစ်များ

Lukas 14:33

Ubo nian jam agatn boko urakng inyo honda' monjadi murid-Ku. Io gola' bopikir soboi'-boi'nyo holu ai obai aman io honda' monjadi murid-Ku, io gola' moninggalan somuo umputnnyo.”

Lukas 15:8

Yesus molajuan mongajar agatn poumpamoan ni'in. “Soumpamonyo ado botina' inyo bisi sopuluh pingkai' duit pira'. Aman io kohilakan sopingka'i, pasti io paca'an monokil pompolitoan lalu monyapu somuo rumahnyo pakai' monggoyapi duit nantai sampai io monomuannyo.

Kisah Boko Rasul 13:6

Ongko sia' monyomboraki pulau Siprus. Sia' mondataki somuo tompat di pulau nantai, sampai sia' datakng di Pafos, ibu kota Siprus. Di kota nantai sia' botomu siku' urakng boponohu. Io nantai pan nabi palsu. Io nantai urakng Yahudi. Damonyo Baryesus.

Kisah Boko Rasul 19:18

Banya' urakng doi' sia' nantai monjadi pocayo ko Yesus, ongko datakng mongaku' boko porbuatan jahat sia' di muka' umum.

Ibrani 10:34

Kaitn jumpat mondorita' agatn sia' inyo ditamoan ko ponjara. Timpu kodampuan kaitn dirampas, kaitn totap sonang-nyaman. Obai, kaitn tohu kaitn ija' ado kodampuan inyo lobih boi', ia'an kodampuan di sorugo inyo tahatn somanah-manahnyo.