Kisah Boko Rasul 19:18 - Porjanjian Boharu Torjomahan Baso Dilakng Soari-ari

¹⁸ Banya' urakng doi' sia' nantai monjadi pocayo ko Yesus, ongko datakng mongaku' boko porbuatan jahat sia' di muka' umum.

Kisah Boko Rasul 19:18 ပူးပေါင်းရင်းမြစ်များ

Matius 3:6

Sia' moaku'i boko dosa sia' huatan Yohanes mombaptis sia' di Sungai Yordan.

Kisah Boko Rasul 19:17

Borito mongona'i kojadian nantai didinga' somuo urakng inyo tinggal di Efesus, boi' urakng Yahudi huatan urakng Yunani. Ongko, sia' somuo monjadi gola'. Sia' momuji damo Tuhatn Yesus obai sia' sadar Sio kotakan bokuaso.

Kisah Boko Rasul 19:19

Banya' jam doi' sia' inyo kalo molabuhan boko ponohu. Sia' nantai mongumpulan boko buku ponohu sia' ongko moncuculnyo dihadapan somuo urakng. Rogo boko buku nantai dihitukng. Jumlahnyo kiro-kiro lima' puluh ribu kopikng duit pira'.

Roma 10:10

Obai agatn hatinyo urakng pocayo, lalu io monjadi bondar di pohadapan Allah. Urakng mongaku'i agatn mulutnyo lalu io disolamant'an.

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.

1 Yohanes 1:9

Apo, aman kito moaku'i boko dosa kito ko Allah, Sio monunju'an obai Sio sotia huatan adil. Obai nantaiam, Sio moamputi boko dosa kito, huatan momborosihi kito doi' boko porbuatan kito inyo jahat.