Kisah Boko Rasul 19:13 - Porjanjian Boharu Torjomahan Baso Dilakng Soari-ari

^13-14 Apo ado imam kopala' urakng Yahudi. Damonyo Skewa. Io bisi tujuh urakng ana' lolaki. Somuonyo monjadi tukakng sihir. Caro hidup sia' bokolilikng doi' kota ko kota. Di kota Efesus, sia' bousaha monundukng boko roh jahat agatn momakai kuaso Tuhatn Yesus. Kato sia', “Paulus mongajar mongona'i Yesus. Agatn kuaso Yesus nantai, koi porintahan roh jahat koluar doi' urakng ni'in.”

Kisah Boko Rasul 19:13 ပူးပေါင်းရင်းမြစ်များ

Matius 12:27

Apotolagi', soumpamonyo Aku monundukng roh jahat momakai kuaso Rajo Sitatn, rotinyo boko pongikut kaitn monundukng roh jahat agatn kuaso Rajo Sitatn jam. Boko pongikut kaitn siku' paca'an mongatoan nantai salah!

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Markus 5:7

Yesus bopandir, “Oi, roh jahat! Koluar doi' urakng ni'in!” Jadi, roh jahat nantai mondorah kotakan borakng, “Oi Yesus, Ana' Allah Inyo Maho Tinggi! Duatn honda' bulah lapo agatn aku? Aku muhun jangan monyisa aku!”

Markus 9:38

Lalu Yohanes bopandir, “Guru, koi moniant ado urakng inyo monundukng roh jahat momakai damo Duatn. Apo io koi rarakng, obai io bukainyo doi' kolompok kito.”

Lukas 11:19

Jadi soandainyo Aku monundukng roh jahat momakai kuaso Rajo Sitatn, agatn kuaso apobai boko pongikut kaitn monundukng roh jahat? Boko pongikut kaitn siku' paca'an mongatoan nantai salah!

Lukas 9:49

Ongko Yohanes bopandir, “Guru, koi moniant siku' urakng inyo monundukng roh jahat momakai kuaso doi' Duatn. Apo koi morarakng io, obai io bukainyo doi' kolompok kito.”

2 Korintus 11:4

Obai, kaitn siap monorima' urakng inyo datakng mombaba' ajaran inyo salah mongona'i Yesus. Nantai bukainyo doi' ajaran inyo bondar mongona'i Yesus inyo udah koi boritoan ko kaitn komai. Kaitn pan honda' monorima' roh inyo bukainyo doi' Roh Allah inyo udah kaitn torima' komai. Kaitn honda' pocayo ajaran inyo bukai doi' Kabar Boi' inyo udah kaitn pocayo komai.