Kisah Boko Rasul 18:6 - Porjanjian Boharu Torjomahan Baso Dilakng Soari-ari

⁶ Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Kisah Boko Rasul 18:6 ပူးပေါင်းရင်းမြစ်များ

Matius 10:14

Aman ado urakng inyo kinyo monorima' kaitn damo kinyo honda' mondinga' pomandiran kaitn mongona'i Kabar Boi', koluarcam doi' rumah damo kota nantai. Tinggalancam sia'. Tata'cam dobu doi' kaki kaitn sobagai poringant'an hukupan pakai' sia'.

Matius 21:41

Timbas sia' ko io, “Pasti urakng umputn kobutn nantai paca'an mombunuh boko urakng jahat nantai. Lalu io paca'an monyewaan kobutn anggur nantai ko boko potani inyo honda' moonji'i pombagian hasil kobutn ko io udah watunyo.”

Matius 21:43

Lalu Yesus bopandir, “Jadi, pondinga'ancam ni'in: Hak kaitn pakai' monjadi anggota Koraja'an Allah paca'an dikuti' doi' kaitn. Hak nantai paca'an dionju' ko banso inyo sotia molabuhan kohonda' Allah. [

Matius 22:10

Lalu boko hulutn nantai botula' ko boko jalatn mohundakng somuo urakng inyo di tomu'inyo, ia'an boko urakng jahat huatan boko urakng boi'. Lalu, banya' bondar boko urakng inyo dihundakng nantai datakng.

Matius 27:25

Timbas somuo urakng banya' nantai, “Biaram koi huatan boko bobia' koi botanggukng jawab mongona'i komatian-Nyo!”

Matius 8:11

Dinga'anbo ni'in: Banya' urakng inyo bukainyo urakng Israel paca'an datakng doi' somuo ponjuru dunia. Sia' paca'an dudu' makatn bosamo agatn Abrahapm, Ishak ongko Yakub di dalapm Koraja'an Sorugo.

Lukas 22:65

Sia' hala boulu'an Sio agatn boko pomandiran.

Lukas 9:5

Apo aman kaitn ditula' boko urakng disobuah kota, koluar ja'am doi' kota nian. Borosihi jam dobu doi' tampo kaki kaitn. Nian pakai' momporingant'i sia' inyo tajahan dihukupm Allah, obai monula' posatn mongonaꞌi Koraja'an Allah inyo kaitn sampaian.”

Kisah Boko Rasul 13:51

Apo Paulus ongko Barnabas mongibasan dobu doi' kaki sia'. Niannam tando poringant'an ko pondudu' kota nantai obai Allah paca'an mohukupm sia'. Lopas nantai, Paulus ongko Barnabas botula' ko kota Ikonium.

Kisah Boko Rasul 26:11

Aku pan opat mondorako'i sia' inyo kotomuanku dalapm boko rumah sombayakng. Aku bousaha momoso sia' pakai' co pocayo agi' agatn Yesus. Aku kotakan godi agatn sia' sampai aku monyasah sia'. Aku monyasah sia' ko boko kota bukai jam oca' aku dapat mondorako'i sia'.

Kisah Boko Rasul 26:20

Mulonyo, aku momboritoan mongona'i Yesus ko boko urakng di Damsyik, ongko di Yerusalem, ongko di soluruh doerah propinsi Yudea. Lopas nantai, aku momboritoan mongona'i Yesus ko boko banso inyo bukainyo banso Yahudi. Aku momboritoan obai sia' gola' botongga' bulah dosa huatan hidup monyonangan hati Allah. Aku momboritoan, sia' gola' molabuhan porbuatan inyo monunju'an obai sia' memang bondar-bondar botongga' bulah dosa.

Kisah Boko Rasul 28:28

Jadi, kaitn gola' mongotohu'i ni'in: borito mongona'i kosolamant'an doi' Allah nantai paca'an disampaian ko boko banso inyo bukainyo banso Yahudi, sia' paca'an pocayo agatn borito nantai.” [

Roma 3:29

Cubo bopikir: Apobai Allah ongkah Allah urakng Yahudi am? Samo sokali cado! Sio ia'an Allah boko banso bukai jam!

1 Timotius 5:22

Jangan tolalu copat momilih urakng monjadi ponotua' lalu molota'an jari ko io pakai' monsahannyo. Aman ado urakng bukai bulah dosa, kolai pan jangan sonjumpat'an bulah dosa. Kolai gola' monjago diri oca' kolai hidup co bulah bodosa

2 Timotius 2:25

Io gola' onsi' mongajar boko urakng inyo gala' molawatn. Sopo tohu Allah moonji'i kosompatan ko boko urakng inyo gala' molawatn nantai pakai' botongga' bulah dosa huatan tohu mongonal ajaran inyo bondar.

1 Petrus 4:14

Sonangcam kaitn aman urakng bukai momojah kaitn obai damo Kristus. Obai, nantai rotinyo Roh inyo bokuaso ado di kaitn, ia'an Roh Allah.

1 Petrus 4:4

Apo ni'in kaitn co hidup ubo nantai agi'. Boko urakng hiratn mapo kaitn co moikuti caro hidup sia' inyo bodosa. Obai nantaiam, sia' monjahai'-jahai'an kaitn.