Kisah Boko Rasul 18:27 - Porjanjian Boharu Torjomahan Baso Dilakng Soari-ari

²⁷ Boboropo watu lopas nantai, Apolos honda' botula' ko propinsi Akhaya. Jadi boko urakng pocayo di Efesus honda' monulukng io. Sia' monulis surat ko boko urakng pocayo di su'utn oca' io ditorima' agatn boi'. Di Akhaya, ado boko urakng inyo pocayo Yesus obai Allah monunju'an koboi'an-Nyo ko sia'. Watu Apolos sampai di su'utn, io sangant monulukng sia'.

Kisah Boko Rasul 18:27 ပူးပေါင်းရင်းမြစ်များ

Kisah Boko Rasul 1:15

Lopas nantai boboropo ari, ado kiro-kiro soratus duo puluh urakng inyo pocayo ko Yesus bokumpul watu nantai. Petrus bodiritn di antaro sia' somuo. Katonyo,

Kisah Boko Rasul 11:26

Somanah sotohutn, sia' duo tinggal di su'utn. Sia' opat bokumpul bosamo agatn boko urakng inyo pocayo Yesus di su'utn. Sia' mongajar banya' urakng mongona'i Yesus Kristus. Di Antiokhia nam, boko urakng inyo pocayo Yesus mula'i disobut ‘Kristen’ pakai' potamo kalinyo.

Kisah Boko Rasul 15:34

Apo Silas momutusan pakai' tinggal di su'utn mo.

Kisah Boko Rasul 18:12

Pado watu Paulus ija' di kota Korintus, pomorintah Romawi moangkat Galio monjadi gubernur propinsi Akhaya nantai. Watu nantai, boko urakng Yahudi bosamo-samo molawatn Paulus. Sia' mombaba' io ko pohadapan Galio pakai' diadili.

Kisah Boko Rasul 18:18

Lopas nantai, Paulus monotap cukup manah di Korintus. Ongko, io pamit ko boko urakng inyo pocayo agatn Yesus di santai. Paulus botula' doi' santai samoan Priskila ongko Akwila. Sia' tuntukng di kota polabuhan Kengkrea. Di santai, Paulus mongguntikng rambutnyo obai io udah bonajar ko Tuhatn, jadi Paulus udah momonuhi janjinyo nantai. Lopasnyo nantai, sia' bolayar ko propinsi Siria.

Kisah Boko Rasul 19:1

Timpu Apolos ija' ado di kota Korintus di propinsi Akhaya, Paulus udah mondataki boboropo doerah bukai di propinsi Galatia huatan Frigia. Io bojalatn torus sampai di Efesus di propinsi Asia. Di santai io botomu agatn boboropo urakng inyo pocayo.

Kisah Boko Rasul 9:27

Apo Barnabas monulukng Saulus. Barnabas mongonalan io ko boko rasul. Barnabas mongisahan sama'an apo Saulus udah moniant Tuhatn Yesus dalapm pojalatan ko Damsyik. Barnabas pan momadahan ko sia' obai Tuhatn Yesus udah bopandir ko Saulus. Io pan monjolasan obai Saulus udah momboritoan mongona'i Yesus agatn borani di Damsyik.

Roma 1:5

Allah jam monunju'an koboi'an-Nyo ko aku. Ia'an Yesus momilih aku pakai' monjadi rasul inyo mowakili Sio. Sio moonji'i tugas ko aku pakai' mombimbikng boko urakng doi' somuo banso oca' sia' pocayo huatan taat ko Sio.

1 Korintus 15:10

Apo obai koboi'an hati Allah, Sio udah bulah aku monjadi sama'an watu ni'in. Koboi'an hati inyo Allah udah labuhan nantai kinyo bopasal. Malahan, aku bokorojo koras momboritoan Kabar Boi', lobih koras daripado somuo rasul inyo bukai. Apo sobondarnyo aku kinyo molabuhan nantai agatn kokuatan siku'. Aku mampu molabuhan nantai bayo obai koboi'an hati Allah monyoroto'i aku.

1 Korintus 16:3

Aman aku datakng, kaitn gola' momilih boboropo urakng inyo kaitn anggap ulih dipocayo'i. Aku paca'an moutus sia' pakai' moonju'an sumbakan kaitn nantai ko Yerusalem. Sia' paca'an mombaba' surat poonju' jam.

1 Korintus 3:6

Kaitn jomaat Korintus sama'an halnyo lakau umputn Allah. Aku samo sama'an urakng inyo monanam kabar boi' ko kaitn, sodakan Apolos samo sama'an urakng inyo monyirapm. Urakng inyo monanam huatan urakng inyo monyirapm kinyo pontikng. Inyo pontikng ia'an Allah, obai Sio inyo mombulah kaitn botumbuh. Obai nantai, koi duo samo-samo bokorojo pakai' Sio. Koi paca'an monorima' upah sosuai agatn pokoroja'an koi siku'-monyiku'.

2 Korintus 1:24

Aku co bomasud obai koi honda' momoso lapo inyo gola' kaitn pocayo. Obai, koi tohu kaitn pocayo agatn kuat ko Kristus. Apo, inyo ku masud ia'an koi honda' bokorojo samo oca' bulah kaitn bondar-bondar sonang-nyaman.

Filipi 1:25

Jadi, aku yakitn mongona'i ni'in: Aku tajahan totap diapm di dunia ni'in bosamo agatn kaitn oca' kaitn mongkitn kuat pocayo ongko mongkitn sonang-nyamanam obai nantai.

Filipi 1:29

Obai, Allah udah moonji'i kosompatan ko kaitn bukainyo bayo pakai' pocayo ko Kristus, apo pakai' mondorita' obai Kristus jam.

Kolose 2:12

Obai watu kaitn dibaptis dalapm damo Yesus, kohidupan kaitn inyo manah nantai udah mati, ubonyo kaitn dipasar bosamo-samo agatn Kristus. Apo kaitn pocayo obai kuaso Allah udah bulah Kristus bobali' hidup doi' komatian. Obai nantai, kaitn pan dionji'i kohidupan inyo boharu.

Kolose 4:10

Salapm doi' Aristarkhus, inyo ado dalapm ponjara bosamo agatn aku. Salapm jam doi' Markus, io sana'-tuho Barnabas. Kaitn udah monorima' posatn mongona'i Markus; aman io datakng, torima' io agatn boi'.