Kisah Boko Rasul 18:26 - Porjanjian Boharu Torjomahan Baso Dilakng Soari-ari

²⁶ Di kota Efesus Apolos mula'i mongajar agatn borani di rumah sombayakng agama Yahudi. Ongko, Priskila ongko Akwila mondinga' ajaran Apolos nantai kurakng longkap. Obai nantai, sia' mohundakng io ko rumah sia'. Di santai, sia' monjolasan ko io sorinci-rincinyo agi' ajaran Allah mongona'i kosolamant'an molalu'i Yesus.

Kisah Boko Rasul 18:26 ပူးပေါင်းရင်းမြစ်များ

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

Lukas 19:26

Habakng nantai monimbas, ‘Dinga'anbo! Urakng inyo udah ado, tajahan dionji'i lobih banyaꞌ agi'. Apo urakng inyo conyiant, la'apo pan inyo ado di io paca'an dikuti' doi' io.

Lukas 24:27

Lalu Yesus monjolasan ko sia' somuo inyo totulis mongonaꞌi Sio dalapm soluruh Buku Suci, mula'i doi' boko buku inyo ditulis Musa sampai somuo buku inyo ditulis boko nabi bukainyo.

Yohanes 7:17

Somuo urakng inyo honda' molabuhan kohonda' Allah, sia' paca'an tohu aman ajaran-Ku ni'in bondar-bondar doi' Allah, kata'an bayo doi' diri-Ku siku'.

Kisah Boko Rasul 14:3

Apo, Paulus ongko Barnabas bodiapm cukup manah di su'utn. Agatn borani, sia' duo momboritoan Kabar Boi' mongona'i Tuhatn Yesus. Sia' duo bopandir biar pan urakng kinyo cucu' pakai' disolamant'an, apo Yesus totap monunju'an koboi'an hati-Nyo. Tuhatn Yesus moonji'i kuaso ko Paulus ongko Barnabas pakai' molabuhan bomacapm mujisat. Niannam caronyo Tuhatn mombutian obai somuo pomandiran sia' bondar.

Kisah Boko Rasul 18:18

Lopas nantai, Paulus monotap cukup manah di Korintus. Ongko, io pamit ko boko urakng inyo pocayo agatn Yesus di santai. Paulus botula' doi' santai samoan Priskila ongko Akwila. Sia' tuntukng di kota polabuhan Kengkrea. Di santai, Paulus mongguntikng rambutnyo obai io udah bonajar ko Tuhatn, jadi Paulus udah momonuhi janjinyo nantai. Lopasnyo nantai, sia' bolayar ko propinsi Siria.

Kisah Boko Rasul 18:25

Io kalo diajari ajaran inyo bondar mongona'i Tuhatn Yesus. Io mongajar mongona'i Yesus agatn somangant huatan toliti. Apo, io bayo mongotohu'i baptisan Yohanes.

Kisah Boko Rasul 19:8

Paulus pan botula' ko rumah sombayakng agama Yahudi di kota Efesus. Somanah tigo bulatn, io opat mongajar di santai. Agatn borani io botikakng agatn boko urakng di santai. Io monjolasan mongona'i Koraja'an Allah. Io bousaha moyakit'an sia' obai Yesus nantai Rajo Inyo Dijanjian Allah inyo momorintah di Koraja'an Allah nantai.

Kisah Boko Rasul 28:23

Ongko, sia' monontuan watu pakai' botomu agi' agatn Paulus. Pas ari nantai lobih banya' urakng datakng bokumpul di rumah tompat io monoluntukng. Doi' sunsukng tuntukng ko malapm Paulus monjolasan ko sia' mongona'i Koraja'an Allah. Io moingant'an sia' mongona'i boko hal inyo ditulis Musa huatan boko nabi watu joman komai. Agatn caro nantai, io bousaha moyakit'an sia' pakai' pocayo ko Yesus.

Kisah Boko Rasul 8:31

Kato pojabat nantai, “Co mungkitn aku ulih mongoroti aman co nyiant urakng inyo monjolasannyo ko aku.” Jadi pojabat nantai mominto Filipus noi' ko koretanyo ongko dudu' bosamo agatn io.

1 Korintus 12:21

Jadi, mato kinyo ulih bopandir agatn longan, “Aku co momontikan kolai!” Kopala' kinyo ulih bopandir agatn kaki, “Aku co momontikan kolai!”

1 Korintus 3:18

Jangan sampai ado urakng inyo ngontumbuki dirinyo siku' mongona'i kopintar-corodi'an monsio. Aman ado urakng inyo moanggap dirinyo pintar-corodi' socaro dunia, urakng nantai gola' moanggap hal nantai budu. Io gola' molabuhan nantai oca' io bondar-bondar monjadi pintar-corodi'.

1 Korintus 8:2

Aman ado urakng inyo bopikir obai io ado ‘pongotohuan husus’, sobondarnyo urakng nantai bolupm mongotohu'i boko hal inyo soharusnyo io kotohu'i.

Ibrani 6:1

Obai nantai, mara am kito maju agatn boko ajaran mongona'i Sio inyo mombulah kito lobih botumbuh monjadi dewasa dalapm Kristus. Jangannam kito moulaki agi' boko ajaran dasar, ia'an ajaran obai urakng gola' botongga' molabuhan boko hal inyo pocumo huatan pocayo cam ko Allah,

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!