Kisah Boko Rasul 18:24 - Porjanjian Boharu Torjomahan Baso Dilakng Soari-ari

²⁴ Pontongahan Paulus di propinsi Galatia huatan Frigia, ado urakng inyo mongajar mongona'i Yesus di kota Efesus di propinsi Asia. Urakng nantai bodamo Apolos. Io nantai urakng Yahudi inyo boasal doi' Aleksandria ibu kota di nogori Mesir. Io pintar bopandir. Io pan udah banya' mompolajari Buku Suci.

Kisah Boko Rasul 18:24 ပူးပေါင်းရင်းမြစ်များ

Matius 13:52

Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”

Lukas 24:19

Yesus botakutn, “Poristiwa la'apo inyo tojadi?” “Poristiwa inyo tojadi mongonaꞌi Yesus, urakng doi' laman Nazaret nantai,” kato sia'. “Sio nantai nabi inyo bokuaso doi' Allah. Sio bulah mujisat inyo luar biaso. Sio mongajar boko urakng agatn kotakng pintar-corodi'. Somuo urakng sonang agatn Sio. Apotolagi' Allah!

Kisah Boko Rasul 18:19

Pas sia' datakng di kota Efesus, Paulus mansu' ko rumah sombayakng. Io agatn boko urakng Yahudi di santai bopandir mongona'i Yesus. Sia' mominto io pakai' monotap lobih manah di su'utn. Apo io monula'. Katonyo, “Aman Allah moijitan, aku paca'an datakng agi' ko si'itn.” Jadi, io botula' noi' kapal, apo Priskila ongko Akwila totap tinggal di kota Efesus nantai.

Kisah Boko Rasul 18:28

Io kotakan pandai botikakng agatn boko urakng Yahudi inyo kinyo pocayo agatn Yesus. Di hadapan urakng banya', io molawatn sia' agatn koras. Io hala mongalahan sia'. Io momakai Buku Suci pakai' mombutian obai Yesus nantai Rajo Inyo Dijanjian Allah.

Kisah Boko Rasul 19:1

Timpu Apolos ija' ado di kota Korintus di propinsi Akhaya, Paulus udah mondataki boboropo doerah bukai di propinsi Galatia huatan Frigia. Io bojalatn torus sampai di Efesus di propinsi Asia. Di santai io botomu agatn boboropo urakng inyo pocayo.

Kisah Boko Rasul 27:6

Komandatn pasukan nantai monomuan kapal doi' kota Aleksandria inyo paca'an botula' ko propinsi Italia. Jadi, io mourus oca' koi somuo ulih tuyut bolayar agatn kapal nantai.

Kisah Boko Rasul 6:9

Apo ado kolompok urakng Yahudi inyo molawatn io. Sia' doi' kolompok urakng inyo dibebasan. Anggota kolompok nantai ia'an pondudu' Yerusalem inyo datakng doi' kota Kirene, kota Aleksandria, propinsi Kilikia, ongko propinsi Asia. Sia' botikakng agatn Stefanus,

Kisah Boko Rasul 7:22

Jadi Musa dididik dalapm bomacapm ilmu pongotohuan urakng Mesir. Io monjadi urakng inyo hebat. Io bopongaruh, boi' di dalapm pomandirannyo apotolagi' kolaku'annyo.

1 Korintus 1:12

Masudku, ado di antaro kaitn inyo bopandir, “Aku urakng doi' kolompok Paulus.” Ado inyo bukai bopandir, “Aku urakng doi' kolompok Apolos.” Damo “Aku urakng doi' kolompok Petrus.” Ado inyo bukai agi' inyo bopandir, “Aku urakng doi' kolompok Kristus.”

1 Korintus 16:12

Mongona'i somadikan kito, Apolos. Aku sobondarannyo monyosahan io oca' io tuyut bosamo agatn boko somadikan bukai pakai' monjongu' kaitn. Apo io bolupm honda' botula' sokarakng. Nono, aman io ado kosompatan, io paca'an datakng ko kaitn.

1 Korintus 4:6

Boko somadikan, boko pomandiran inyo aku tulis ni'in bolaku pakai' diri aku siku' huatan Apolos. Tujuannyo oca' doi' toladatn koi, kaitn ulih bolajar roti ungkap'an ni'in: “Jangan mombosar-bosaran apo inyo totulis.” Agatn sama'an nian, kinyo ado di antaro kaitn inyo paca'an bopangkakng agatn moutamoan sikuꞌ urakng di atas urakng bukai.

2 Korintus 10:10

Aku tohu ado urakng inyo bopandir, “Dalapm boko suratnyo, Paulus momakai pomandiran inyo togas huatan koras. Apo timpu io ada'an samo agatn kito, sikapnyo lomah, huatan io kinyo pandai bopandir.”

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

Titus 3:13

Ado Zenas, urakng ahli hukupm, ongko Apolos. Tulukngcam sia' dalapm pojalatan. Onji'i la'apo inyo sia' pontikan.