Kisah Boko Rasul 18:22 - Porjanjian Boharu Torjomahan Baso Dilakng Soari-ari

²² Paulus turutn doi' kapal di kota Kaisarea. Ongko, io botula' ko Yerusalem. Io mombori' salapm ko jomaat di su'utn. Ongko, io molajuan pojalatan ko Antiokhia.

Kisah Boko Rasul 18:22 ပူးပေါင်းရင်းမြစ်များ

Kisah Boko Rasul 10:1

Di kota Kaisarea, ado siku' urakng powira tontara. Damonyo Kornelius. Kornelius ongko somuo koluarganyo bukainyo urakng Yahudi. Io momimpitn sokitar soratus projurit inyo dalapm sotilah tontara Roma disobut pasukan Italia.

Kisah Boko Rasul 10:24

Kolusoannyo, hoyu' sia' tuntukng di kota Kaisarea. Di kota nantai, Kornelius udah monanti sia'. Di rumahnyo io udah mongumpulan boko koluarganyo huatan boko pokawalan.

Kisah Boko Rasul 11:11

Topat pado watu nantai, ado tigo urakng inyo datakng ko rumah tompat aku mongoluntukng. Sia' diutus ko aku doi' kota Kaisarea.

Kisah Boko Rasul 13:1

Di antaro boko urakng inyo pocayo Yesus di Antiokhia, ado boko nabi inyo monyampaian posatn Allah huatan boko pongajar inyo mongajar mongona'i Yesus. Sia' nantai Barnabas, Simeon (inyo jam disobut ‘Urakng Hitapm’), Lukius (inyo boasal doi' kota Kirene), Manahem (inyo dibosaran bososamo agatn Gubernur Herodes), ongko Saulus.

Kisah Boko Rasul 14:26

Doi' santai, sia' noi' kapal bobali' ko kota Antiokhia inyo di doerah Siria. Komai, boko urakng pocayo di Antiokhia nantai inyo moutus Paulus ongko Barnabas ko boko tompat bukai pakai' momboritoan Kabar Boi'. Sia' pan bodoa oca' Allah momborokati Paulus ongko Barnabas dalapm pojalatan. Paulus ongko Barnabas udah monjadi'i polayatan nantai.

Kisah Boko Rasul 15:30

Jadi, rombokan urakng inyo diutus momandiran salapm porpisahan ongko botula' ko Antiokhia. Di kota nantai, sia' minto oca' somuo urakng inyo pocayo ko Yesus bokumpul. Ongko, utusan nantai monyampaian surat nantai ko sia'.

Kisah Boko Rasul 15:35

Apo Paulus ongko Barnabas ija' manah monotap di Antiokhia. Sia', bosamo agatn banya' urakng bukai, momboritoan ongko moajaran mongona'i boko pomandiran Tuhatn Yesus.

Kisah Boko Rasul 15:4

Lopas nantai, Paulus ongko Barnabas huatan kolompok urakng doi' Antiokhia tuntukng ko Yerusalem. Sia' duo ditorima' agatn boi' ulih somuo jomaat tomansu' boko ponotua' jomaat huatan boko rasul. Paulus ongko Barnabas mongisahan somuo inyo udah Allah labuhan dalapm polayatan sia' ko boko urakng bukainyo Yahudi.

Kisah Boko Rasul 23:23

Lopas nian komandatn pasukan nantai moningkau duo powira. Katonyo, “Siap'an projurit bobanya' pakai' mombaba' Paulus ko gubernur Feliks di Kaisarea. Io gola' sampai ko su'utn agatn aman. Jadi, siap'an duo ratus tontara bopodakng, duo ratus tontara botumba', huatan tujuh puluh ponunggakng kuda. Siap'an jam boboropo kuda pakai' Paulus. Bososiapcam pakai' botula' japm sombilatn malapm ni'in.”

Kisah Boko Rasul 25:1

Jadi, Festus monjadi gubernur di propinsi Yudea nantai. Io datakng di Kaisarea, ibu kotanyo. Lopas tigo ari, io botula' ko Yerusalem.

Kisah Boko Rasul 25:9

Apo Festus honda' monyonangan boko urakng Yahudi. Jadi, io botakutn ko Paulus, “Apobai kolai honda' botula' ko Yerusalem? Aku ulih moadili kolai di su'utn, ongko bulah koputusan dalapm pokaro ni'in.”

Kisah Boko Rasul 8:40

Apo Roh Allah mombaba' Filipus doi' tompat nantai ko kota inyo bodamo Asdod. Tangga'i santai io bojalatn ko kota Kaisarea. Io momboritoan Kabar Boi' di somuo kota di sopanjakng pojalatannyo.