Kisah Boko Rasul 18:18 - Porjanjian Boharu Torjomahan Baso Dilakng Soari-ari

¹⁸ Lopas nantai, Paulus monotap cukup manah di Korintus. Ongko, io pamit ko boko urakng inyo pocayo agatn Yesus di santai. Paulus botula' doi' santai samoan Priskila ongko Akwila. Sia' tuntukng di kota polabuhan Kengkrea. Di santai, Paulus mongguntikng rambutnyo obai io udah bonajar ko Tuhatn, jadi Paulus udah momonuhi janjinyo nantai. Lopasnyo nantai, sia' bolayar ko propinsi Siria.

Kisah Boko Rasul 18:18 ပူးပေါင်းရင်းမြစ်များ

Matius 4:24

Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Markus 6:46

Lopas urakng banya' nantai botula', Yesus mondaki ko bukit pakai' bodoa.

Kisah Boko Rasul 1:15

Lopas nantai boboropo ari, ado kiro-kiro soratus duo puluh urakng inyo pocayo ko Yesus bokumpul watu nantai. Petrus bodiritn di antaro sia' somuo. Katonyo,

Kisah Boko Rasul 15:41

Paulus ongko Silas botula' mondataki boko kota di propinsi Siria huatan Kilikia. Di su'utn, sia' duo monulukng boko somadikan oca' pocayo agatn Yesus lobih kuat.

Kisah Boko Rasul 18:2

Di su'utn io botomu agatn siku' urakng Yahudi inyo boasal doi' propinsi Pontus. Damonyo Akwila. Bininyo bodamo Priskila. Boboropo watu sobolupmnyo, sia' duo nantai tinggal di kota Roma di propinsi Italia. Apo Kaisar negara Roma inyo bodamo Klaudius, momorintahan oca' somuo urakng Yahudi gola' koluar doi' kota Roma. Obai nantai Akwila ongko Priskila pan pindah ko Korintus. Bolupm manah sia' bodiapm di kota Korintus, Paulus datakng ko rumah sia'.

Kisah Boko Rasul 18:26

Di kota Efesus Apolos mula'i mongajar agatn borani di rumah sombayakng agama Yahudi. Ongko, Priskila ongko Akwila mondinga' ajaran Apolos nantai kurakng longkap. Obai nantai, sia' mohundakng io ko rumah sia'. Di santai, sia' monjolasan ko io sorinci-rincinyo agi' ajaran Allah mongona'i kosolamant'an molalu'i Yesus.

Kisah Boko Rasul 18:27

Boboropo watu lopas nantai, Apolos honda' botula' ko propinsi Akhaya. Jadi boko urakng pocayo di Efesus honda' monulukng io. Sia' monulis surat ko boko urakng pocayo di su'utn oca' io ditorima' agatn boi'. Di Akhaya, ado boko urakng inyo pocayo Yesus obai Allah monunju'an koboi'an-Nyo ko sia'. Watu Apolos sampai di su'utn, io sangant monulukng sia'.

Kisah Boko Rasul 21:23

Jadi, koi ponotua' monosihat'i kolai pakai' molabuhan ni'in: Di antaro koi, ado ompat urakng inyo tongahan bolampah ko Allah.

Kisah Boko Rasul 21:24

Tuyutcam bosamo sia' dalapm upacara inyo bulah sia' borosih agi' socaro rohani. Botula'cam samoan sia' ko tongahlamanan Rumah Allah. Bayaricam ungkus pakai' kurbatn inyo sia' paca'an posombahan ko Allah. Jadi, sia' ulih monota' rambutsobagai tando obai sia' udah bolampah nantai. Watu boko urakng moniant kolai bulah ubo nian, sia' paca'an tohu obai kolai totap mohormati huatan monaati boko porintah Allah inyo ditulis Musa dalapm buku Hukupm Torat. Jadi, sia' paca'an tohu borito mongona'i kolai inyo komai didinga' sia' samo sokali kinyo bondar.

Kisah Boko Rasul 21:3

Timpu koi tongahan bolayar, koi moniant pulau Siprus di sopia' kiba'. Apo koi torus bolayar sampai ko kota Tirus di doerah Fenisia di propinsi Siria. Kapal nantai singgah di santai pakai' monurutan muant'an di santai.

Roma 16:1

Aku honda' mongonalan somadikanku Febe ko kaitn. Io molayati jomaat di Kengkrea.

1 Korintus 9:20

Masudku, aman aku bosamo agatn urakng Yahudi, aku hidup agatn caro urakng Yahudi. Aku molabuhan nantai oca' monulukng sia' pakai' pocayo ko Yesus. Aman aku bosamo agatn boko urakng inyo hidup monaati porintah huatan poraturan Allah inyo ditulis Musa dalapm buku Hukupm Torat, aku pan hidup monaati Hukupm Torat. Aku molabuhan nantai oca' monulukng sia' pakai' pocayo ko Yesus. Apo sobondarnyo aku bebas doi' tuntutan pakai' monaati Hukupm Torat.

Galatia 1:21

Lopas aku ado di Yerusalem, aku co mondataki boko kota bukai di propinsi Yudea nantai. Aku botula' ko boboropo kota di propinsi Siria huatan Kilikia.