Kisah Boko Rasul 18:17 - Porjanjian Boharu Torjomahan Baso Dilakng Soari-ari

¹⁷ Watu nantai, sia' somuo monangkap kopala' rumah sombayakng agama Yahudi. Damonyo Sostenes. Io dipodularan di tongah-tongah ruakan pongadilan nantai. Apo Galio samo sokali kinyo poduli.

Kisah Boko Rasul 18:17 ပူးပေါင်းရင်းမြစ်များ

Matius 27:19

Pilatus tongahan dudu' di krosi tompat io moadili pokaro. Watu nantai, bininyo mongiripm posatn ko io, “Sari ni'in, obai pokaro Urakng nantai mombulah aku bomimpi inyo bogola'i. Mimpi nantai bulahku mondorita'. Obai nianam, jangan kolai sonjumpat'an pokaro Urakng inyo kinyo bosalah nantai.”

Markus 5:22

Siku' urakng kopala' rumah sombayakng datakng ko santai, io bodamoan Yairus. Pas io moniant Yesus, io tundu' monyungkapan di kaki Yesus.

Kisah Boko Rasul 17:32

Timpu boko urakng nantai mondinga' Paulus bopandir obai ado Urakng inyo kalo bobali' hidup doi' komatian, ado di antaro sia' inyo boulu'an Paulus. Apo inyo bukai bopandir, “Hobu'-luso cam, koi mondinga'an kolai bopandir agi' mongona'i hal ni'in.”

Kisah Boko Rasul 18:8

Banya' urakng di Korintus mondinga' ajaran Paulus ongko monjadi pocayo agatn Yesus, tomansu' Krispus, kopala' rumah sombayakng nantai huatan somuo urakng inyo tinggal dalapm rumahnyo. Somuo urakng pocayo nantai dibaptis jam.

1 Korintus 1:1

Surat ni'in ko jomaat Allah di Korintus. Kaitn monjadi borosih socaro rohani molalu'i Kristus Yesus. Allah momilih kaitn pakai' monjadi umant inyo husus pakai' umputn Sio. Kaitn monjadi umant Allah bosamo somuo urakng di mono aja' inyo pocayo ko Tuhatn kito, Yesus Kristus. Sio ia'an Tuhatn inyo bokuaso atas sia' huatan Tuhatn inyo bokuaso atas kito. Surat ni'in doi' aku, Paulus. Aku ditingkau pakai' monjadi rasul Kristus Yesus obai nantai kohonda' Allah. Salapm jam doi' Sostenes, somadikan soiman kito.

1 Korintus 1:23

Apo koi momboritoan obai Kristus, Rajo Inyo Dijanjian Allah mati di kayu salib. Hal nantai bulah boko urakng Yahudi tosinggukng, huatan boko urakng inyo kinyo Yahudi moanggap hal nantai kinyo ado rotinyo.