Kisah Boko Rasul 18:13 - Porjanjian Boharu Torjomahan Baso Dilakng Soari-ari

¹³ Sia' monuduh Paulus. Kato sia', “Urakng ni'in mongajar boko urakng pakai' monyombah Allah. Apo ajaran io bolawatan agatn boko porintah agama koi urakng Yahudi.”

Kisah Boko Rasul 18:13 ပူးပေါင်းရင်းမြစ်များ

Yohanes 19:7

Kato boko urakng Yahudi nantai ko io, “Koi ado poraturan agama. Monurut poraturan nantai, Sio gola' dihukupm mati. Obai, Sio mongatoan diri-Nyo Ana' Allah!”

Kisah Boko Rasul 18:15

Apo ni'in bayo mosalah pomandiran, kata'an mosalah namo, kata'an mosalah hukupm kaitn ja'. Biar kaitn mourus siku' mosalah ni'in. Aku co honda' moadili mosalah sama'an ni'in.”

Kisah Boko Rasul 18:4

Apo sotiap Ari Sabat, Paulus botula' ko rumah sombayakng agama Yahudi. Di santai io bopandir ko somuo urakng inyo datakng, boi' boko urakng Yahudi sama'an nian jam ko boko urakng Yunani. Io bousaha moyakit'an sia' oca' pocayo agatn Yesus.

Kisah Boko Rasul 21:28

huatan mondorah, “Oi urakng Yahudi, tulukngbo! Ninam io inyo mongajar somuo urakng di mono-mono pakai' molawatn banso kito. Io mongajar urakng pakai' molawatn porintah huatan poraturan Allah inyo ditulis Musa dalapm buku Hukupm Torat. Io jam mongajar urakng pakai' co morogo'i Rumah Allah ni'in. Malahan timpu ni'in io udah bulah kotor socaro rohani tompat suci ni'in obai io mombaba' urakng bukai Yahudi ko si'itn.”

Kisah Boko Rasul 25:8

Lopas nian, Paulus mombela diri. Katonyo, “Aku co kalo molanggar boko poraturan urakng Yahudi inyo ditulis Musa dalapm Hukupm Torat. Aku co molanggar poraturan mongona'i Rumah Allah. Aku pan co molawatn Kaisar negara Roma.”

Kisah Boko Rasul 6:13

Ongko sia' mombaba' boko sasi inyo mongatoan boko hal inyo kinyo bondar mongona'i io. Kato sia', “Io ni'in hala mohayam Rumah Allah inyo suci ni'in. Io pan hala mohayam Porintah Allah inyo ditulis Musa dalapm Hukupm Torat.