Kisah Boko Rasul 18:10 - Porjanjian Boharu Torjomahan Baso Dilakng Soari-ari

¹⁰ Jangan gola' obai Aku monyoroto'i kolai! Co nyiant siku' urakng pan inyo paca'an mondorako'i kolai. Torus ja' mongajar obai boko umant-Ku di kota ni'in.”

Kisah Boko Rasul 18:10 ပူးပေါင်းရင်းမြစ်များ

Matius 1:23

“Dinga'anbo! Siku' urakng botina' daro paca'an buntikan, lalu boana'an siku' bobia' lolaki. Sia' paca'an mondamo'i Sio, Imanuel.” (Damo Imanuel nantai boroti “Allah monyoroto'i kito.”)

Matius 10:30

Allah lobih morogo'i kaitn daripado banya' burukng pipit nantai. Boropo banya' lambai' rambut di kopala' kaitn pan Sio udah tohu. Jadi jangan kaitn gola'.

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Lukas 21:18

Apo aman kaitn totap botahatn, sotia agatn Aku biar pan sampai dibunuh, boko jiwa kaitn co tajahan bonaso. Kaitn tajahan hidup kokal di sorugo.”

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Yohanes 11:52

Bukainyo pakai' banso nantai ja', apo Sio mati oca' somuo poana'an Allah inyo topisah-pisah somuonyo, ulih bokumpul monjadi satu.

Kisah Boko Rasul 15:14

Simon Petrus udah mongisahan pongalapannyo komai. Io mongisahan caro Allah monunju'an koboi'an ko boko banso bukai. Allah momilih boko urakng doi' antaro sia' oca' monjadi umant-Nyo.

Kisah Boko Rasul 15:18

Tangga'i joman komai, Aku udah momadahan somuonyo ni'in.”

Kisah Boko Rasul 18:11

Ongko, Paulus monotap di Korintus somanah sotohutn sotongah huatan momboritoan pomandiran Allah mongona'i Yesus.

Kisah Boko Rasul 18:9

Pado suatu malapm, Paulus ado poniant'an. Tuhatn bopandir ko io, “Jangan gola'! Torus ja' momboritoan Kabar Boi'. Jangan botongga' momboritoan mongona'i hal nantai.

Roma 8:31

Aman kito bopikir mongona'i somuonyo nantai, la'apo inyo ulih kito pandiran? Aman Allah di pihak kito, conyiant ado la'apo pan inyo ulih mongalahan kito!

2 Korintus 12:9

Apo Tuhatn co molabuhan nantai. Sio momandiran ko aku, “Aku monunju'an koboi'an ko kolai. Nantai cukup bagi kolai. Obai, timpu urakng lomah, justru watu nantai kuaso-Ku bondar-bondar ulih ditiat.” Nantaiam sobabnyo aku lobih sonang momuji diri mongona'i hal inyo monunju'an kolomahanku. Obai timpu lomah, Kristus monguat'anku agatn kuaso-Nyo.

2 Timotius 4:17

Apo, watu nantai, Tuhatn monyoroto'iku. Sio moonji'i kokuatan ko aku. Obai nantai, aku ulih momboritoan Kabar Boi' ko urakng inyo bukainyo urakng Yahudi. Watu nantai, aku co dihukupm mati samo sama'an lopas doi' tontorokapan bonatakng buas.

2 Timotius 4:22

Aku bodoa oca' Tuhatn monyoroto'i kolai, Timotius. Aku bodoa oca' Tuhatn monunju'an koboi'an-Nyo ko somuo kaitn.