Kisah Boko Rasul 17:32 - Porjanjian Boharu Torjomahan Baso Dilakng Soari-ari

³² Timpu boko urakng nantai mondinga' Paulus bopandir obai ado Urakng inyo kalo bobali' hidup doi' komatian, ado di antaro sia' inyo boulu'an Paulus. Apo inyo bukai bopandir, “Hobu'-luso cam, koi mondinga'an kolai bopandir agi' mongona'i hal ni'in.”

Kisah Boko Rasul 17:32 ပူးပေါင်းရင်းမြစ်များ

Lukas 14:18

Apo sia' somuo monula', kapikng momadahan bomacapm alasan pakai' culih datakng ko pogai nantai. Ado inyo bopandir, ‘Maap. Aku hoyu' momboli lakau jadi aku gola' botula' boriso'inyo.’

Lukas 22:63

Boko urakng inyo tongahan monahan Yesus, mohayam Sio, momantu Sio.

Lukas 23:11

Lalu Herodes ongko boko projuritnyo mohayam Yesus. Sia' boulu'an Yesus agatn mongona'an jubah rajo ko Sio. Lalu, Herodes monyiuh boko projurit mombaba' Yesus bobali' ko Pilatus.

Lukas 23:36

Boko projurit boulu'an Sio. Sia' mohampiki Sio monawaran anggur mansapm.

Kisah Boko Rasul 13:41

‘Pontiatan boboi', kaitn inyo mohayam pomandiran-Ku! Kaitn paca'an mooso hiratn obai joman ni'in Aku paca'an molabuhan sosuatu inyo bulah kaitn kotakan ajab sonsaro. Biar pan ado urakng inyo momadahan ko kaitn mongona'i hukupan nantai, kaitn ija' bopikir hukupan nantai kinyo paca'an tojadi. Apo hukupan nantai paca'an tojadi. Kaitn paca'an bonaso.’ Jadi, boko somadikan, poniant'an boboi' oca' hukupan nantai kinyo tojadi ko kaitn jam.”

Kisah Boko Rasul 17:18

Ongko boboropo urakng Yunani inyo pintar-corodi' nantai mula'i botikakng agatn io. Ado inyo doi' kolompok Epikuros. Ado jam doi' kolompok Stoa. Sobagi'an sia' bopandir mongona'i Paulus. Kato sia', “Pomandiran urakng budu nantai kinyo mansu' akal.” Apo inyo bukai bopandir, “Ruponyo io bopandir mongona'i boko duato inyo bolupm kito konal.” Sia' momandiran nantai obai Paulus momboritoan Kabar Boi' mongona'i Yesus huatan sama'an apo boko urakng ulih bobali' hidup doi' komatian.

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Kisah Boko Rasul 17:33

Ongko, Paulus moninggalan sia'.

Kisah Boko Rasul 2:13

Apo ado jam boboropo urakng bukai inyo monontao'i boko murid Yesus nantai. Kato sia', “Ah, boko urakng nantai udah minum anggur manis tolalu banya'. Sia' bayo mabu'mo!”

Kisah Boko Rasul 24:25

Paulus pan monjolasan mongona'i boko hal ni'in: Urakng inyo pocayo gola' molabuhan porbuatan inyo bondar di hadapan Allah. Urakng inyo pocayo pan gola' mongondalian diri. Paulus pan monjolasan obai suatu ari nononyo somuo urakng paca'an dihakipi. Watu Feliks mondinga' mongona'i caro hidup sama'an nantai, io kotakan gola' bondar. Ongko io bopandir, “Jadiam! Botula' cam. Nononyo aman ado watu, aku moningkau kolai agi'.”

Kisah Boko Rasul 25:19

Mosalahnyo bayo mongona'i ajaran agama sia' mo. Ado jam mosalah agatn siku' urakng inyo bodamo Yesus. Io udah mati. Apo Paulus bopandir agatn togas obai Yesus hidup.

Kisah Boko Rasul 26:8

Boko urakng inyo monuduh aku, soharusnyo kaitn pocayo obai Allah bulah urakng bobali' hidup doi' komatian.

1 Korintus 1:23

Apo koi momboritoan obai Kristus, Rajo Inyo Dijanjian Allah mati di kayu salib. Hal nantai bulah boko urakng Yahudi tosinggukng, huatan boko urakng inyo kinyo Yahudi moanggap hal nantai kinyo ado rotinyo.

1 Korintus 15:12

Jadi, koi momboritoan obai Yesus udah dihidupan agi' doi' komatian. Aman kaitn udah pocayo nantai, co mungkitn kaitn mongatoan obai urakng mati kinyo paca'an dihidupan agi' doi' komatian.

1 Korintus 4:10

Sama'annyo koi budu obai koi molayati Kristus. Apo kaitn bokopintar-corodi'an obai kaitn pocayo ko Kristus. Koi lomah. Apo, kaitn kuat. Koi kinyo cucu' dihormati. Apo kaitn tohormat.

2 Korintus 6:2

Obai, di dalapm Buku Suci, Allah bopandir, “Watu Aku sotuju, Aku mondinga'an kolai. Watu ari kosolamant'an, Aku monyolamant'an kolai.” Dinga'ancam, boko somadikan! Watu ni'inan ia'an watu inyo sotuju nantai. Ari ni'in ia'an ari kosolamant'an nantai!

Ibrani 11:36

Ado boko urakng inyo pocayo inyo dihanyam, dicambuk, dikobat agatn rantai ongko inyo ditamoan ko dalapm ponjara.

Ibrani 13:13

Obai nantai, mara am kito botula' ko Yesus di luar junjukng-potungguan ongko jumpat dihanyam jam samo sama'an Sio komai.