Kisah Boko Rasul 17:25 - Porjanjian Boharu Torjomahan Baso Dilakng Soari-ari

²⁵ Sio kinyo kokurakan la'apo pan. Jadi, Sio kinyo minto potulukan monsio. Malah sobali'nyo. Sio nam inyo moonji'i hidup, kosih, ongko somuo hal ko somuo monsio.

Kisah Boko Rasul 17:25 ပူးပေါင်းရင်းမြစ်များ

Matius 5:45

Obai, Allah Bopai kaitn di sorugo monunju'an kasih-Nyo ko somuo urakng. Sio monumbuhan matoari pakai' urakng inyo jahat huatan urakng inyo boi'. Sio bulah hujatn turutn pakai' urakng inyo hidup bondar huatan urakng inyo hidup kinyo bondar di hadapan-Nyo. Jadi, aman kaitn botindak sama'an Sio, kaitn paca'an monjadi boko poana'an-Nyo.

Matius 9:13

Jadi, botula' huatan polajaricam masud doi' pomandiran Allah ni'in: ‘Daripado momposombahan kurbatn bonatakng ko Aku, Aku lobih honda' oca' kaitn mooso salu' ko urakng bukai.’ Obai, Aku datakng kinyo pakai' moningkau sia' inyo moanggap dirinyo bondar. Apo Aku datakng pakai' moningkau boko urakng inyo bodosa oca' sia' moninggalan boko dosa sia'.”

Kisah Boko Rasul 14:17

Apo sobondarnyo, Allah inyo moonji'i kaitn hujatn doi' langit. Allah inyo moonji'i pongulihan doi' boko tontanaman oca' kaitn ado pomakatn inyo cukup. Allah inyo bulah hati kaitn sonang. Allah moonji'i somuo koboi'an nantai ko kaitn oca' kaitn mongotohu'i obai Sio memang ado.”

Kisah Boko Rasul 17:28

Obai Sio inyo moonji'i hidup ko kito, bulah kito mampu bogora' huatan moijitan kito ado di bumi. Samo sama'an ponulis puisi urakng kaitn inyo mangatoan, ‘Kito somuo ni'in boko koturutan-Nyo.’

Roma 11:35

“Conyiant ado urakng inyo kalo moonji'i la'apo pan ko Sio, sampai Sio gola' mombayar agi'!”

1 Timotius 6:17

Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.