Kisah Boko Rasul 17:23 - Porjanjian Boharu Torjomahan Baso Dilakng Soari-ari

²³ Aku udah bojojalatn di kota ni'in. Aku moniant banya' tompat monyombah boko duato kaitn. Ado sobuti' mesbah tompat molota'an posombahan jam agatn tulisan ni'in: ‘Pakai' monyombah duato inyo bolupm dikonal.’ Kaitn bolupm mongonal Sio, apo totap monyombah Sio. Aku moajaran mongona'i Sio nantai.

Kisah Boko Rasul 17:23 ပူးပေါင်းရင်းမြစ်များ

Matius 15:9

Pocumo ja' sia' monyombah Aku. Obai sia' bayo moajaran boko poraturan monsio.’ ”

Yohanes 17:25

Oi Bopai inyo hala molabuhan inyo bondar. Memang boko urakng dunia co mongonal Duatn. Apo Aku mongonal Duatn ongko sia' ni'in tohu obai Duatn inyo udah moutus Aku.

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Yohanes 4:22

Kaitn urakng Samaria monyombah Allah apo kinyo bondar-bondar mongonal-Nyo. Koi urakng Yahudi monyombah Sio inyo koi konal. Koi mongonal Sio obai kosolamant'an nantai doi' banso Yahudi.

Yohanes 8:54

Timbas Yesus, “Soandainyo Aku goyap hormat pakai' diri-Ku siku', jadi hormat nantai conyiant ado rotinyo. Inyo mohormati Ku nianam Bopai-Ku, ia'an Sio inyo kaitn sobut sobagai Allah kaitn nan.

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

1 Korintus 8:5

Memang ado urakng inyo pocayo obai di bumi huatan di sorugo ado banya' boko duato huatan banya' tuhatn inyo sia' pocayo'i.

Efesus 2:12

Watu nantai, kaitn bolupm mongonal Kristus. Kaitn ia'an urakng asikng, bukainyo warga banso Israel inyo dipilih Allah. Kaitn bukainyo urakng inyo bodapat la'apo pan inyo dijanjian Allah. Jadi, kaitn co nyiant harapan. Kaitn hidup di dunia ni'in kinyo mongonal Allah.

2 Tesalonika 2:4

Apo sobolupm io dibonasoan, io paca'an molawatn somuo hal inyo monsio anggap sobagai allah huatan somuo hal inyo disombah monsio. Io paca'an momandiran obai io lobih bokuaso doi' somuo allah nantai. Malahan, io paca'an mansu' ko dalapm Rumah Allah. Io paca'an dudu' di santai ongko moaku'i obai io nantai Allah.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.