Kisah Boko Rasul 17:19 - Porjanjian Boharu Torjomahan Baso Dilakng Soari-ari

¹⁹ Ongko boko guru agama doi' Yunani nantai mombaba' Paulus mohadap ko potomuan boko pojabat kota nantai. Damo kolompok pojabat kota nantai disobut Areopagus. Di santai sia' bopandir, “Tulukng jolasan ko koi mongona'i ajaran boharu inyo kolai sampaian nantai.

Kisah Boko Rasul 17:19 ပူးပေါင်းရင်းမြစ်များ

Matius 10:18

Obai kaitn pongikut Aku, kaitn paca'an dibaba' ko boko ponguaso ongko boko rajo pakai' diadili. Nantaiam watunyo kaitn paca'an bosasi mongona'i Aku ko sia' urakng Yahudi huatan ko boko urakng inyo bukainyo urakng Yahudi.

Markus 1:27

Somuo urakng kotakan hiratn, jadi sia' bopandir agatn siku'-monyiku', “Hebat bondar ajaran boharu ni'in inyo Sio ajaran agatn kuaso. Sio monyiuh boko roh jahat, lalu sia' monuruti sio!”

Yohanes 13:34

Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

Kisah Boko Rasul 17:20

Koi udah mondinga' ajaran kolai. Ajaran nantai nongkonyant'i koi. Jadi, koi honda' tohu lobih jolas mongona'i roti ajaran nantai.”

Kisah Boko Rasul 17:22

Jadi, Paulus bodiritn di hadapan urakng banya' di Areopagus nantai. Katonyo, “Boko urakng Atena, aku moniant kaitn somombondarnyo monyombah boko duato.

Kisah Boko Rasul 17:34

Apo ado boboropo urakng mongopal ko Paulus huatan pocayo agatn Yesus. Sia' monjadi pocayo agatn Yesus. Tomansu' salah siku' pojabat kota doi' Areopagus nantai. Damonyo Dionysius. Ado jam siku' urakng botina' bodamo Damaris, huatan boboropo urakng bukai.

Kisah Boko Rasul 23:19

Komandatn pasukan nantai moncanggapm longan bobia' muda' nantai ongko mombaba' io aga' jojouh ko sopia'. Io botakutn, “La'apo inyo honda' kolai padahan ko aku?”

Kisah Boko Rasul 24:24

Boboropo ari lopas nantai, Feliks datakng agi' agatn bininyo. Bininyo bodamo Drusila. Io urakng Yahudi. Timpu sia' udah datakng, Feliks monyiuh oca' Paulus dibaba' di hadapan sia' duo. Sia' mondinga'an pomandiran Paulus. Paulus monjolasan sama'an apo io pocayo obai Yesus, Rajo Inyo Dijanjian Allah.

Kisah Boko Rasul 25:22

Lopas nian, rajo Agripa bopandir ko gubernur Festus, “Aku siku' honda' mondinga' doi' urakng nantai.” Timbas Festus, “Aman ubo nian, hobu' duatn ulih mondinga' doi' io.”

Kisah Boko Rasul 26:1

Rajo Agripa bopandir ko Paulus, “Kolai ulih bopandir pakai' mombela diri kolai.” Jadi, Paulus monyodakan tunju'nyo ongko bopandir,