Kisah Boko Rasul 17:17 - Porjanjian Boharu Torjomahan Baso Dilakng Soari-ari

¹⁷ Obai nantai, io opat mansu' ko rumah sombayakng urakng Yahudi. Di santai, io bopandir mongona'i Yesus bosamo boko urakng Yahudi huatan boko urakng inyo bukainyo urakng Yahudi jam inyo komai udah monjadi urakng inyo pocayo ko Allah. Kinyo bayo nantai, opat jam io ko pasar pakai' bopandir mongona'i Yesus ko sopo ja' inyo kotomuan di santai.

Kisah Boko Rasul 17:17 ပူးပေါင်းရင်းမြစ်များ

Markus 16:15

Lalu Sio bopandir ko sia', “Botula'cam ko soluruh dunia. Boritoancam Kabar Boi' kosomuo urakng.

Lukas 12:3

Obai nantai somuo hal inyo dipandiran urakng socaro bototapu'dalapm golap tajahan didinga' socaro tobuka' pas watu torakng. Somuo rahasia inyo urakng kucapan di kolindakan urakng bukai di dalapm kamar totutup, nononyo tajahan diboritoan doi' pucu' hatap rumah.”

Kisah Boko Rasul 10:2

Kornelius ongko somuo koluarganyo hala hidup taat agatn Allah. Kornelius opat moonji'i duit ko boko urakng jaro. Io pan hala bodoa ko Allah.

Kisah Boko Rasul 13:16

Jadi, Paulus bodiritn ongko moonji'i kode agatn jarinyo obai io honda' bopandir. Katonyo, “Boko urakng Yahudi huatan boko urakng bukainyo urakng Yahudi udah pocayo ko Allah. Dinga'anbo!

Kisah Boko Rasul 13:43

Lopas jadi sombayakng, banya' urakng tuyut Paulus agatn Barnabas. Ado boko urakng Yahudi huatan boko urakng inyo bukainyo urakng Yahudi inyo udah pocayo ko Allah jam. Paulus ongko Barnabas mongajar somuo sia', obai Allah nantai boi'. Allah moamputi dosa somuo urakng inyo pocayo agatn Yesus. Koduo rasul nantai moanjuran oca' sia' totap pocayo ko koboi'an hati Allah nantai.

Kisah Boko Rasul 13:50

Apo boko urakng Yahudi mohadu boko urakng pontikng di kota nantai, tomansu' boko botina' inyo bopongaruh udah mansu' agama Yahudi. Boko urakng pontikng nantai bulah urakng bukai mondorako'i Paulus ongko Barnabas. Koponsuahannyo, Paulus ongko Barnabas ditundukng doi' doerah nantai.

Kisah Boko Rasul 9:20

Lopas jadi io ulih moniant agi' huatan monjadi kuat agi', io lansukng botula' ko boko rumah sombayakng urakng agama Yahudi. Io momboritoan obai Yesus nantai Ana' Allah.

2 Timotius 3:2

Boko urakng paca'an mondoholuan kohonda' diri sia' siku'. Sia' paca'an kaha'-kolobu' agatn duit. Sia' paca'an buhau, hala moninggian diri, hala mohayam urakng bukai, hala co monaati urakng tuho sia'. Sia' co tohu botorima' kasih, co honda' hidup mohormati Allah.

2 Timotius 3:5

Kotiat'annyo sia' hidup sosuai agatn kohonda' Allah. Apo sobondarnyo, sia' co honda' tundu' agatn kuaso Allah dalapm hidup sia'. Padohan mondinga'an boko urakng sama'an nantai.