Kisah Boko Rasul 16:9 - Porjanjian Boharu Torjomahan Baso Dilakng Soari-ari

⁹ Pado malapm arinyo, Paulus ado poniant'an. Io moniant siku' urakng doi' doerah Makedonia. Urakng nantai bodiritn kapikng momuhun ko Paulus. Katonyo, “Tulukng datakng ko Makedonia pakai' monulukng koi!”

Kisah Boko Rasul 16:9 ပူးပေါင်းရင်းမြစ်များ

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Kisah Boko Rasul 18:5

Lopas nian, Silas ongko Timotius datakng doi' propinsi Makedonia. Jadi, Paulus ulih momakai somuo watunyo pakai' momboritoan ko somuo urakng inyo boagama Yahudi. Paulus momboritoan agatn jolas obai Yesus nantai Rajo Inyo Dijanjian Allah.

Roma 15:26

Obai, boko jomaat di doerah Makedonia ongko Akhaya udah mombulah koputusan pakai' moonji'i sumbakan nantai pakai' monulukng urakng pocayo inyo jaro di Yerusalem.

Kisah Boko Rasul 20:1

Lopas boko urakng di kota Efesus langunt am, Paulus mongumpulan boko urakng pocayo. Io monulukng oca' sia' pocayo ko Yesus agatn lobih yakitn, ongko bopadah pulakng. Lopas nantai, io botula' ko propinsi Makedonia.

1 Tesalonika 4:10

Ruponyo kaitn udah mongasihi somuo urakng inyo pocayo di somuo propinsi Makedonia. Apo koi momadahi oca' kaitn mongkitn lobih mongasihi.

2 Korintus 12:7

Tuhatn co honda' aku monjadi buhau obai boko poniant'an inyo luar biaso nantai. Nantaiam sobabnyo, aku dionji'i somacapm ponyakit sama'an duri di dalapm isiku. Ponyakit nantai ia'an alat Rajo Sitatn inyo mohontapmku oca' aku co monjadi buhau.

2 Korintus 11:9

Timpu aku bosamo agatn kaitn, pas aku ado kokurakan, aku co morepotan kaitn. Obai, watu nantai, somuo inyo ku pontikan disodiaan boko urakng pocayo inyo datakng doi' Makedonia. Dalapm somuo hal, aku monjago oca' aku co kalo mombebat'i kaitn. Aku paca'an hala sama'an nian pakai' sotorusnyo!

2 Korintus 9:2

Obai, aku udah tohu kaitn bondar-bondar honda' moonji'i sumbakan pakai' nantai. Dalapm hal nantai, ko boko urakng di propinsi Makedonia Aku momuji kaitn. Aku momadahannyo ko sia' obai kaitn di propinsi Akhaya udah siap moonji'i sumbakan doi' tohutn komai. Jadi, somangant kaitn mombulah banya' doi' sia' honda' moonji'i sumbakan jam.

2 Korintus 8:1

Boko somadikan, koi honda' momadahan ko kaitn mongona'i caro Allah monunju'an koboi'an-Nyo ko boko jomaat di propinsi Makedonia ni'in.

2 Korintus 7:5

Pas watu koi datakng di propinsi Makedonia, koi co sampat torahat. Koi mohadapi pondorita'an di mono-mono. Di luar ado urakng inyo molawatn koi. Di dalapm hati koi ado jam kokuatiran.

Kisah Boko Rasul 20:3

Io monotap di su'utn somanah tigo bulatn. Lopas nantai, io bososiap pakai' bolayar ko propinsi Siria. Apo io mondinga' ado boko urakng Yahudi tongahan bohajat pakai' mombunuh io dalapm pojalatan nantai. Obai nantai, io momutusan pakai' bobali' ko Yerusalem molalu'i Makedonia.

Kisah Boko Rasul 10:30

Kornelius monimbas, “Sokomai, aku ado di rumah. Timpu inyo samo sama'an ni'in jam, japm tigo babahari, aku tongahan bodoa. Sopongirap ado molekat bodiritn di pohadapanku. Pakai'annyo bocohayo.

Kisah Boko Rasul 10:3

Pado suatu ari sokitar japm tigo babahari, Allah moutus molekat ko Kornelius. Kornelius moniant molekat nantai agatn jolas. Molekat nantai moningkau damonyo, “Kornelius!”

Kisah Boko Rasul 9:38

Di kota Yope nantai, ado jam boko urakng inyo pocayo agatn Yesus. Sia' mondinga' obai Petrus ado di kota Lida. Jadi, obai kota Lida kinyo jouh doi' kota Yope, sia' moutus duo urakng ko su'utn. Sia' duo momuhun ko Petrus minto potulukan. Kato sia', “Tulukng copat botula' bosamo agatn koi ko Yope.”

Kisah Boko Rasul 16:10

Doi' poniant'an nantai, koi monyimpulan obai Allah moningkau koi pakai' momboritoan Kabar Boi' ko boko urakng Makedonia. Jadi, koi lansukng bogoyap tumpakan inyo botula' ko su'utan.

Kisah Boko Rasul 16:12

Doi' su'utn, koi ko kota Filipi. Kota Filipi nantai tomansu' kota inyo pontikng di doerah Makedonia. Kota nantai jajahan urakng Roma. Koi tinggal di su'utn boboropo ari.

Kisah Boko Rasul 19:22

Jadi, Paulus mongiripm duo urakng kawal korojonyo, ia'an Timotius ongko Erastus. Sia' mondoholu'i io ko propinsi Makedonia. Apo io monotap cukup manah agi' di kota Efesus di propinsi Asia.

Kisah Boko Rasul 19:29

Banya' urakng bukai monjadi tolibat. Soluruh kota nantai monjadi kacau. Urakng banya' borindakng-ramai bonggidi'an momansu'i lapakan umum inyo bosar. Duo kawal Paulus ditangkap ongko dibaba' ko su'utn jam. Damo sia' Gayus ongko Aristarkhus. Sia' duo doi' Makedonia apo tuyut Paulus dalapm polayatannyo.

Kisah Boko Rasul 27:2

Timpu koi ado di polabuhan di kota Kaisarea, ado kapal inyo datakng doi' kota Adramitium. Kapal nantai paca'an bobali' ko Adramitium agi' kapikng singgahi diboboropo polabuhan di sopanjakng pantai propinsi Asia. Ongko, koi jumpat kapal nantai ongko botula'. Aristarkhus pan tuyut samoan koi. Io nantai somadikan koi inyo boasal doi' kota Tesalonika di propinsi Makedonia.