Kisah Boko Rasul 16:3 - Porjanjian Boharu Torjomahan Baso Dilakng Soari-ari

³ Paulus honda' oca' Timotius pan tuyut sia'. Apo somuo urakng di doerah nantai udah tohu obai Bopai Timotius urakng Yunani. Obai nantai, Paulus monyiuh oca' Timotius disunant oca' boko urakng Yahudi di doerah nantai ulih monorima' io.

Kisah Boko Rasul 16:3 ပူးပေါင်းရင်းမြစ်များ

Kisah Boko Rasul 15:20

Apo, soharusnyo kito monulis surat ko sia'. Kito momadahan ko sia' oca' jangan momporajoan. Jangan momua'i pomakatn inyo diposombahan ko boko duato. Jangan momua'i isi lou' inyo mati dikoci'. Jangan momua'i darah.

Kisah Boko Rasul 15:37

Barnabas sotuju, apo io honda' oca' Yohanes (inyo jam disobut Markus) tuyut bosamo sia' agi'.

Kisah Boko Rasul 15:40

Apo Paulus momilih botula' samoan Silas. Boko somadikan di Antiokhia bodoa pakai' sia' duo oca' Tuhatn momborokati sia' dalapm polayatan.

1 Korintus 7:19

Obai, aman kito disunant damo kinyo disunant, nantai kinyo pontikng. Inyo pontikng kito monaati boko porintah Allah.

1 Korintus 9:20

Masudku, aman aku bosamo agatn urakng Yahudi, aku hidup agatn caro urakng Yahudi. Aku molabuhan nantai oca' monulukng sia' pakai' pocayo ko Yesus. Aman aku bosamo agatn boko urakng inyo hidup monaati porintah huatan poraturan Allah inyo ditulis Musa dalapm buku Hukupm Torat, aku pan hidup monaati Hukupm Torat. Aku molabuhan nantai oca' monulukng sia' pakai' pocayo ko Yesus. Apo sobondarnyo aku bebas doi' tuntutan pakai' monaati Hukupm Torat.

Galatia 2:3

Titus bosamo agatn aku timpu nantai. Io nantai bukainyo urakng Yunani. Apo ruponyo sia' kinyo momoso oca' io disunant.

Galatia 2:8

Sia' monjadi sadar agatn nantai obai Allah udah moonji'i kuaso ko aku pakai' monjadi rasul ko urakng bukainyo Yahudi, samo sama'an Allah moonji'i kuaso ko Petrus pakai' monjadi rasul ko urakng Yahudi.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Filipi 2:22

Kaitn siku' udah tohu obai Timotius kotakan boguno. Io udah bogota' humpas-pulas bosamo agatn aku pakai' momboritoan Kabar Boi'. Io monulukngku samo sama'an ana' monulukng bopainyo.