Kisah Boko Rasul 16:23 - Porjanjian Boharu Torjomahan Baso Dilakng Soari-ari

²³ Opat sia' dipantu' kotakan kuat. Ongko, sia' dimansu'an ko dalapm ponjara. Boko pojabat kota monyiuh kopala' ponjara oca' monjago sia' agatn ketat.

Kisah Boko Rasul 16:23 ပူးပေါင်းရင်းမြစ်များ

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

2 Timotius 2:9

Obai aku momboritoan Kabar Boi' nantai, aku ajab sonsaro, malahan aku ditahatn agatn rantai dalapm ponjara ubonyo aku sama'an ponjahat. Apo pomboritoan pomandiran Allah kinyo totongga'an.

Filemon 1:9

Apo, obai aku mongasihi kolai, soboi'nyo aku mominto ja'am. (Aku, Paulus, udah tuhoam ongkopan ni'in tongahan ditahatn dalapm ponjara obai Kristus Yesus.)

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

Efesus 3:1

Nantaiam sobabnyo aku, Paulus ditamoan ko dalapm ponjara obai molayati Kristus Yesus momboritoan Kabar Boi' ko kaitn boko urakng bukainyo urakng Yahudi. Obai aku molabuhan nantai, jadi aku

Kisah Boko Rasul 16:36

Kopala' ponjara monyampaian nantai ko Paulus. Katonyo, “Boko pojabat udah monyiuh oca' kaitn duo dibebasan. Jadi, ni'inan kaitn ulih koluar. Botula' cam agatn solamant.”

Kisah Boko Rasul 16:27

Lopas nantai, kopala' ponjara nantai tohuas. Io moniant obai boko lawakng ponjara nantai udah tobuka'. Io bopikir somuo tahatan udah morarian diri. Jadi, io moncabut podakngnyo pakai' bunuh diri.

Kisah Boko Rasul 12:18

Sunsukng hobu'nyo, boko projurit inyo monjago Petrus tontai kotakan kuatir. Sia' kotakan topocongo, sama'an apo caro Petrus ulih koluar doi' ponjara.

Kisah Boko Rasul 12:4

Jadi, Petrus ditangkap ongko ditamoan ko dalapm ponjara. Herodes monyiuh oca' Petrus dijago hala. Ado ompat regu projurit, masikng-masikng regu nantai doi' ompat urakng projurit. Hajat Herodes honda' moadili Petrus di hadapan urakng banya', oca' io dihukupm mati. Apo Herodes honda' monantian lopas poraya'an Paskah nantai jadi.

Kisah Boko Rasul 9:2

Saulus mominto surat kuaso doi' io. Saulus paca'an moonju' surat nantai ko sotiap pomimpitn boko rumah sombayakng urakng agama Yahudi di kota Damsyik. Dalapm surat nantai totulis oca' timpu io monomuan boko pongikut ajaran Tuhatn Yesus, boi' lolaki damo botina', Saulus bohak monangkap sia'. Ongko io bohak mombaba' sia' bobali' ko Yerusalem. Di Yerusalem sia' ulih diadili.

Kisah Boko Rasul 5:23

“Koi moniant boko lawakng ponjara nantai totap tokunci agatn rapat. Boko ponjago ponjara bodiritn di tompatnyo masikng-masikng di pohadapan sotiap lawakng sama'an biaso. Apo pas koi mombuka' sotiap lawakng, boko rasul nantai co nyiant di dalapm.”

Kisah Boko Rasul 5:18

Jadi sia' monyiuh oca' boko rasul nantai ditangkap ongko dimansu'an ko dalapm ponjara umum.

Lukas 21:12

Apo, sobolupm somuo nantai tojadi, kaitn paca'an ditangkap ongko didorako'i obai kaitn nantai murid-Ku. Kaitn paca'an diadili di boko rumah sombayakng ongko ditamoan ko dalapm ponjara. Kaitn tajahan dibaba' ko boko rajo huatan ko boko ponguaso pakai' diadili jam.

Matius 26:48

(Nah, sobolupmnyo, Yudas nantai udah bulah hajat pakai' monjual Yesus ko rombokan inyo molawatn Yesus nantai. Io moonji'i tando ni'in ko sia'. Katonyo, “Urakng inyo aku ciupm, nianam urakngnyo. Tangkapcam Sio!”)

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

2 Korintus 6:5

Boko urakng boduda'an koi, monamoan koi ko ponjara, bulah korusuhan pakai' molawatn koi. Koi bokorojo humpas-pulas, hala kolaparan, opat co tidu'.

2 Korintus 11:23

Kata'an sia' mongatoan obai sia' molayati Kristus ai? Aku molayati Kristus agatn lobih boi'! (Aku gogilo momuji diri ubo ni'inan!) Aku bokorojo molayati lobih koras doi' pado sia'. Aku kotakng opat dimansu'an ko dalapm ponjara obai momboritoan mongona'i Kristus. Aku kotakng opat dipantu', opat jam hampir mati.