Kisah Boko Rasul 16:22 - Porjanjian Boharu Torjomahan Baso Dilakng Soari-ari

²² Ongko urakng banya' pan tuyut monggodi'i Paulus ongko Silas. Boko pojabat nantai monyiuh oca' pakai'an sia' duo dibirat-birat doi' bukakng sia'. Ongko, boko pojabat nantai momorintahan oca' Paulus ongko Silas dipoduda'an pakai' tungkah.

Kisah Boko Rasul 16:22 ပူးပေါင်းရင်းမြစ်များ

2 Korintus 6:5

Boko urakng boduda'an koi, monamoan koi ko ponjara, bulah korusuhan pakai' molawatn koi. Koi bokorojo humpas-pulas, hala kolaparan, opat co tidu'.

Ibrani 11:36

Ado boko urakng inyo pocayo inyo dihanyam, dicambuk, dikobat agatn rantai ongko inyo ditamoan ko dalapm ponjara.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

Kisah Boko Rasul 18:12

Pado watu Paulus ija' di kota Korintus, pomorintah Romawi moangkat Galio monjadi gubernur propinsi Akhaya nantai. Watu nantai, boko urakng Yahudi bosamo-samo molawatn Paulus. Sia' mombaba' io ko pohadapan Galio pakai' diadili.

Kisah Boko Rasul 17:5

Apo ado boko urakng Yahudi bukainyo monjadi tungian obai banya' doi' sia' bopihak ko Paulus agatn Silas daripado ko sia'. Jadi, sia' mongumpulan boko golandakan jahat inyo co bogota'-bokorojo di pasar. Bosamo gorombolan nantai, sia' bulah korusuhan bosar di kota nantai. Sia' monggoyapi Paulus agatn Silas oca' boko urakng molawatn sia' duo nantai. Jadi, sia' monyorakng rumah Yason, obai Paulus agatn Silas bujakan di rumahnyo.

Kisah Boko Rasul 16:37

Apo Paulus bopandir ko boko potugas inyo datakng, “Boko pojabat kota ni'in udah monyiuh oca' koi dipoduda'an di muka' umum. Sia' momansu'an koi ko dalapm ponjara. Apo, sia' co moadili koi doholu, obai koi warga negara Roma! Ni'inan sia' honda' koi botula' socaro bototapu'. Co mungkitn! Biar sia' siku' datakng ko si'itn ongko mongoluaran koi koluar doi' ponjara!”

Kisah Boko Rasul 5:40

Sia' monyiuh oca' boko rasul nantai dibaba' bobali' mansu' ongko dipodularan. Lopas nantai, sia' morarakng boko rasul nantai pakai' moajaran ajaran inyo Yesus sampaian ko sia'. Ongko boko rasul nantai dilopasan.

Matius 27:26

Lalu, Pilatus mombebasan Barabas obai porminta'an sia'. Apo Yesus dicambuk. Lalu Pilatus monyorahan Yesus ko boko projuritnyo pakai' dihukupm mati di kayu salib.

Matius 10:17

Boboi'cam! Obai ado boko urakng inyo paca'an monangkap kaitn ongko mombaba' kaitn ko hadapan boko majelis agama pakai' diadili. Sia' paca'an moncambuk kaitn di boko rumah sombayakng.

Lukas 12:11

Aman kaitn dibaba' ko boko rumah sombayakng pakai' diadili di pohadapan pomorintah damo ponguaso, jangan gola' mongonaꞌi caro kaitn gola' mombela diri. Jangan gola' mongonaꞌi la'apo inyo gola' kaitn pandiran.