Kisah Boko Rasul 16:20 - Porjanjian Boharu Torjomahan Baso Dilakng Soari-ari

²⁰ Boko habakng nantai bopandir ko boko pojabat, “Boko urakng ni'in urakng Yahudi. Sia' bulah unar di kota kito.

Kisah Boko Rasul 16:20 ပူးပေါင်းရင်းမြစ်များ

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

Kisah Boko Rasul 28:22

Apo koi kalo mondinga' mongona'i kopocaya'an inyo kolai jumpati nantai. Banya' urakng di mono-mono bopandir molawatn kopocaya'an nantai. Jadi, koi honda' mondinga' lansukng doi' kolai mongona'i kopocaya'an kolai nantai.”

Kisah Boko Rasul 19:34

Apo urakng banya' konal agatn io sobagai urakng Yahudi. Jadi, sia' kinyo honda' mondinga'an io. Sia' mondongkakng-mondorah, “Hebat bondar Artemis, dewi urakng Efesus!” Somanah kiro-kiro duo japm, urakng banya' hala mondorah sama'an nantai.

Kisah Boko Rasul 18:2

Di su'utn io botomu agatn siku' urakng Yahudi inyo boasal doi' propinsi Pontus. Damonyo Akwila. Bininyo bodamo Priskila. Boboropo watu sobolupmnyo, sia' duo nantai tinggal di kota Roma di propinsi Italia. Apo Kaisar negara Roma inyo bodamo Klaudius, momorintahan oca' somuo urakng Yahudi gola' koluar doi' kota Roma. Obai nantai Akwila ongko Priskila pan pindah ko Korintus. Bolupm manah sia' bodiapm di kota Korintus, Paulus datakng ko rumah sia'.

Matius 2:3

Timpu Rajo Herodes mondinga' borito mongona'i bobia' nantai inyo paca'an monjadi rajo, ongko io monjadi kotakng golisah. Ubo nian jam somuo urakng di Yerusalem.

Kisah Boko Rasul 16:19

Boko habakng botina' nantai moniant obai sia' co paca'an mondapat'an kountukan agi' doi' pogota'an io. Obai nantai, boko habakng nantai monangkap Paulus ongko Silas, ongko mombaba' sia' duo ko boko pojabat kota di tompat potomuan umum di pasar.

Kisah Boko Rasul 16:21

Sia' jam moajaran boko adat urakng Yahudi. Apo kito ni'in warga negara Roma. Jadi, kito co ulih sonjumpat'an boko adat sia'.”