Kisah Boko Rasul 16:19 - Porjanjian Boharu Torjomahan Baso Dilakng Soari-ari

¹⁹ Boko habakng botina' nantai moniant obai sia' co paca'an mondapat'an kountukan agi' doi' pogota'an io. Obai nantai, boko habakng nantai monangkap Paulus ongko Silas, ongko mombaba' sia' duo ko boko pojabat kota di tompat potomuan umum di pasar.

Kisah Boko Rasul 16:19 ပူးပေါင်းရင်းမြစ်များ

Matius 24:9

Lopas nantai boko urakng paca'an mondorako'i ongko mombunuh kaitn. Soluruh dunia paca'an bonci' agatn kaitn obai kaitn murid-Ku.

Markus 13:9

Kaitn gola' boboi' obai kaitn tajahan ditangkap lalu dibaba' ko sidakng pomimpitn agama pakai' dipokaroan. Kaitn tajahan dipoduda'an diboko rumah sombayakng. Obai kaitn nantai murid-Ku, obai nianam kaitn tajahan dibaba' ko boko ponguaso huatan ko boko rajo pakai' dipokaroan jam. Apo, nianam watunyo pakai' kaitn bosasi mongona'i Aku.

Kisah Boko Rasul 14:19

Lopas nian boboropo urakng Yahudi doi' Antiokhia huatan Ikonium datakng ko santai. Sia' moyakit'an banya' urakng di kota Listra nantai oca' kinyo pocayo agatn pomandiran Paulus. Ongko sia' monikapm Paulus agatn batu pakai' mombunuh io. Watu sia' bopikir Paulus udah mati, sia' mombuakan bukakngnyo ko luar kota nantai.

Kisah Boko Rasul 14:5

Boko urakng inyo molawatn Paulus ongko Barnabas, bohoupm agatn boko urakng Yahudi huatan boko pomimpitn sia' pakai' mondorako'i huatan monikapi Paulus ongko Barnabas agatn batu.

Kisah Boko Rasul 15:22

Boko rasul, boko ponotua' huatan somuo boko urakng inyo pocayo agatn Yesus monorima' nosihat Yakobus. Sia' momutusan pakai' monulis surat ko boko urakng bukai Yahudi inyo pocayo agatn Yesus. Sia' momilih boboropo urakng doi' antaro sia' pakai' monyampaian surat nantai. Boko urakng nantai paca'an botula' ko kota Antiokhia bosamo Paulus ongko Barnabas. Jadi, sia' momilih Silas ongko Yudas (inyo disobut Barsabas). Koduo urakng nantai pomimpitn inyo dihormati di antaro boko urakng inyo pocayo agatn Yesus di Yerusalem. Surat inyo sia' sampaian, dinga' ni'innan bunyinyo: “Salapm ko boko somadikan inyo bukai Yahudi di kota Antiokhia, di propinsi Siria, di propinsi Kilikia. Hormat doi' koi, boko somadikan kaitn di kota Yerusalem. Koi boko rasul huatan boko ponotua'

Kisah Boko Rasul 15:26

Barnabas ongko Paulus molayati Tuhatn inyo monguaso'i hidup kito, ia'an Yesus Kristus. Biar pan sia' diancapm paca'an dibunuh, apo sia' totap molayati Yesus.

Kisah Boko Rasul 15:40

Apo Paulus momilih botula' samoan Silas. Boko somadikan di Antiokhia bodoa pakai' sia' duo oca' Tuhatn momborokati sia' dalapm polayatan.

Kisah Boko Rasul 16:16

Timpu ari inyo bukainyo, koi botula' agi' ko tompat bodoa nantai. Dalapm pojalatan ko su'utn, koi botomu siku' urakng hulutn botina'. Hulutn botina' nantai udah dikuaso'i ulih roh potonung. Roh potonung nantai bulah hulutn botina' nantai ulihnyo botonungan la'apo inyo paca'an tojadi nononyo ko boko urakng inyo minto potonungan. Obai nantai am boko habakngnyo nantai mondapat kountukan inyo bosar.

Kisah Boko Rasul 16:20

Boko habakng nantai bopandir ko boko pojabat, “Boko urakng ni'in urakng Yahudi. Sia' bulah unar di kota kito.

Kisah Boko Rasul 16:25

Pas tongah malapm, Paulus ongko Silas tongahan bodoa huatan bonyanyi puji-pujian ko Allah. Somuo tahatan inyo bukai mondinga'an sia'.

Kisah Boko Rasul 16:29

Kopala' ponjara nantai monyiuh hulutnnyo monguti' obor. Ongko, sia' bonggidi'an mansu' ko dalapm. Kopala' ponjara topogola', io bogogora' ongko tokodudu' di hadapan Paulus ongko Silas.

Kisah Boko Rasul 17:6

Apo sia' kinyo botomu Paulus agatn Silas di santai. Jadi, sia' monangkap Yason agatn boboropo urakng pocayo jam. Sia' momoso mombaba' Yason agatn boboropo urakng nantai ko boko pojabat kota. Sia' bopandir kotakan borakng, “Ado duo urakng inyo udah mongacauan boko kota di mono-mono. Watu ni'in, duo urakng nantai ado di kota kito jam!

Kisah Boko Rasul 21:30

Lopas pomandiran sia' nantai, soluruh kota monjadi kacau. Urakng banya' bonggidi'an bokumpul mongoliliki Paulus. Sia' monangkap io ongko monari' io ko luar doi' tembok Rumah Allah nantai. Lansukng somuo pintu gerbakng Rumah Allah ditutup.

Kisah Boko Rasul 9:16

Obai io momboritoan mongona'i Aku, io paca'an moalapi banya' ajab sonsaro. Aku siku' paca'an monunju'an ko io mongona'i ajab sonsaro nantai.”

2 Korintus 6:5

Boko urakng boduda'an koi, monamoan koi ko ponjara, bulah korusuhan pakai' molawatn koi. Koi bokorojo humpas-pulas, hala kolaparan, opat co tidu'.

Filipi 1:30

Ia'an nantai sama'an inyo udah kaitn tiat tojadi ko aku ongko inyo kaitn dinga' tojadi ko aku watu ni'in.

1 Timotius 6:10

Jadi, kaha'-kolobu' agatn duit bulah urakng molabuhan somuo macapm kojahatan. Ado boko urakng inyo udah kaha'-kolobu' agatn duit. Obai nantai, sia' udah co pocayo agi' ko Yesus. Sia' bulah diri sia' siku' ajab sonsaro. Samo sama'an sia' monuhu' diri sia' siku' agatn sundakng.

Yakobus 2:6

Apo kaitn malahan mohayam urakng jaro. Cubo porotian porbuatan boko urakng dampu. Obai sia' nanam inyo mondorako'i kaitn agatn mondudus kaitn ko tompat pongadilan.