Kisah Boko Rasul 16:16 - Porjanjian Boharu Torjomahan Baso Dilakng Soari-ari

¹⁶ Timpu ari inyo bukainyo, koi botula' agi' ko tompat bodoa nantai. Dalapm pojalatan ko su'utn, koi botomu siku' urakng hulutn botina'. Hulutn botina' nantai udah dikuaso'i ulih roh potonung. Roh potonung nantai bulah hulutn botina' nantai ulihnyo botonungan la'apo inyo paca'an tojadi nononyo ko boko urakng inyo minto potonungan. Obai nantai am boko habakngnyo nantai mondapat kountukan inyo bosar.

Kisah Boko Rasul 16:16 ပူးပေါင်းရင်းမြစ်များ

Galatia 5:20

monyombah boko duato, momakai ponohu, bonci' agatn urakng bukai, boporap, mooso hiri hati, monjadi ponggodian, momontikan diri siku', monyobab'an popocahan antaro dongan somadikan,

1 Timotius 6:10

Jadi, kaha'-kolobu' agatn duit bulah urakng molabuhan somuo macapm kojahatan. Ado boko urakng inyo udah kaha'-kolobu' agatn duit. Obai nantai, sia' udah co pocayo agi' ko Yesus. Sia' bulah diri sia' siku' ajab sonsaro. Samo sama'an sia' monuhu' diri sia' siku' agatn sundakng.

2 Timotius 3:8

Boko urakng nantai bisi pikiran inyo jahat huatan udah co pocayo agi'. Sia' molawatn ajaran inyo bondar, samo sama'an Yanes ongko Yambres molawatn Musa.

Kisah Boko Rasul 16:18

Boari-ari tumbas io molabuhan nantai timpu botomu agatn Paulus. Koponsuahannyo, Paulus kinyo tahatn agi' obai ganggu'an nantai. Jadi, Paulus mongilikng ko bolikat. Katonyo ko roh potonung nantai, “Dalapm damo Yesus Kristus, aku tundukng kolai ko luar doi' botina' ni'in!” Lansukng roh jahat nantai koluar.

Kisah Boko Rasul 16:13

Pado Ari Sabat, koi bogoyap tompat urakng Yahudi bokumpul pakai' bodoa. Koi bopikir tompat nantai ado di luar kota. Jadi, koi botula' ko luar pintu gerbakng kota nantai ongko ko pinggir sungai. Ado boko botina' udah bokumpul di santai. Koi dudu' ongko bopandir agatn sia'.

2 Petrus 2:3

Obai boko guru palsu nantai tama', jadi sia' paca'an bousaha moncari' untukng doi' kaitn agatn boko kisah inyo dipulah-pulah sia'. Apo, Allah udah manaham siap mohukupm sia'. Kinyo manah agi' sia' tajahan bonaso.

Kisah Boko Rasul 19:24

Demetrius nantai bisi usaha pira'. Io bosamo kawal korojonyo bulah boko rumah hohayapan doi' pira'. Boko rumah hohayapan nantai dipulah dalapm rupo rumah pakai' monyombah dewi Artemis inyo ado di kota Efesus nantai. Sia' mondapat'an banya' duit doi' hasil usaha nantai.

Kisah Boko Rasul 16:19

Boko habakng botina' nantai moniant obai sia' co paca'an mondapat'an kountukan agi' doi' pogota'an io. Obai nantai, boko habakng nantai monangkap Paulus ongko Silas, ongko mombaba' sia' duo ko boko pojabat kota di tompat potomuan umum di pasar.