Kisah Boko Rasul 16:14 - Porjanjian Boharu Torjomahan Baso Dilakng Soari-ari

¹⁴ Salah siku' doi' sia' nantai ponjual koitn ungu inyo mahal. Damonyo Lidia. Io boasal doi' kota Tiatira. Io nantai bukai urakng Yahudi apo udah monjadi urakng inyo pocayo agatn Allah. Watu Paulus mongajar boko botina' nantai, Tuhatn bulah hati Lidia monorima' ajaran Paulus. Jadi, io pocayo ajaran Paulus mongona'i Yesus.

Kisah Boko Rasul 16:14 ပူးပေါင်းရင်းမြစ်များ

Lukas 24:45

Lopas nantai Yesus pan mombuka' pikiran sia' pakai' mongoroti masud Buku Suci.

Yohanes 12:20

Timpu poraya'an Paskah, boko urakng datakng ko Yerusalem honda' monyombah Allah. Di antaro sia' ado boboropo urakng Yunani.

Kisah Boko Rasul 10:2

Kornelius ongko somuo koluarganyo hala hidup taat agatn Allah. Kornelius opat moonji'i duit ko boko urakng jaro. Io pan hala bodoa ko Allah.

Kisah Boko Rasul 11:21

Tuhatn Allah kotakan monulukng sia' pakai' momboritoan Kabar Boi'. Obai nantai, banya' bondar urakng monjadi pocayo. Banya' urakng bukainyo Yahudi mula'i jumpat Tuhatn Yesus.

Kisah Boko Rasul 13:43

Lopas jadi sombayakng, banya' urakng tuyut Paulus agatn Barnabas. Ado boko urakng Yahudi huatan boko urakng inyo bukainyo urakng Yahudi inyo udah pocayo ko Allah jam. Paulus ongko Barnabas mongajar somuo sia', obai Allah nantai boi'. Allah moamputi dosa somuo urakng inyo pocayo agatn Yesus. Koduo rasul nantai moanjuran oca' sia' totap pocayo ko koboi'an hati Allah nantai.

Kisah Boko Rasul 13:50

Apo boko urakng Yahudi mohadu boko urakng pontikng di kota nantai, tomansu' boko botina' inyo bopongaruh udah mansu' agama Yahudi. Boko urakng pontikng nantai bulah urakng bukai mondorako'i Paulus ongko Barnabas. Koponsuahannyo, Paulus ongko Barnabas ditundukng doi' doerah nantai.

Kisah Boko Rasul 16:40

Lopas nantai, Paulus ongko Silas botula' doi' ponjara ko rumah Lidia. Sia' bokumpul agatn boko somadikan di kota nantai. Paulus ongko Silas monosihat'i sia' oca' totap pocayo ko Yesus. Lopas nantai, sia' botula' doi' kota nantai.

Kisah Boko Rasul 18:7

Ongko Paulus moninggalan sia'. Io botula' ko rumah inyo ado di sopia' rumah sombayakng nantai. Nantai rumah Titius Yustus. Io nantai bukai urakng Yahudi apo udah monjadi urakng inyo pocayo ko Allah.

Kisah Boko Rasul 8:27

Jadi Filipus bososiap ongko botula'. Di jalatn nantai, io moniant siku' urakng Etiopia. Urakng Etiopia nantai ia'an siku' urakng pojabat tinggi. Io kopala' bendahara inyo bokorojo pakai' ratu Etiopia. Tontai pojabat nantai botula' sombayakng ko Yerusalem,

Roma 9:16

Jadi, Allah momilih urakng bukainyo obai urakng nantai honda', ongko bukainyo obai urakng nantai bousaha bulah koboi'an, apo Allah momilih urakng obai Sio honda' monunju'an bolas-kasihan ko urakng nantai.

Filipi 2:13

Obai, Allah siku' bokorojo di dalapm kaitn. Sio moonju' ko kaitn kohonda' ongko komampuan pakai' monyonangan Sio.

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 3:20

Porhatiancam! Aku bodiritn di pohadapan lawakng ongko mongetok. Aman ado urakng inyo mondinga'an saro-Ku, lalu mombuka' lawakngnyo, jadi Aku paca'an mansu' rumahnyo. Aku paca'an makatn bosamo-samo agatn io. Io paca'an makatn bosamo-samo agatn Aku.

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.