Kisah Boko Rasul 15:35 - Porjanjian Boharu Torjomahan Baso Dilakng Soari-ari

³⁵ Apo Paulus ongko Barnabas ija' manah monotap di Antiokhia. Sia', bosamo agatn banya' urakng bukai, momboritoan ongko moajaran mongona'i boko pomandiran Tuhatn Yesus.

Kisah Boko Rasul 15:35 ပူးပေါင်းရင်းမြစ်များ

Kisah Boko Rasul 12:25

Barnabas ongko Saulus udah moonju'an sumbakan ko boko pomimpitn kumpulan urakng pocayo di kota Yerusalem. Lopas jadi sia' duo monyolosaian polayatan nantai, sia' bobali' doi' Yerusalem ko kota Antiokhia. Sia' mombaba' Yohanes (inyo jam disobut Markus).

Kisah Boko Rasul 13:1

Di antaro boko urakng inyo pocayo Yesus di Antiokhia, ado boko nabi inyo monyampaian posatn Allah huatan boko pongajar inyo mongajar mongona'i Yesus. Sia' nantai Barnabas, Simeon (inyo jam disobut ‘Urakng Hitapm’), Lukius (inyo boasal doi' kota Kirene), Manahem (inyo dibosaran bososamo agatn Gubernur Herodes), ongko Saulus.

Kisah Boko Rasul 13:12

Gubernur moniant la'apo inyo tojadi nantai. Ongko, io monjadi pocayo agatn Yesus. Io topocongo agatn ajaran Paulus ongko Barnabas mongona'i Tuhatn Yesus.

Kisah Boko Rasul 14:28

Paulus ongko Barnabas monotap manah bosamo agatn boko urakng pocayo di kota nantai.

Kisah Boko Rasul 15:34

Apo Silas momutusan pakai' tinggal di su'utn mo.

Kisah Boko Rasul 28:31

Io momboritoan mongona'i Koraja'an Allah. Io mongajar mongona'i Tuhatn Yesus, Rajo Inyo Dijanjian Allah nantai. Io momboritoan nantai agatn borani. Co nyiant inyo mohalaki io.

Kisah Boko Rasul 8:4

Boko urakng pocayo inyo rari doi' kota Yerusalem nantai tosebar. Sia' momboritoan Kabar Boi' ko mono ja' sia' botula'.

Kolose 1:28

Kristus nantaiam inyo koi boritoan watu koi momakai somuo kopintar-corodi'an pakai' monosihat'i huatan mongajar sotiap urakng. Tujuannyo oca' koi ulih mombaba' sotiap urakng ko Allah dalapm koadaan suci obai bosatu agatn Kristus.

1 Timotius 2:7

Nianam Kabar Boi' inyo gola' aku boritoan. Nantaiam alasannyo aku diutus monjadi rasul pakai' momboritoannyo. Pomandiran aku ni'in bondar. Aku co bulah tumbukan. Aku dipilih pakai' mongajar boko urakng inyo bukainyo urakng Yahudi oca' sia' tohu la'apo inyo bondar mongona'i Yesus.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.