Kisah Boko Rasul 15:31 - Porjanjian Boharu Torjomahan Baso Dilakng Soari-ari

³¹ Jadi, surat nantai dibaco. Boko urakng nantai rindakng bondar obai pomandiran dalapm surat nantai bulah hati sia' tokongkanti'i.

Kisah Boko Rasul 15:31 ပူးပေါင်းရင်းမြစ်များ

Kisah Boko Rasul 15:1

Timpu Paulus ongko Barnabas ija' ado di kota Antiokhia nantai, ado boboropo urakng doi' doerah Yudea datakng. Boboropo urakng nantai mula'i mongajar boko urakng inyo pocayo agatn Yesus. Kato sia', “Pado joman komai, Musa moajaran poraturan Allah. Sotiap urakng dalapm umant Allah gola' disunant. Jadi, kaitn urakng inyo bukainyo Yahudi gola' monuruti poraturan nantai, samo sama'an urakng Yahudi. Aman cado, kaitn co paca'an disolamant'an.”

Kisah Boko Rasul 15:10

Jadi, aman nian kohonda' Allah, jangan molawatn Sio. Jangan momoso boko urakng bukai Yahudi oca' monaati somuo porintah ongko poraturan Allah inyo ditulis Musa dalapm buku Hukupm Torat. Hal nantai samo sama'an momoso sia' pakai' momikul bobatn inyo borat dipikul. Angki-bayatn kito huatan kito siku' pan co mampu molabuhan somuo poraturan nantai.

Kisah Boko Rasul 15:30

Jadi, rombokan urakng inyo diutus momandiran salapm porpisahan ongko botula' ko Antiokhia. Di kota nantai, sia' minto oca' somuo urakng inyo pocayo ko Yesus bokumpul. Ongko, utusan nantai monyampaian surat nantai ko sia'.

Kisah Boko Rasul 15:32

Yudas ongko Silas kododuo sia' nabi jam. Jadi, sia' opat monosihat'i boko somadikan di su'utn. Yudas ongko Silas monulukng boko somadikan oca' pocayo ko Yesus lobih kuat.

Kisah Boko Rasul 16:5

Agatn caro nantai, boko jomaat monjadi lobih kuat pocayo ko Yesus. Mongkitn manah mongkitn banya' urakng monjadi pocayo agatn Yesus.

Galatia 5:1

Kristus udah mombebasan kito oca' kito bondar-bondar bebas. Obai nantai am, jangan bobali' agi' samo sama'an hulutn inyo gola' momikul bobatn.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.