Kisah Boko Rasul 15:3 - Porjanjian Boharu Torjomahan Baso Dilakng Soari-ari

³ Jadi jomaat di Antiokhia nantai moonju'an sia' sampai ko luar kota. Ongko sia' molajuan pojalatan ko Yerusalem. Sia' molalu'i doerah Fenisia ongko Samaria. Di boko doerah nantai, sia' mongisahan ko boko urakng pocayo di santai, obai banya' urakng inyo bukainyo Yahudi udah monjadi pocayo agatn Yesus. Borito nantai monyonangan hati boko urakng pocayo di santai.

Kisah Boko Rasul 15:3 ပူးပေါင်းရင်းမြစ်များ

Lukas 15:32

Apo kito gola' bulah pogai huatan rindakng-ramai, obai adikng kolai nantai ubonyo udah mati, apo ni'in hidup agi' Io udah hilakng, apo ni'in udah kotomuannam.’ ”

Kisah Boko Rasul 1:15

Lopas nantai boboropo ari, ado kiro-kiro soratus duo puluh urakng inyo pocayo ko Yesus bokumpul watu nantai. Petrus bodiritn di antaro sia' somuo. Katonyo,

Kisah Boko Rasul 13:48

Mondinga' hal nantai, boko urakng inyo bukainyo urakng Yahudi kotakan rindakng. Sia' mongatoan obai borito mongona'i Tuhatn Yesus memang boi' bondar. Boko urakng inyo udah dipilih Allah pakai' mondapat hidup somanah-manahnyo, monjadi pocayo agatn Yesus.

Kisah Boko Rasul 13:52

Boko urakng inyo hoyu' pocayo agatn Yesus di Antiokhia totap hidup agatn rindakng-rigah. Roh Allah monguaso'i somuo sia'.

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Kisah Boko Rasul 15:1

Timpu Paulus ongko Barnabas ija' ado di kota Antiokhia nantai, ado boboropo urakng doi' doerah Yudea datakng. Boboropo urakng nantai mula'i mongajar boko urakng inyo pocayo agatn Yesus. Kato sia', “Pado joman komai, Musa moajaran poraturan Allah. Sotiap urakng dalapm umant Allah gola' disunant. Jadi, kaitn urakng inyo bukainyo Yahudi gola' monuruti poraturan nantai, samo sama'an urakng Yahudi. Aman cado, kaitn co paca'an disolamant'an.”

Kisah Boko Rasul 15:12

Somuo urakng di santai pan kotakan langunt ongko mondinga'an Paulus ongko Barnabas bopandir. Paulus ongko Barnabas mongisahan somuo mujisat inyo udah Allah labuhan dalapm polayatan sia' ko boko urakng inyo bukainyo urakng Yahudi.

Kisah Boko Rasul 15:22

Boko rasul, boko ponotua' huatan somuo boko urakng inyo pocayo agatn Yesus monorima' nosihat Yakobus. Sia' momutusan pakai' monulis surat ko boko urakng bukai Yahudi inyo pocayo agatn Yesus. Sia' momilih boboropo urakng doi' antaro sia' pakai' monyampaian surat nantai. Boko urakng nantai paca'an botula' ko kota Antiokhia bosamo Paulus ongko Barnabas. Jadi, sia' momilih Silas ongko Yudas (inyo disobut Barsabas). Koduo urakng nantai pomimpitn inyo dihormati di antaro boko urakng inyo pocayo agatn Yesus di Yerusalem. Surat inyo sia' sampaian, dinga' ni'innan bunyinyo: “Salapm ko boko somadikan inyo bukai Yahudi di kota Antiokhia, di propinsi Siria, di propinsi Kilikia. Hormat doi' koi, boko somadikan kaitn di kota Yerusalem. Koi boko rasul huatan boko ponotua'

Kisah Boko Rasul 15:32

Yudas ongko Silas kododuo sia' nabi jam. Jadi, sia' opat monosihat'i boko somadikan di su'utn. Yudas ongko Silas monulukng boko somadikan oca' pocayo ko Yesus lobih kuat.

Kisah Boko Rasul 15:4

Lopas nantai, Paulus ongko Barnabas huatan kolompok urakng doi' Antiokhia tuntukng ko Yerusalem. Sia' duo ditorima' agatn boi' ulih somuo jomaat tomansu' boko ponotua' jomaat huatan boko rasul. Paulus ongko Barnabas mongisahan somuo inyo udah Allah labuhan dalapm polayatan sia' ko boko urakng bukainyo Yahudi.

Kisah Boko Rasul 17:15

Boko urakng doi' Berea nantai moonju'an Paulus sampai ko kota Atena. Lopas nantai sia' bobali' ko Berea. Paulus boposatn ko sia' oca' Silas ongko Timotius hohagar mombodapan io.

Kisah Boko Rasul 20:38

Sia' kotakan salu', tolobih obai Paulus bopandir obai sia' co paca'an botomu io agi'. Lopas nian, sia' moonju'an io ko kapal.

Kisah Boko Rasul 21:5

Apo lopas udah watunyo, koi totap honda' botula' monuju ko Yerusalem. Somuo urakng pocayo di santai moonju'an koi sampai ko luar kota. Boko ana' bini sia' tuyut jam. Di pinggir pantai, koi somuo tundu' molota'an koputut ongko bodoa.

Kisah Boko Rasul 28:15

Boko urakng pocayo doi' kota Roma udah mondinga' borito mongona'i koi. Jadi, ado doi' sia' datakng monomu'i koi di laman Balai Apius. Inyo bukainyo botomu koi di laman Balai Tigo. Timpu Paulus moniant sia' somuo, io bosukur ko Allah. Hatinyo mongkitn dikuatan.

Kisah Boko Rasul 8:14

Pontongahan nantai, boko rasul ija' ado di Yerusalem. Sia' mondinga' obai banya' urakng Samaria nantai udah pocayo borito doi' Allah mongona'i Yesus. Jadi sia' moutus Petrus ongko Yohanes ko su'utn.

Roma 15:24

Obai nantai, aku boharap ulih monjongu' kaitn dalapm pojalatanku ko tanah Spanyol. Lopas aku ulih monikmati kunjukanku bosamo agatn kaitn pakai' boboropo manahnyo, ku harap kaitn tajahan monulukng ku molajuan pojalatanku ko su'utan.

1 Korintus 16:11

Jadi, jangan ado siku' pan di antaro kaitn inyo co mohormati io. Watu io honda' botula' doi' kaitn, tulukngcam io, oca' io ulih molajuan pojalatannyo agatn sonang. Ongko, io ulih bobali' ko aku. Obai, aku monantian io datakng bosamo agatn boko urakng pocayo inyo bukai.

1 Korintus 16:6

Aku bulah hajat nantai, obai aku co honda' bayo sobontar aja' monjongu' kaitn dalapm pojalatanku. Aman Tuhatn moijitan, aku honda' tinggal cukup manah agatn kaitn. Malah aman ulih sampai musipm dingin botongga'. Lopas nantai kaitn ulih monulukngku dalapm molajuan pojalatanku.

2 Korintus 1:16

hoyu' monorusan pojalatan ko propinsi Makedonia. Lopas aku bobali' doi' Makedonia, aku honda' monjongu' kaitn agi' oca' kaitn dapat monulukng ku monorusan pojalatanku ko propinsi Yudea.

Titus 3:13

Ado Zenas, urakng ahli hukupm, ongko Apolos. Tulukngcam sia' dalapm pojalatan. Onji'i la'apo inyo sia' pontikan.