Kisah Boko Rasul 15:28 - Porjanjian Boharu Torjomahan Baso Dilakng Soari-ari

²⁸ Koi inyo diirikan Roh Allah udah bulah koputusan ni'in: Kaitn kinyo gola' diposo monaati somuo poraturan agama Yahudi. Apo ado boboropo doi' poraturan nantai inyo pontikng ditaati.

Kisah Boko Rasul 15:28 ပူးပေါင်းရင်းမြစ်များ

Matius 11:30

Obai, ajaran-Ku kinyo mouyuhi dilabuhan huatan porintah-Ku mudah mo ditaati.”

Matius 23:4

Sia' mongomborati boko urakng agatn banya' poraturan agama inyo uyuh dilabuhan. Apo sia' co honda' monulukng monsio sodikit pan oca' poraturan nantai ulih dilabuhan!

Yohanes 16:13

Apo nononyo, timpu Roh Allah datakng, Sio paca'an moirikng kaitn oca' mongoroti somuo inyo bondar. Obai, Sio co paca'an mongatoan doi' diri-Nyo siku', apo Sio paca'an momadahan pomandiran inyo Sio dinga' doi' Bopai-Nyo. Sio pan paca'an momadahannyo ko kaitn boko hal inyo paca'an tojadi nononyo.

Kisah Boko Rasul 15:19

“Jadi, Boko somadikan, udah jolas Allah momilih boko urakng doi' boko banso bukai Yahudi huatan sia' udah datakng ko Allah. Obai nantai monurut pondapatku, jangan kito monambah bobatn ko sia'.

Kisah Boko Rasul 15:25

Obai nantai, koi somuo agatn sohati bulah koputusan pakai' moutus boboropo urakng ko kaitn. Sia' nantai botula' bosamo koduo somadikan inyo kito kasihi, ia'an Barnabas ongko Paulus.

Kisah Boko Rasul 15:8

Allah mongotohu'i isi hati sotiap urakng. Allah co monyoropihi antaro kito urakng Yahudi agatn sia' inyo bukainyo urakng Yahudi. Sia' pocayo ko Yesus. Agatn caro nantai, Allah bulah hati sia' borosih ubo nian jam hati kito diborosihi. Komainyo Allah moonji'i Roh-Nyo ko kito. Allah pan udah moonji'i Roh-Nyo ko boko urakng inyo bukainyo urakng Yahudi inyo pocayo agatn Yesus. Nanam caronyo Allah monunju'an obai Sio monorima' sia', co nyiant caro bukai.

Kisah Boko Rasul 16:4

Jadi, Paulus, Silas ongko Timotius botula' doi' kota ko kota bukai mondataki boko jomaat di doerah nantai. Sia' monyampaian koputusan boko rasul huatan boko ponotua' doi' Yerusalem. Sia' monosihat'i boko jomaat oca' koputusan nantai dituruti.

Kisah Boko Rasul 5:32

Koi ni'in moniant somuonyo nantai agatn mato kopala' siku'. Allah udah moonji'i Roh-Nyo ko koi somuo inyo monaati Sio. Jadi Roh Allah jam mombutian somuonyo nantai bondar.”

1 Korintus 14:37

Aman ado urakng inyo bopikir dirinyo bisi komampuan pakai' monyampaian posatn-pontal doi' Allah, damo io bopikir io bisi komampuan rohani inyo bukai, urakng sama'an nantai gola' mongotohu'i ni'in: Somuo inyo aku pandiran ko kaitn nantai ia'an boko porintah doi' Tuhatn.

1 Korintus 7:25

Ni'inan, mongona'i boko urakng inyo bolupm kawitn. Aku co nyiant porintah doi' Tuhatn mongona'i nantai. Apo obai Sio monunju'an koboi'an-Nyo ko aku, ongko aku jadi urakng inyo ulih dipocayo moonji'i nosihat.

1 Korintus 7:40

Apo pondapatku botina' balu nantai paca'an lobih sonang hidupnyo aman io kinyo kawitn agi'. Aku bopikir pondapatku nantai doi' Roh Allah inyo monyoroto'i aku jam.

1 Tesalonika 4:8

Jadi, aman ado di antaro kaitn inyo monula' ajaran ni'in, io kinyo monula' monsio apo io monula' Allah. Ingantcam! Allah jam inyo moonji'i Roh-Nyo inyo suci ko kaitn.

1 Petrus 1:12

Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.

Wahyu 2:24

Apo ko boko urakng bukai di Tiatira, kaitn inyo co tuyut ajaran jahat nantai, kaitn inyo monula' ajaran nantai inyo disobut pongotohuan doi' Rajo Sitatn, ko kaitn Aku bopandir: Aku cuku paca'an monambahi bobatn bukainyo ko kolai.