Kisah Boko Rasul 15:25 - Porjanjian Boharu Torjomahan Baso Dilakng Soari-ari

²⁵ Obai nantai, koi somuo agatn sohati bulah koputusan pakai' moutus boboropo urakng ko kaitn. Sia' nantai botula' bosamo koduo somadikan inyo kito kasihi, ia'an Barnabas ongko Paulus.

Kisah Boko Rasul 15:25 ပူးပေါင်းရင်းမြစ်များ

Matius 11:26

Ihai, Bopai, caro nantai monyonangan hati Duatn!”

Lukas 1:3

Doi' potamo borito mongona'i Yesus nantai, aku udah monyolidiki kotakan toliti somuonyo. Jadi, aku bopikir boi' aman buku ni'in aku tulis agatn toatur ko kolai.

Kisah Boko Rasul 1:14

Bosamo agatn sia' ado jam boboropo botina' tomansu' Maria (indai Yesus), ongko boko somadikan Yesus. Sia' somuo opat bokumpul pakai' bodoa. Sia' hala bodoa ongko sohati sopikiran.

Kisah Boko Rasul 15:2

Apo Paulus ongko Barnabas kotakan kinyo sotuju agatn ajaran boko urakng nantai. Nontu sia' botikakng mongona'i mosalah nantai. Obai nantai, Paulus ongko Barnabas huatan boko urakng bukai diutus ko kota Yerusalem. Sia' diutus pakai' mombahas mosalah sunant nantai agatn boko rasul Yesus huatan boko ponotua' di Yerusalem.

Kisah Boko Rasul 15:22

Boko rasul, boko ponotua' huatan somuo boko urakng inyo pocayo agatn Yesus monorima' nosihat Yakobus. Sia' momutusan pakai' monulis surat ko boko urakng bukai Yahudi inyo pocayo agatn Yesus. Sia' momilih boboropo urakng doi' antaro sia' pakai' monyampaian surat nantai. Boko urakng nantai paca'an botula' ko kota Antiokhia bosamo Paulus ongko Barnabas. Jadi, sia' momilih Silas ongko Yudas (inyo disobut Barsabas). Koduo urakng nantai pomimpitn inyo dihormati di antaro boko urakng inyo pocayo agatn Yesus di Yerusalem. Surat inyo sia' sampaian, dinga' ni'innan bunyinyo: “Salapm ko boko somadikan inyo bukai Yahudi di kota Antiokhia, di propinsi Siria, di propinsi Kilikia. Hormat doi' koi, boko somadikan kaitn di kota Yerusalem. Koi boko rasul huatan boko ponotua'

Kisah Boko Rasul 15:35

Apo Paulus ongko Barnabas ija' manah monotap di Antiokhia. Sia', bosamo agatn banya' urakng bukai, momboritoan ongko moajaran mongona'i boko pomandiran Tuhatn Yesus.

Kisah Boko Rasul 15:6

Lopasnyo, boko rasul huatan boko ponotua' bokumpul pakai' pokaro mosalah nantai.

Kisah Boko Rasul 2:1

Watu Ari Pentakosta, somuo urakng inyo pocayo agatn Yesus bokumpul. Sia' bokumpul di sobuah rumah.

Kisah Boko Rasul 2:46

Sotiap ari sia' bokumpul di tongahlamanan Rumah Allah, pusat kogiatan koagamaan urakng Yahudi. Sia' bokumpul agatn sohati sopikiran. Sia' pan opat hala mohundakng pakai' makatn bosamo di boko rumah sia', huatan sia' morayaan Porjamuan Kudus jam. Sia' molabuhan somuo nantai agatn tulus hati huatan kotakan rindakng,

Roma 16:12

Salapm ko Trifena ongko Trifosa inyo bokorojo koras molayati Tuhatn. Salapm ko Persis inyo ku kasihi inyo pan bokorojo koras molayati Tuhatn.

1 Korintus 1:10

Boko somadikan, agatn kuaso Tuhatn kito, Yesus Kristus, aku monosihat'i oca' kaitn bosatu hati. Jangan kaitn bosongkayo monjadi bomacapm kolompok. Apo kohonda'nyo kaitn somombondarannyo bosatu dalapm porasa'an huatan pikiran kaitn.

Galatia 2:9

Doi' kolompok pomimpitn nantai, Yakobus, Petrus ongko Yohanes bisi tanggukng-jawab inyo kotakan bosar. Sia' monjadi sadar mongona'i koboi'an inyo Allah onju' ko aku. Watu sia' monjadi sadar agatn nantai, sia' bosalapan agatn aku ongko Barnabas. Nantai monjadi tando obai sia' sotuju agatn Kabar Boi' inyo aku boritoan. Sia' sotuju aman koi momboritoan ko urakng bukai Yahudi, huatan sia' momboritoan ko urakng Yahudi.

Efesus 6:21

Aku moutus Tikhikus ko kaitn. Io ia'an somadikan kito inyo tokasih. Io sotia molayati Tuhatn. Aku moutus io oca' kaitn mongotohu'i borito mongona'i aku ongko boko somadikan inyo ado bosamoku. Io paca'an momadahan somuonyo ko kaitn. Agatn sama'an nantai, io paca'an monguat'an hati kaitn.

Kolose 4:7

Aku moutus somadikan inyo ku kasihi, Tikhikus, ko kaitn. Io paca'an momadahan ko kaitn somuo kabar mongona'i aku. Io nantai kawal boi' dalapm pokoroja'an molayati Tuhatn. Io molayati agatn sotia.

Kolose 4:9

Aku moutus io bosamo agatn Onesimus, inyo boasal doi' tompat kaitn jam. Io nantai somadikan inyo sotia huatan ku kasihi. Sia' duo paca'an momadahan ko kaitn somuo inyo tojadi di si'itn.

Filemon 1:16

Masud ku, io bukainyo bayo pacal kolai. Io lobih doi' nantai. Watu ni'in, io nam somadikan soiman inyo tokasih. Aku udah mongasihi io. Nononyo kolai pan gola' mongasihi io lobih doi' nantai agi', obai io nam pacal kolai huatan obai kaitn somadikan di dalapm Tuhatn.

2 Petrus 3:15

Kaitn gola' sadar obai alasan Tuhatn kito sabar ia'an obai Sio moonji'i urakng kosompatan pakai' disolamant'an. Somadikan kito inyo ku kasihi, Paulus, pan udah monulis surat ko kaitn mongona'i nantai. Io monulis nantai agatn hikmat inyo Allah onju' ko inyo.