Kisah Boko Rasul 15:10 - Porjanjian Boharu Torjomahan Baso Dilakng Soari-ari

¹⁰ Jadi, aman nian kohonda' Allah, jangan molawatn Sio. Jangan momoso boko urakng bukai Yahudi oca' monaati somuo porintah ongko poraturan Allah inyo ditulis Musa dalapm buku Hukupm Torat. Hal nantai samo sama'an momoso sia' pakai' momikul bobatn inyo borat dipikul. Angki-bayatn kito huatan kito siku' pan co mampu molabuhan somuo poraturan nantai.

Kisah Boko Rasul 15:10 ပူးပေါင်းရင်းမြစ်များ

Matius 23:4

Sia' mongomborati boko urakng agatn banya' poraturan agama inyo uyuh dilabuhan. Apo sia' co honda' monulukng monsio sodikit pan oca' poraturan nantai ulih dilabuhan!

Matius 4:7

Apo Yesus bopandir ko Rajo Sitatn, “Ado jam pomandiran Allah inyo ditulis dalapm Buku Suci, ‘Jangan moncubo'i Tuhatn, Allah kolai.’ ”

Kisah Boko Rasul 5:9

Jadi, Petrus bopandir ko io, “Kaitn duo udah bosopakat pakai' monipu koi. Agatn bulah sama'an nantai kaitn duo mouji Roh Tuhatn. Ponyangkatn kaitn Roh Tuhatn kinyo tohu mongona'i porbuatan jahat kaitn. Dinga'an! Sia' inyo udah momasar bangkai laki kolai ado di muka' lawakng. Ni'inan, bangkai kolai pan paca'an sia' baba' ko luar!”

Galatia 4:9

Apo ni'in kaitn udah ado hubukan agatn Allah. Kata'an lobih topat aman aku mongatoan obai Allah inyo bulah hubukan agatn kaitn. Obai nantai, jangan bobali' agi' monaati boko roh dunia inyo co bokuaso huatan co nyiant gunonyo. Jangan monjadi boko hulutn sia'.

Galatia 5:1

Kristus udah mombebasan kito oca' kito bondar-bondar bebas. Obai nantai am, jangan bobali' agi' samo sama'an hulutn inyo gola' momikul bobatn.

Ibrani 3:9

Kato Sio, ‘Somanahan ompat puluh tohutn, angki-bayatn kaitn moniant boko porbuatan-Ku.’ Apo sia' totap moncubo'i Aku huatan mouji Ku.

Ibrani 9:9

Somuo nantai ia'an gambaran pakai' joman ni'in. Rotinyo, hati urakng kinyo monjadi sompurna di hadapan Allah agatn caro momposombahan kurbatn bonatakng damo posombahan bukainyo.