Kisah Boko Rasul 14:7 - Porjanjian Boharu Torjomahan Baso Dilakng Soari-ari

⁷ Di doerah nantai sia' hala momboritoan Kabar Boi' mongona'i Yesus.

Kisah Boko Rasul 14:7 ပူးပေါင်းရင်းမြစ်များ

Kisah Boko Rasul 11:19

Somontaro nantai, boko urakng inyo pocayo Yesus udah tosebar ko mono-mono. Lopas jadi Stefanus dibunuh, di kota Yerusalem boko urakng pocayo didorako'i. Obai nantai, sia' morarian diri jouh sampai ko nogori Fenisia, pulau Siprus, huatan kota Antiokhia. Sia' torus monyampaian Kabar Boi' mongona'i Yesus di boko tompat nantai. Apo sia' bayo momboritoan nantai ko urakng Yahudi ja'am.

Kisah Boko Rasul 14:15

“Boko pokawalan, jangan kaitn molabuhan nantai. Koi bayo urakng biaso, samo ubo kaitn. Koi datakng ko si'itn pakai' momboritoan Kabar Boi' mongona'i Yesus ko kaitn. Koi honda' oca' kaitn ongkah monyombah Allah inyo hidup ja'am, bukainyo boko duato inyo kinyo boguno. Allah inyo bulah langit, bumi, lout ongko agatn somuo isinyo.

Kisah Boko Rasul 14:21

Di kota Derbe, Paulus ongko Barnabas momboritoan Kabar Boi'. Banya' urakng monjadi pocayo ko Yesus. Lopas nantai, sia' duo bobali' agi' ko boko kota inyo sia' dataki di doerah Galatia. Sia' bobali' ko Listra, Ikonium ongko Antiokhia di doerah Pisidia.

Kisah Boko Rasul 16:10

Doi' poniant'an nantai, koi monyimpulan obai Allah moningkau koi pakai' momboritoan Kabar Boi' ko boko urakng Makedonia. Jadi, koi lansukng bogoyap tumpakan inyo botula' ko su'utan.

Kisah Boko Rasul 17:2

Sama'an biaso, Paulus botula' ko rumah sombayakng nantai holu'ai. Di santai, io mongajar doi' Buku Suci. Somanah tigo minggu bojojurut, sotiap Ari Sabat Paulus agatn sia' bopandir mombahas Buku Suci di santai.

Kisah Boko Rasul 8:4

Boko urakng pocayo inyo rari doi' kota Yerusalem nantai tosebar. Sia' momboritoan Kabar Boi' ko mono ja' sia' botula'.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.