Kisah Boko Rasul 14:17 - Porjanjian Boharu Torjomahan Baso Dilakng Soari-ari

¹⁷ Apo sobondarnyo, Allah inyo moonji'i kaitn hujatn doi' langit. Allah inyo moonji'i pongulihan doi' boko tontanaman oca' kaitn ado pomakatn inyo cukup. Allah inyo bulah hati kaitn sonang. Allah moonji'i somuo koboi'an nantai ko kaitn oca' kaitn mongotohu'i obai Sio memang ado.”

Kisah Boko Rasul 14:17 ပူးပေါင်းရင်းမြစ်များ

1 Timotius 6:17

Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.

Lukas 6:35

Jadi kaitn sobondarnyo gola' mongasihi musuh. Huatan bulah koboi'an agatn sia'. Jadi pinjapan ko sia' apo co momikiran pomulakannyo. Aman kaitn udah molabuhan ubo nian, kaitn tajahan mondapat upah, inyo bosar ongko monjadi Ana' Allah Inyo Maho Tinggi. Obai Sio totap mongasihi urakng inyo kinyo tohu agatn botorima' kasih, samaꞌan nian jam agatn urakng jahat.

Matius 5:45

Obai, Allah Bopai kaitn di sorugo monunju'an kasih-Nyo ko somuo urakng. Sio monumbuhan matoari pakai' urakng inyo jahat huatan urakng inyo boi'. Sio bulah hujatn turutn pakai' urakng inyo hidup bondar huatan urakng inyo hidup kinyo bondar di hadapan-Nyo. Jadi, aman kaitn botindak sama'an Sio, kaitn paca'an monjadi boko poana'an-Nyo.

Kisah Boko Rasul 14:18

Biar pan Paulus ongko Barnabas monjolasan nantai, urakng banya' nantai ija' honda' monyombolih boko sapi pakai' monyombah sia' duo. Paulus ongko Barnabas agatn uyuh jorih koponsuahannyo bohasil morarakng urakng banya' momposombahan posombahan nantai ko sia'.

Kisah Boko Rasul 17:26

Mulonyo, Allah mombulah siku' urakng. Doi' urakng nantai, Allah udah monjadian somuo banso di bumi. Sio udah monontuan kodiapan huatan monontuan boko musipm ko sotiap banso.