Kisah Boko Rasul 14:15 - Porjanjian Boharu Torjomahan Baso Dilakng Soari-ari

¹⁵ “Boko pokawalan, jangan kaitn molabuhan nantai. Koi bayo urakng biaso, samo ubo kaitn. Koi datakng ko si'itn pakai' momboritoan Kabar Boi' mongona'i Yesus ko kaitn. Koi honda' oca' kaitn ongkah monyombah Allah inyo hidup ja'am, bukainyo boko duato inyo kinyo boguno. Allah inyo bulah langit, bumi, lout ongko agatn somuo isinyo.

Kisah Boko Rasul 14:15 ပူးပေါင်းရင်းမြစ်များ

Yakobus 5:17

Contohnyo nabi Elia timpu joman komai. Sio nam urakng biaso samo sama'an kito. Apo, io bodoa bondar-bondar oca' kinyo hujatn huatan memang tojadi kinyo hujatn somanah tigo tohutn sotongah.

1 Korintus 8:4

Nah, mongona'i potakutan ni'in: Ulih cado kito bopua' dagikng bonatakng inyo diposombahan ko boko duato? Kito tohu, “co nyiant boko duato di dunia ni'in inyo bondar-bondar hidup.” Kito pan tohu, “Bayo ado siku' mo Allah inyo bondar. Co nyiant am inyo bukai.”

Kisah Boko Rasul 10:26

Apo Petrus moncanggapm Kornelius, monari' io bodiritn. Petrus bopandir, “Bodiritn cam. Jangan monyombah aku. Aku pan bayo monsio, samo sama'an duatn.”

Wahyu 14:7

Molekat nantai bopandir agatn saro borakng. Katonyo, “Hormaticam Allah. Pujicam Sio! Obai, sampaiam watunyo pakai' Allah mohakipi somuo urakng. Sombahcam Sio inyo mombulah langit, bumi, lout huatan somuo mato ara'i.”

1 Tesalonika 1:9

Obai sia' inyo lobih doholu mongisahan ko koi mongona'i kaitn. Sia' udah tohu caro kaitn monorima' koi. Sia' mongisahan obai kaitn udah tongga'am monyombah boko duato ongko mula'i monyombah Allah. Ongko, kaitn molayati bayo ko Allah inyo hidup, Allah inyo bondar.

Efesus 4:17

Obai nantai aku momandiran ni'in, malahan aku monyiuh kaitn dalapm Tuhatn: Jangan agi' hidup sama'an boko urakng inyo kinyo mongonal Allah. Pikiran sia' sia-sia.

Kisah Boko Rasul 4:24

Watu boko urakng pocayo mondinga' nantai, sia' somuo bosatu dalapm doa ko Allah. Kato sia', “Au Tuhatn inyo Maho Kuaso, Duatn nam inyo monjadian langit, bumi, lout, huatan somuo isinyo.

Matius 16:16

Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Ibrani 3:12

Jadi, boko somadikan, boboi'cam oca' kinyo ado di antaro kaitn inyo bohati jahat inyo kinyo honda' pocayo ko Allah. Jangan sampai kaitn botongga' taat ko Allah inyo hidup.

Kisah Boko Rasul 14:21

Di kota Derbe, Paulus ongko Barnabas momboritoan Kabar Boi'. Banya' urakng monjadi pocayo ko Yesus. Lopas nantai, sia' duo bobali' agi' ko boko kota inyo sia' dataki di doerah Galatia. Sia' bobali' ko Listra, Ikonium ongko Antiokhia di doerah Pisidia.

Yohanes 7:18

Urakng inyo mongajar agatn pomandiran doi' dirinyo siku', io bayo goyap kohormatan pakai' dirinyo siku'. Apo urakng inyo goyap kohormatan pakai' Sio inyo moutusnyo, urakng nantai bujur bondar. Io kinyo monipu urakng bukai.

Wahyu 22:9

Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai ongko boko somadikan kolai boko nabi ongko somuo urakng inyo monuruti somuo posatn dalapm buku ni'in. Sombah Allah aja'am.”

Wahyu 19:19

Lalu, aku moniant bonatakng nantai, boko rajo di bumi huatan boko tontara sia' bokumpul. Sia' somuo bokumpul pakai' boparakng molawatn Urakng inyo monunggakng kuda nantai huatan tontara-Nyo.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Kisah Boko Rasul 27:25

Jadi, boko somadikan, jangan putus asa. Aku yakitn ko Allah. Somuo paca'an tojadi samo sama'an pomandiran molekat nantai ko aku.

Kisah Boko Rasul 27:21

Boari-ari co nyiant inyo honda' makatn. Jadi, Paulus bodiritn di tongah-tongah koi somuo. Katonyo, “Boko somadikan, komai aku udah moonji'i nosihat oca' kito jangan bolayar doi' pulau Kreta. Apo kaitn kinyo monuruti nosihat nantai. Jadi, sokarakng kito moalapi boncana sama'an ni'in. Kito udah rugi banya'.

Kisah Boko Rasul 27:10

“Boko somadikan, aku moniant kotakan bobohayo aman kito molajuan pojalatan. Kito paca'an rugi banya', kinyo bayo kapal ongko muant'annyo, apo banya' doi' kito bisa bomatian jam.”

Kisah Boko Rasul 16:30

Lopas nian, io moonju'an sia' duo ko luar. Io botakutn, “Boko habakng, la'apo inyo gola' aku labuhan oca' aku disolamant'an?”

Kisah Boko Rasul 14:7

Di doerah nantai sia' hala momboritoan Kabar Boi' mongona'i Yesus.

Kisah Boko Rasul 13:32

Jadi ni'inan koi monyampaian Kabar Boi' nantai ko kaitn. Timpu joman komai, Allah bojanji ko angki-bayatn kito. Allah bojanji pakai' mongiripm siku' urakng Rajo inyo paca'an momorintah umant-Nyo somanah-manahnyo.

Kisah Boko Rasul 7:26

Kohobu'annyo, Musa botomu agatn duo urakng Israel bukai. Sia' tongahan boporap. Musa moncubo morara'i sia'. Katonyo, ‘Uai kaitn, jangan kaitn boporap! Kaitn ni'in somadikan.’

Yohanes 5:26

Obai, Bopai moonji'i kuaso ko Ana' pakai' moonji'i hidup, samo sama'an Sio ado kuaso pakai' moonji'i hidup.

Wahyu 4:11

“Oi Tuhatn Allah koi. Duatn cucu' monorima' pujian, hormat, ongko kuaso. Obai, Duatn inyo mombulah la'apo pan. La'apo pan inyo ado, boko dipulah, ongkah obai kohonda' Duatam.”