Kisah Boko Rasul 13:48 - Porjanjian Boharu Torjomahan Baso Dilakng Soari-ari

⁴⁸ Mondinga' hal nantai, boko urakng inyo bukainyo urakng Yahudi kotakan rindakng. Sia' mongatoan obai borito mongona'i Tuhatn Yesus memang boi' bondar. Boko urakng inyo udah dipilih Allah pakai' mondapat hidup somanah-manahnyo, monjadi pocayo agatn Yesus.

Kisah Boko Rasul 13:48 ပူးပေါင်းရင်းမြစ်များ

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Matius 28:16

Kosobolas murid Yesus botula' ko doerah Galilea, ko sobuah bukit inyo udah dipadahan Yesus ko sia'.

Lukas 7:8

Aku mongoroti agatn kuaso, obai aku siku' gola' monaati porintah pimpitanku. Aku pan ado ana' buahku, sia' gola' tundu' agatn porintahku. Aman aku monyiuh sia' botula', sia' pasti botula' aman aku monyiuh inyo bukainyo datakng, sia' pasti datakng. Sama'an nian jam aman aku monyiuh inyo bukainyo bokorojo, la'apo pan pasti dikorojoannyo.”

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Yohanes 11:52

Bukainyo pakai' banso nantai ja', apo Sio mati oca' somuo poana'an Allah inyo topisah-pisah somuonyo, ulih bokumpul monjadi satu.

Kisah Boko Rasul 13:12

Gubernur moniant la'apo inyo tojadi nantai. Ongko, io monjadi pocayo agatn Yesus. Io topocongo agatn ajaran Paulus ongko Barnabas mongona'i Tuhatn Yesus.

Kisah Boko Rasul 13:42

Lopas Paulus jadi bopandir, lalu io ongko Barnabas koluar doi' rumah sombayakng agama Yahudi nantai. Somontaro nantai, sia' diminto oca' bobali' watu ari Sabat dudinyo. Boko urakng honda' mondinga' agi' mongona'i somuo hal inyo disampaian sia' duo nantai tontai.

Kisah Boko Rasul 15:2

Apo Paulus ongko Barnabas kotakan kinyo sotuju agatn ajaran boko urakng nantai. Nontu sia' botikakng mongona'i mosalah nantai. Obai nantai, Paulus ongko Barnabas huatan boko urakng bukai diutus ko kota Yerusalem. Sia' diutus pakai' mombahas mosalah sunant nantai agatn boko rasul Yesus huatan boko ponotua' di Yerusalem.

Kisah Boko Rasul 15:31

Jadi, surat nantai dibaco. Boko urakng nantai rindakng bondar obai pomandiran dalapm surat nantai bulah hati sia' tokongkanti'i.

Kisah Boko Rasul 2:41

Watu ari nantai, ado banya' urakng inyo pocayo pomandiran Petrus nantai, kiro-kiro tigo ribu urakng. Sia' dibaptis jam. Jadi, jumlah urakng inyo pocayo agatn Yesus botambah agi'.

Kisah Boko Rasul 2:47

kapikng momuji Allah. Somuo urakng sonang agatn sia'. Kolompok urakng inyo pocayo nantai botambah banya' obai sotiap ari ado boko urakng inyo disolamant'an Tuhatn.

Kisah Boko Rasul 20:13

Jadi rombokan koi botula' doi' Troas ko kota Asos. Paulus udah moatur hajatnyo. Io sonsiku'an molalu'i jalatn darat, apo koi inyo bukai bolayar. Jadi, koi lobih doholu datakng di Asos ongko monanti Paulus di su'utn.

Kisah Boko Rasul 22:10

Lopas nantai, aku botakutn, ‘La'apo inyo gola' aku labuhan, Tuhatn?’ Kato Tuhatn ko aku, ‘Bodiritncam ongko botula' ko kota Damsyik. Nono Aku paca'an moonji'i tugas ko kolai. Di kota Damsyik paca'an ado urakng inyo momadahan somuonyo ko kolai.’

Kisah Boko Rasul 28:23

Ongko, sia' monontuan watu pakai' botomu agi' agatn Paulus. Pas ari nantai lobih banya' urakng datakng bokumpul di rumah tompat io monoluntukng. Doi' sunsukng tuntukng ko malapm Paulus monjolasan ko sia' mongona'i Koraja'an Allah. Io moingant'an sia' mongona'i boko hal inyo ditulis Musa huatan boko nabi watu joman komai. Agatn caro nantai, io bousaha moyakit'an sia' pakai' pocayo ko Yesus.

Kisah Boko Rasul 8:8

Boko urakng di kota nantai kotakan rindakng obai somuo nantai.

Roma 11:7

Jadi kosimpulannyo ubo ni'inan: Urakng Israel bousaha monjadi bondar di pohadapan Allah. Apo kobanya'an doi' sia' kinyo mondapat'annyo. Bayo sodikitmo inyo mondapat'annyo, ia'an nantai boko monsio inyo dipilih Allah. Somuo monsio bukai, Allah bulah hati sia' korikng hati.

Roma 13:1

Somuo urakng gola' monaati pomorintah obai Allah inyo moonji'i kuaso ko sia' pakai' momorintah. Allah monotap'an somuo pomorintah inyo ado.

Roma 8:28

Kito tohu obai Allah moatur somuo la'apo pan inyo tojadi oca' ado hasil inyo boi' pakai' kito inyo mongasihi Sio, ia'an kito inyo Sio tingkau pakai' monjadi poana'an-Nyo obai nantai roncana-Nyo.

1 Korintus 16:15

Boko somadikan, kaitn mongotohu'i Stefanus huatan koluarganyo. Sia' nantai boko urakng potamo di doerah Akhaya inyo pocayo ko Yesus. Sia' jam bousaha monulukng urakng bukai inyo pocayo. Jadi, aku momuhun oca' kaitn

Efesus 1:11

Allah mongorojoan somuo hal sosuai agatn kohonda'-Nyo huatan koputusan-Nyo siku'. Doi' mulonyo, Sio udah ado tujuan pakai' momilih koi. Jadi, di dalapm Kristus, Allah mombulah koi monjadi umat-Nyo.

Efesus 1:19

Aku pan bodoa jam oca' kaitn tohu obai kuaso-Nyo kotakng bosar, ia'an kuaso-Nyo inyo Sio gunoan pakai' kito inyo pocayo. Kuaso nantai samo agatn kuaso

Efesus 1:4

Obai, sobolupm Allah mombulah dunia ni'in, Sio udah momilih kito monjadi umat-Nyo dalapm Kristus. Tujuan-Nyo oca' kito monjadi borosih, co bodosa di hadapan-Nyo.

Efesus 1:5

Allah mongasihi kito. Jadi, doi' somulo, Sio momilih kito pakai' monjadi boko poana'an-Nyo obai porbuatan Yesus Kristus. Allah molabuhan somuo nantai obai nian sosuai agatn kohonda'-Nyo huatan monyonangan hati-Nyo.

2 Tesalonika 3:1

Solanjutnyo, boko somadikan tulukng doa'an koi oca' pomandiran Tuhatn tosebar agatn copat ko tompat bukai. Bodoa jam oca' boko urakng mohormati, pocayo ongko monaati boko ajaran nantai, samo sama'an kaitn.