Kisah Boko Rasul 13:39 - Porjanjian Boharu Torjomahan Baso Dilakng Soari-ari

³⁹ Jadi, somuo urakng inyo pocayo agatn Yesus, dipohitukan bondar di hadapan Allah.

Kisah Boko Rasul 13:39 ပူးပေါင်းရင်းမြစ်များ

Lukas 10:25

Lopas nian siku' urakng guru Agama Yahudi maju pakai' moncubo Yesus. Io botakutn, “Guru, aku gola' molabuhan la'apo oca' ulih monorima' hidup kokal?”

Lukas 10:28

“Timbas kolai nantai bondar,” kato Yesus. “Labuhancam nantai, kolaipan tajahan bodapat hidup kokal.”

Lukas 18:14

Ongko Yesus bopandir, “Dinga'anbo! Timpu pulakng ko rumah, ponagih pajak nantai inyo ditorima' Allah, bukainyo urakng Farisi nantai. Obai Allah tajahan ngombabahan somuo urakng inyo moninggian diri. Apo, Allah tajahan moninggian somuo urakng inyo ngombabahan diri.”

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Kisah Boko Rasul 10:43

Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”

Roma 10:10

Obai agatn hatinyo urakng pocayo, lalu io monjadi bondar di pohadapan Allah. Urakng mongaku'i agatn mulutnyo lalu io disolamant'an.

Roma 10:4

Kristus ia'an ponggonapan doi' Hukupm Torat. Jadi, somuo monsio inyo pocayo ko Sio monjadi bondar di pohadapan Allah.

Roma 3:19

Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.

Roma 3:20

Kinyo ado urakng inyo ulih monjadi bondar di hadapan Allah agatn caro monaati Hukupm Torat. Justru Hukupm Torat inyo mombulah urakng sadar obai sia' bodosa obai sia' kinyo ulih monaati soluruh Hukupm Torat nantai.

Roma 4:15

Hukupm Torat mondatakan hukupan Allah. Apo aman hukupm nantai conyiant, jadi polanggaran pan conyiant jam.

Roma 4:24

Pomandiran nantai ditulis pakai' kito jam. Obai, kito pan monjadi bondar di hadapan Allah obai kito pocayo ko Sio. Kito pocayo Sio inyo mombulah Yesus, Tuhatn kito, bobali' hidup agi' doi' komatian.

Roma 5:1

Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

Roma 5:20

Jadi, dosa udah ado, lopas nian Hukupm Torat koluar. Akibatnyo, ado somongkitn banya' dosa. Biar pan dosa urakng botambah banya', lobih banya' agi' koboi'an inyo Allah onju' ko sia'.

Roma 5:9

Ni'inan kito udah dibondaran molalu'i komatian Kristus; obai nantai am kito pasti paca'an disolamant'an jam doi' ponggodi Allah molalu'i Kristus.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

Roma 9:31

Apo, boko urakng Israel bousaha monaati Hukupm Torat pakai' monjadi bondar di pohadapan Allah. Apo nantai kinyo bohasil.

1 Korintus 6:11

Ija' komainyo ado boko urakng di antaro kaitn inyo hidup sama'an nian. Apo kaitn udah diborosihi doi' boko dosa. Kaitn udah monjadi umant husus umputn Allah. Kaitn udah dianggap bondar di hadapan Allah. Somuo nian tojadi obai kuaso Tuhatn Yesus Kristus huatan kuaso Roh Allah kito.

Galatia 2:16

Sokomai koi bopikir sama'an nantai jam. Apo ni'in koi udah mongotohu'i obai co nyiant urakng dipohitukan bondar di hadapan Allah obai sia' monaati Hukupm Torat. Urakng dipohitukan bondar di hadapan Allah bayo obai sia' pocayo agatn Yesus. Nanam alasan koi udah pocayo agatn Kristus Yesus. Koi dipohitukan bondar di hadapan Allah obai koi pocayo agatn Kristus, bukainyo obai koi monaati Hukupm Torat. Hal nantai udah totulis dalapm Buku Suci, “Jadi co nyiant siku' urakng pan inyo dipohitukan bondar dihadapan Allah” agatn caro monaati Hukupm Torat.

Galatia 2:19

Hukupm nantaiam bulah aku sadar aku co ulih disolamant'an agatn caro nantai. Ni'in, aku udah dibebasan doi' monaati Hukupm Torat nantai oca' aku ulih hidup monyonangan hati Allah. Watu Kristus mati di kayu salib ubo nian jam aku pan mati.

Galatia 3:8

Doi' komai, Allah ado hajat pakai' urakng bukainyo Yahudi. Aman sia' pocayo, jadi sia' dianggap bondar di hadapan Allah. Allah momboritoan Kabar Boi' nantai ko Abrahapm jouh-jouh ari sobolupmnyo. Kabar Boi' nantai totulis dalapm Buku Suci:, “Somuo banso paca'an diborokati molalu'i kolai.”

Galatia 5:3

Sokali agi' aku mongatoan ko kaitn. Somuo urakng inyo moonju' dirinyo pakai' disunant, sia' gola' monaati somuo Hukupm Torat.

Ibrani 10:11

Monurut caro potamo, somuo imam molabuhan tugas sia' sotiap ari. Sia' boulakng-ulakng momposombahan boko kurbatn inyo samo. Apo, boko kurbatn nantai samo sokali co mohapusan dosa.

Ibrani 10:4

Obai, darah sapi sabukan agatn darah kambikng sabukan co mungkitn mohapus dosa.

Ibrani 7:19

Hukupm Torat nantai kinyo ulih mombulah siku' monsio pan monjadi sompurna di hadapan Allah. Apo watu ni'in, molalu'i Yesus, kito dionji'i harapan inyo lobih boi'. Agatn sama'an nantai, kito ulih datakng dampikng ko Allah.