Kisah Boko Rasul 13:32 - Porjanjian Boharu Torjomahan Baso Dilakng Soari-ari

³² Jadi ni'inan koi monyampaian Kabar Boi' nantai ko kaitn. Timpu joman komai, Allah bojanji ko angki-bayatn kito. Allah bojanji pakai' mongiripm siku' urakng Rajo inyo paca'an momorintah umant-Nyo somanah-manahnyo.

Kisah Boko Rasul 13:32 ပူးပေါင်းရင်းမြစ်များ

Lukas 1:19

Timbas molekat nantai ko io, “Aku ninam molekat Gabriel inyo molayati Allah. Aku udah diutus pakai' bopandir ko kolai huatan monyampaian borito boi' nantai ko kolai.

Lukas 2:10

Ongko molekat nantai bopandir, “Jangan gola'! Aku datakng mombaba' borito boi'. Borito ni'in monyonangan somuo urakng.

Kisah Boko Rasul 10:36

Kaitn tohu obai Allah udah monyampaian Kabar Boi' ko koi banso Yahudi. Joman komai, Allah bojanji Sio paca'an moutus siku' urakng Rajo. Rajo nantai paca'an mombuka' jalatn oca' urakng ulih bodamai agatn Allah. Yesus nantai Rajo Inyo Dijanjian Allah. Yesus nantai Tuhatn inyo puku' somuo urakng di dunia.

Kisah Boko Rasul 13:23

Lopas nantai, Allah bojanji pakai' mongiripm siku' urakng Ponyolamant pakai' urakng Israel. Ponyolamant nantai ia'an doi' koturutan Rajo Daud. Watu ni'in, Allah udah momonuhi janji-Nyo nantai. Ponyolamant nantai ia'an Yesus.

Kisah Boko Rasul 13:38

Boko somadikan, aku monyimpulan pomandiranku. Aman kito monaati somuo Porintah Allah inyo ditulis Musa, hal nantai kinyo bulah boko dosa kito diamputi. Boko dosa kito diamputi ongkah aman kito pocayo agatn Yesus.

Kisah Boko Rasul 14:15

“Boko pokawalan, jangan kaitn molabuhan nantai. Koi bayo urakng biaso, samo ubo kaitn. Koi datakng ko si'itn pakai' momboritoan Kabar Boi' mongona'i Yesus ko kaitn. Koi honda' oca' kaitn ongkah monyombah Allah inyo hidup ja'am, bukainyo boko duato inyo kinyo boguno. Allah inyo bulah langit, bumi, lout ongko agatn somuo isinyo.

Kisah Boko Rasul 26:6

Pado joman komai, Allah bojanji moutus siku' urakng Rajo ko angki-bayatn kito huatan koduo bolas suku doi' banso kito Israel sangant moharap'an jam janji nantai ditopati. Nanam alasan sia' sobobondarnyo monyombah Allah. Sia' monyombah siakng ongko malapm. Doi' komai, aku pocayo Allah paca'an monopat'i janji-Nyo nantai. Habakngku Agripa, aku dituduh boko urakng Yahudi obai aku pocayo Allah udah monopat'i janji-Nyo nantai. Obai kopocaya'an nantai am aku diadili.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

Kisah Boko Rasul 5:42

Sia' co botongga' moajaran Kabar Boi' obai Yesus nanam Rajo Inyo Dijanjian Allah. Sia' momboritoan nantai sotiap ari di tongahlamanan Rumah Allah ongko di boko rumah urakng.

Roma 1:2

Timpu joman komai, Allah udah bojanji mongona'i Kabar Boi' nantai molalu'i boko nabi-Nyo ongko udah totulis di dalapm Buku Suci.

Roma 10:15

Ongko co mungkitn monsio ulih momboritoan mongona'i Sio aman monsio nantai kinyo diutus pakai' momboritoan. Samo sama'an pomandiran ni'in inyo totulis di Buku Suci: “Kotakan monyonangan kodatakan urakng inyo mombaba' kabar boi'!”

Roma 4:13

Allah bojanji pakai' moonju' dunia ko Abrahapm huatan koturutannyo. Allah mombulah janji nantai bukai obai Abrahapm monaati Hukupm Torat, apo obai Abrahapm pocayo huatan monjadi bondar di hadapan-Nyo.

Roma 9:4

Sia' nam umant Allah. Sio mombulah sia' monjadi poana'an-Nyo. Sio monunju'an ko sia' obai Sio mulia. Sopanjakng sojarah sia', Sio mombulah boko pojanjian husus agatn sia'. Sio moonju' Hukupm Torat ko sia' huatan momadahannyo ko sia' caro sia' gola' monyombah Sio. Sio pan bulah banya' janji bukai agatn sia'.