Kisah Boko Rasul 13:3 - Porjanjian Boharu Torjomahan Baso Dilakng Soari-ari

³ Sia' somuo bopuaso huatan bodoa agi'. Sia' molota'an jari ko Barnabas ongko Saulus kapikng bodoa mominto potulukan Allah, ongko monyiuh sia' duo botula' molabuhan polayatan nantai.

Kisah Boko Rasul 13:3 ပူးပေါင်းရင်းမြစ်များ

Kisah Boko Rasul 6:6

Tujuh urakng ni'in dibaba' ko boko rasul. Boko rasul bodoa kapikng molota'an jarinyo ko kotujuh urakng nantai. Nianam caro sia' disiuh pakai' molabuhan tugas nantai.

2 Timotius 2:2

Kolai udah mondinga' aku mongajar di hadapan urakng banya'. Jadi, ajarancam ajaran nantai ko boko urakng inyo ulih dipocayo huatan pandai mongajar urakng bukai.

1 Timotius 4:14

Ingantcam pado watu boko ponotua' molota'an jarinyo ko kopala' kolai. Pado watu nantai, ado inyo monyampaian posatn doi' Allah. Allah moonji'i komampuan husus ko kolai. Jangan botongga' monggunoan komampuan husus nantai.

Kisah Boko Rasul 13:2

Timpu, sia' bokumpul pakai' bopuaso huatan bodoa. Watu nantai, Roh Allah bopandir ko sia', “Aku momilih Barnabas ongko Saulus molabuhan polayatan husus pakai' molayati boko urakng di doerah bukai. Jadi, tugasan sia' duo pakai' molabuhan polayatan nantai.”

3 Yohanes 1:8

Jadi, kito gola' monulukng sia'. Agatn ubo nantaiam, kito ulih monjadi boko urakng inyo bokorojo samo agatn sia' pakai' monyebaran ajaran inyo bondar.

1 Timotius 5:22

Jangan tolalu copat momilih urakng monjadi ponotua' lalu molota'an jari ko io pakai' monsahannyo. Aman ado urakng bukai bulah dosa, kolai pan jangan sonjumpat'an bulah dosa. Kolai gola' monjago diri oca' kolai hidup co bulah bodosa

Roma 10:15

Ongko co mungkitn monsio ulih momboritoan mongona'i Sio aman monsio nantai kinyo diutus pakai' momboritoan. Samo sama'an pomandiran ni'in inyo totulis di Buku Suci: “Kotakan monyonangan kodatakan urakng inyo mombaba' kabar boi'!”

Kisah Boko Rasul 14:26

Doi' santai, sia' noi' kapal bobali' ko kota Antiokhia inyo di doerah Siria. Komai, boko urakng pocayo di Antiokhia nantai inyo moutus Paulus ongko Barnabas ko boko tompat bukai pakai' momboritoan Kabar Boi'. Sia' pan bodoa oca' Allah momborokati Paulus ongko Barnabas dalapm pojalatan. Paulus ongko Barnabas udah monjadi'i polayatan nantai.

Kisah Boko Rasul 14:23

Paulus ongko Barnabas pan momilih boko pomimpitn pakai' sotiap kolompok urakng pocayo. Boko pomimpitn nantai dipilih doi' boko urakng inyo udah pocayo agatn Yesus, Tuhatninyo bokuaso dipucu' somuonyo. Paulus ongko Barnabas bodoa kapikng bopuaso oca' Tuhatn totap monjago somuo pomimpitn nantai.

2 Timotius 1:6

Obai nantai, aku moingant'an kolai pakai' bulah komampuan husus kolai oca'nyo bonyalo lobih honggur. Komampuan husus nantai boasal doi' Allah timpu aku molota'an jariku ko pucu' kopala' kolai.

Kisah Boko Rasul 15:40

Apo Paulus momilih botula' samoan Silas. Boko somadikan di Antiokhia bodoa pakai' sia' duo oca' Tuhatn momborokati sia' dalapm polayatan.

3 Yohanes 1:6

Sia' udah momadahannyo di pohadapan jomaat di si'itn mongona'i kasih kolai. Watu ni'in aku muhun kolai pakai' hala monulukng sia' oca' sia' ulih monorusan pojalatan sia'. Labuhancam nantai agatn caro inyo monyonangan hati Allah.

Kisah Boko Rasul 9:17

Jadi, Ananias botula' ko rumah Yudas nantai. Sopondatakngnyo di rumah Yudas, io mansu' ongko monomu'i Saulus. Io molota'an jarinyo ko Saulus kapikng bopandir, “Saulus, Somadikanku, Tuhatn Yesus moutus aku ko kolai. Sio niannam inyo kolai tiat dalapm pojalatan kolai ko si'itn. Sio moutus aku oca' kolai ulih moniant agi' huatan oca' kolai diponuhi Roh Allah.”

Kisah Boko Rasul 1:24

Lopas nian sia' somuo bodoa. Kato sia', “Tuhatn, Duatn mongotohu'i isi hati sotiap urakng. Yudas udah moninggalan tugasnyo sobagai rasul. Io udah mati, huatan monorima' hukupan inyo cucu'. Jadi, tunju'ancam ko koi sopo paca'an monggonti'i io. Ado duo iku' urakng ni'in. Inyo mono dipilih Duatn pakai' molayati sobagai rasul monggonti'i Yudas.”

Kisah Boko Rasul 13:4

Roh Allah mombimbikng Barnabas ongko Saulus doi' sobuah tompat ko tompat inyo bukai. Jadi, sia' botula' doi' kota Antiokhia ko polabuhan Seleukia. Doi' santai sia' bolayar ko polabuhan Salamis di pulau Siprus.