Kisah Boko Rasul 13:29 - Porjanjian Boharu Torjomahan Baso Dilakng Soari-ari

²⁹ Apo sia' co tohu hal nantai. Lopas somuo posatn mongona'i Yesus udah digonapi, sia' monurutan Sio doi' kayu salib. Ongko sia' momasar bangkai-Nyo di dalapm gua batu.

Kisah Boko Rasul 13:29 ပူးပေါင်းရင်းမြစ်များ

Markus 15:42

Ari nantai ia'an ari Jumat, ari urakng Yahudi monyodia'an posiapan sobolupm mula'i ari Sabat. Ari udah hampikng malapam, ari Sabat pan hampikam.

Lukas 23:50

Ado siku' urakng bodamo Yusuf, inyo boasal doi' kota Arimatea di doerah Yudea. Io urakng onsi' inyo dihormati urakng. Io tongahan monanti kodatakan Rajo Inyo Dijanjian Allah. Biar pan io anggota kolompok pomimpitn urakng Yahudi inyo kotakng pontikng, io co sotuju agatn koputusan huatan kolaku'an sia' nantai.

Lukas 23:53

Kali udah dapat ijitn, io monurutan bangkai Yesus doi' kayu salib, lalu momutut-Nyo agatn koitn inyo bowarna putih ongko boi'. Io moulit'an-Nyo di dalapm pasaran inyo dipulah di dalapm bukit batu. Pasaran nantai bolupm kalo dipakai.

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Yohanes 19:28

Yesus tohu obai boko pokoroja'an-Nyo udah tuntukam. Obai nantai, Sio bopandir, “Aku korahakan!” Sio mongatoan nantai oca' pomandiran inyo ditulis di Buku Suci digonapi.

Yohanes 19:30

Lopas Yesus mominum ara'i anggur nantai, Sio bopandir, “Tuntukam!” Lalu, Sio monundu'an kopala'-Nyo, monyorahan kosih-Nyo.

Kisah Boko Rasul 13:27

Joman komai, boko nabi udah monulis mongona'i Rajo Inyo Dijanjian Allah. Watu ni'in, sotiap Ari Sabat, boko buku nabi nantai dibacoan di boko rumah sombayakng. Apo boko urakng Yerusalem kinyo mongoroti pomandiran boko nabi nantai. Sia' kinyo mongotohu'i Yesus nantai Rajo Inyo Dijanjian Allah. Boko pomimpitn agama sia' pan kinyo tohu. Sia' molawatn Yesus. Sia' samo sokali conyiant alasan pakai' mohukupm Yesus. Apo sia' totap monyosahan Gubernur Pilatus oca' Yesus dihukupm mati. Somuo porbuatan sia' nantai bulah pomandiran boko nabi doi' joman komai monjadi bondar-bondar tojadi.

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Kisah Boko Rasul 26:22

Apo Allah molindukiku. Sampai ni'inan aku ija' hidup inya'anpan aku ija' ulih momboritoan mongona'i Yesus ko boko urakng inyo dianggap kinyo pontikng honda' pan boko urakng pontikng. La'apo inyo aku boritoan kinyo bukai doi' la'apo inyo ditulis boko nabi huatan Musa. Pado joman komai sia' momboritoan obai

Kisah Boko Rasul 4:28

Apo Duatn Maho Kuaso inyo moatur somuonyo doi' joman komai. Somuonyo nantai udah tojadi obai sosuai agatn kohonda' Duatn.

Kisah Boko Rasul 5:30

Kaitn udah monula' Yesus huatan mohukupm mati Sio di kayu salib sama'an urakng jahat. Apo Allah inyo disombah angki-bayatn kito udah bulah Sio hidup agi' doi' komatian.

1 Korintus 15:4

Lalu Sio dipasaram. Apo watu ari kotigo Sio dihidupan agi', sosuai agatn inyo tulisan di Buku Suci.