Kisah Boko Rasul 13:22 - Porjanjian Boharu Torjomahan Baso Dilakng Soari-ari

²² Apo lopas nian Allah monurutan Saul doi' kodudu'annyo sobagai rajo. Allah moangkat Daud monjadi rajo boharu pakai' sia'. Allah bopandir mongona'i hati Daud. Kato-Nyo, ‘Aku udah moniant Daud, ana' Isai nantai. Io monyonangan hati-Ku. Io paca'an molabuhan somuo inyo Aku kohonda'i.’

Kisah Boko Rasul 13:22 ပူးပေါင်းရင်းမြစ်များ

Kisah Boko Rasul 13:36

Daud molabuhan kohonda' Allah pado watu io hidup mo. Io mati ongko dipasaran di tompat inyo samo agatn angki-bayatnnyo. Bangkai Daud memang monjadi buru' di pasaran nantai.

Kisah Boko Rasul 15:8

Allah mongotohu'i isi hati sotiap urakng. Allah co monyoropihi antaro kito urakng Yahudi agatn sia' inyo bukainyo urakng Yahudi. Sia' pocayo ko Yesus. Agatn caro nantai, Allah bulah hati sia' borosih ubo nian jam hati kito diborosihi. Komainyo Allah moonji'i Roh-Nyo ko kito. Allah pan udah moonji'i Roh-Nyo ko boko urakng inyo bukainyo urakng Yahudi inyo pocayo agatn Yesus. Nanam caronyo Allah monunju'an obai Sio monorima' sia', co nyiant caro bukai.

Kisah Boko Rasul 7:46

Daud kotakan monyonangan hati Allah. Jadi io muhun ko Allah oca' io ulih bulah sobuah rumah pakai' Allah, ia'an Allah inyo disombah ulih angki-bayatn kito Yakub.