Kisah Boko Rasul 13:12 - Porjanjian Boharu Torjomahan Baso Dilakng Soari-ari

¹² Gubernur moniant la'apo inyo tojadi nantai. Ongko, io monjadi pocayo agatn Yesus. Io topocongo agatn ajaran Paulus ongko Barnabas mongona'i Tuhatn Yesus.

Kisah Boko Rasul 13:12 ပူးပေါင်းရင်းမြစ်များ

Kisah Boko Rasul 13:7

Dalapm baso Yunani, urakng moningkaunyo Elimas. Elimas ni'in kawal gubernur pulau Siprus nantai inyo bodamo Serigius Paulus. Gubernur nantai urakng kotakan pintar-corodi'. Io honda' mondinga' Kabar Boi' doi' Allah mongona'i Yesus. Jadi, io moningkau Barnabas ongko Saulus. Apo Elimas monantakng sia' duo. Io bousaha oca' gubernur nantai kinyo pocayo agatn Yesus.

Lukas 4:22

Somuo urakng inyo ado di santai bopandir, “Sio urakng boi'.” Sia' hiratn mondingaꞌ pomandiran Sio inyo kotakan corodi'. Kato sia', “Padohal Sio ni'in ana' Yusuf mo!”

Kisah Boko Rasul 28:7

Kinyo jouh doi' tompat nantai, ado tanah umputn Publius. Io nantai gubernur pulau nantai. Io monorima' koi agatn boi'. Koi monoluntukng di rumahnyo somanah tigo ari.

Kisah Boko Rasul 19:7

Ado kiro-kiro duo bolas urakng inyo dibaptis nantai.

Kisah Boko Rasul 15:35

Apo Paulus ongko Barnabas ija' manah monotap di Antiokhia. Sia', bosamo agatn banya' urakng bukai, momboritoan ongko moajaran mongona'i boko pomandiran Tuhatn Yesus.

Kisah Boko Rasul 13:49

Sia' monyebaran Kabar Boi' mongona'i Yesus di soluruh doerah nantai.

Kisah Boko Rasul 6:10

apo co kalo sia' monang obai Roh Allah bulah io bopandir agatn kotakan pintar-corodi'.

Yohanes 7:46

Timbas boko ponjago nantai, “Bolupm kalo ado urakng inyo mongajar momadahan boko hal ubo Sio nantai!”

Lukas 7:16

Boko urakng moniant kojadian nantai, topocongo ongko kotakan hormat kapikng momuji Allah. Kapikng bopandir ko siku'-monyiku', “Siku' nabi bosar Allah udah hidup am di tongah-tongah kito, Allah udah monulukng kito umant-Nyo.”

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Kisah Boko Rasul 8:25

Lopas nantai, koduo rasul nantai monyampaian borito doi' Tuhatn. Sia' momboritoan mongona'i pongalapan sia' siku' bosamo Yesus. Ongko, sia' bobali' ko Yerusalem. Dalapm pojalatan pulakng, sia' momboritoan Kabar Boi' mongona'i Yesus di banya' laman bukai di doerah Samaria nantai.

Kisah Boko Rasul 13:48

Mondinga' hal nantai, boko urakng inyo bukainyo urakng Yahudi kotakan rindakng. Sia' mongatoan obai borito mongona'i Tuhatn Yesus memang boi' bondar. Boko urakng inyo udah dipilih Allah pakai' mondapat hidup somanah-manahnyo, monjadi pocayo agatn Yesus.

Kisah Boko Rasul 15:36

Boboropo watu lopas nian, Paulus bopandir ko Barnabas, “Mara kito duo bobali' ko boko somadikan di sotiap kota inyo kalo kito dataki komai. Kito udah momboritoan mongona'i boko pomandiran Tuhatn Yesus di su'utn. Jadi, soboi'nyo kito moniant sama'an la'apo koadaan kopocaya'an sia'.”

Kisah Boko Rasul 18:12

Pado watu Paulus ija' di kota Korintus, pomorintah Romawi moangkat Galio monjadi gubernur propinsi Akhaya nantai. Watu nantai, boko urakng Yahudi bosamo-samo molawatn Paulus. Sia' mombaba' io ko pohadapan Galio pakai' diadili.

Kisah Boko Rasul 19:10

Io mongajar boko urakng Yahudi huatan boko urakng Yunani somanah duo tohutn. Jadi, somuo urakng inyo bodiapm di propinsi Asia mondinga' mongona'i Tuhatn Yesus.

Kisah Boko Rasul 19:20

Obai somuo nantai, mongkitn banya' urakng mondinga' borito mongona'i Tuhatn Yesus. Boko urakng monjadi sadar Yesus kotakan bokuaso. Mongkitn banya' urakng monjadi pocayo agatn Sio.

Kisah Boko Rasul 19:38

Aman Demetrius ongko kawal korojonyo ado mosalah agatn siku' urakng, ado aturan pakai' monyolosaian mosalah nantai. Sia' gola' mombaba' pokaro nantai ko sidakng pongadilan. Ado boko hakipm inyo paca'an moadili pokaro antaro koduo pihak ni'in.