Kisah Boko Rasul 13:10 - Porjanjian Boharu Torjomahan Baso Dilakng Soari-ari

¹⁰ Katonyo, “Kolai ni'in ana' Rajo Sitatn! Kolai molawatn somuo inyo bondar! Kolai hala mongontumbuki ongko monipu urakng. Ajaran Tuhatn inyo bujur bondar. Apo kolai hala morubah ajaran Tuhatn monjadi ajaran salah! Jangan hala bulah lou' sama'an nian.

Kisah Boko Rasul 13:10 ပူးပေါင်းရင်းမြစ်များ

Matius 13:38

Lakau nantai monggambaran dunia ni'in. Bonih gandupm inyo boi' nantai monggambaran boko urakng anggota Koraja'an Sorugo. Apo solalakng nantai monggambaran boko urakng inyo pongikut rajo Sitatn.

Matius 15:19

Obai boko pikiran jahat sama'an ni'in boasal doi' hati: pikiran pakai' mombunuh, bomporajoan bulah dosa, mongolit, bulah kotumbukan mongutu' uyakng.

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Matius 3:7

Apo banya' jam pomimpitn agama Yahudi pan datakng pakai' dibaptis. Ado doi' kolompok Farisi huatan kolompok Saduki. Watu Yohanes moniant sia', io bopandir, “Oi kaitn inyo jahat huatan licik sama'an ular biso! Jangan bopikir kaitn ulih morarian diri doi' hukupan Allah nononyo.

Lukas 11:39

Yesus pan bopandir ko urakng Farisi nantai, “Kaitn boko urakng Farisi biasonyo momborosihi pirikng-mangku' tobi' luarnyo ja'am obai kaitn bopikir nantai paca'an monyonangan hati Allah. Apo di dalapm hati kaitn siku' ija' bisi agatn kotama'an huatan kojahatan.

Lukas 11:52

“Allah tajahan mohukupm kaitn boko guru agama Yahudi, obai ponyongkal pakai' mombuka' lawakng pongotohuan mongonaꞌi Allah kaitn kuti', apo kaitn siku' kinyo honda' mansu' ko dalapm pakai' bogoyap pongotohuan nantai. Sobali'nyo kaitn hala mohalaki boko urakng inyo bousaha mansu'.”

Yohanes 1:23

Katonyo, “Watu joman komai Nabi Yesaya bopandir mongona'i urakng inyo tajahan datakng sobolupm Rajo Inyo Dijanjian Allah. Aku ninam urakng inyo mondorah di padakng pasir, ‘Bujurancam jalatn pakai' Tuhatn!’ ”

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Kisah Boko Rasul 20:30

Malahan doi' antaro kaitn siku' paca'an ado urakng inyo moajaran ajaran inyo salah. Sia' paca'an bousaha oca' urakng bukai kinyo pocayo ajaran Yesus inyo bondar apo monjadi pongikut sia'.

2 Korintus 11:3

Apo aku gola' kaitn paca'an ditipu, samo sama'an joman komai Hawa ditipu ular inyo licik nantai, ia'an Rajo Sitatn. Aman ubo nian, kaitn paca'an monjadi sosat huatan kinyo bobondar sotia ko Kristus.

Galatia 1:7

Apo nantai bukai Kabar Boi' inyo bondar! Boko urakng inyo moajaran nantai honda' morubah Kabar Boi' mongona'i Yesus Kristus, ia'an Rajo Inyo Dijanjian Allah. Sia' moncubo monggonti'i Kabar Boi' inyo bondar nantai agatn kabar inyo salah. Jadi, sia' bulah kaitn monjadi kacau.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

2 Petrus 2:15

Sia' udah moninggalan caro hidup inyo bondar. Sia' tuyut caro hidup inyo salah. Sia' tuyut caro hidup Bileam, ana' Beor. Timpu joman komai, nabi Bileam nantai opat monorima' upah doi' porbuatan inyo jahat.

1 Yohanes 3:8

Apo urakng inyo totap bulah dosa, rotinyo io ia'an ana' Rajo Sitatn. Nantai udah jolas obai Rajo Sitatn hala bulah dosa doi' sobolupm dunia dipulah. Nantaiam alasan Ana' Allah udah datakng ko dunia, ia'an oca' Sio monongga'an pokoroja'an Rajo Sitatn.