Kisah Boko Rasul 12:7 - Porjanjian Boharu Torjomahan Baso Dilakng Soari-ari

⁷ Sopongirap ado molekat Tuhatn moniant'an dirinyo ko Petrus. Torakng momanjah di dalapm ruakan ponjara nantai. Molekat nantai mongguyakng-guyakng Petrus pakai' monggagaian io. Kato molekat nantai, “Cocopat huas!” Watu nantai jam, boko rantai tolopas doi' longan Petrus.

Kisah Boko Rasul 12:7 ပူးပေါင်းရင်းမြစ်များ

Matius 2:13

Lopas jadi boko urakng majus nantai botula', molekat Tuhatn Allah datakng ko Yusuf dalapm mimpi. Molekat nantai bopandir, “Rajo Herodes paca'an monggoyapi Bobia' nantai oca' ulih mombunuh Sio. Jadi huascam, baba' Bobia' nantai agatn indai-Nyo pindah ko Mesir. Bodiapmcam di su'utn sampai Aku momandiran ko kolai pakai' bobali'.”

Lukas 2:9

Sopongirap molekat Tuhatn moniant'an dirinyo ko sia', ongko cohayo torakng doi' Allah monoraki di sokitar sia'. Sia' kotakan gola'.

Lukas 24:4

Tongahan sia' bodiritn di santai bingung momikiran hal nantai, sopongirap ado duo urakng agatn pakai'an bocohayo bodiritn dampikng sia'.

Kisah Boko Rasul 10:30

Kornelius monimbas, “Sokomai, aku ado di rumah. Timpu inyo samo sama'an ni'in jam, japm tigo babahari, aku tongahan bodoa. Sopongirap ado molekat bodiritn di pohadapanku. Pakai'annyo bocohayo.

Kisah Boko Rasul 12:23

Herodes monjadi kotakan buhau huatan co mohormati Allah. Obai nantai, lansukng ado molekat doi' Allah inyo bulah io sakit kuat. Porutnyo dipua'i boko cacikng. Co manah lopas nantai, io mati.

Kisah Boko Rasul 12:6

Herodes udah monontuan ari pakai' moadili Petrus. Timpu malapm ari sobolupm ari nantai, Petrus tongahan tidu' di antaro duo projurit. Io dikobat agatn duo rantai. Ado jam boko projurit bukai monjago ponjara nantai di muka' lawakng.

Kisah Boko Rasul 12:8

Ongko molekat nantai bopandir ko io, “Koncakan tali ikat pinggakng kolai. Pasakng sandal kolai.” Petrus pan molabuhannyo. Molekat nantai bopandir agi', “Pakaicam jubah kolai ongko tuyut aku.”

Kisah Boko Rasul 16:26

Ntobukan ado gompa bumi. Gompa bumi nantai kotakan kuat sampai pondasi ponjara nantai toguyakng. Lansukng somuo lawakng ponjara nantai tobuka'. Sotiap rantai tolopas doi' somuo tahatan di santai.

Kisah Boko Rasul 2:24

Jadi, co mungkitn Yesus ija' totap mati. Obai nantaiam, Allah udah bulah Sio bobali' hidup huatan mombebasan Sio doi' ajab sonsaro komatian.

Kisah Boko Rasul 5:19

Apo pas malapm ari, ado molekat datakng mombuka' boko lawakng ponjara nantai ongko moirikan sia' ko luar. Kato molekat nantai,

Kisah Boko Rasul 9:3

Jadi Saulus botula' ko kota Damsyik nantai. Pas io udah dampikng kota nantai, sopongirap ado cohayo doi' sorugo. Cohayo nantai momanjah sokolilikngnyo.

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

Ibrani 1:14

Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.

Wahyu 18:1

Lopas nantai, aku moniant siku' molekat inyo bukai turutn doi' sorugo. Io bokuaso bosar. Bumi monjadi torakng obai cohayo komulia'annyo.