Kisah Boko Rasul 12:25 - Porjanjian Boharu Torjomahan Baso Dilakng Soari-ari

²⁵ Barnabas ongko Saulus udah moonju'an sumbakan ko boko pomimpitn kumpulan urakng pocayo di kota Yerusalem. Lopas jadi sia' duo monyolosaian polayatan nantai, sia' bobali' doi' Yerusalem ko kota Antiokhia. Sia' mombaba' Yohanes (inyo jam disobut Markus).

Kisah Boko Rasul 12:25 ပူးပေါင်းရင်းမြစ်များ

Kisah Boko Rasul 12:12

Jadi, Petrus udah sadar aman Allah bondar-bondar mombebasan io doi' ponjara. Lopas nantai, io botula' ko rumah Maria, indai Yohanes (inyo jam disobut Markus). Di rumah nantai banya' urakng tongahan bokumpul. Sia' ija' bodoa oca' Allah monulukng Petrus di ponjara.

Kisah Boko Rasul 15:35

Apo Paulus ongko Barnabas ija' manah monotap di Antiokhia. Sia', bosamo agatn banya' urakng bukai, momboritoan ongko moajaran mongona'i boko pomandiran Tuhatn Yesus.

Kisah Boko Rasul 15:37

Barnabas sotuju, apo io honda' oca' Yohanes (inyo jam disobut Markus) tuyut bosamo sia' agi'.

Kisah Boko Rasul 4:36

Sama'an nantai jam inyo dilabuhan Yusuf. Io urakng Yahudi inyo boasal doi' koturutan suku Lewi apo io lahir di Pulau Siprus. Boko rasul moningkau Yusuf nantai Barnabas, obai dalapm Baso Yahudi Barnabas nantai rotinyo ‘urakng inyo hala monulukng urakng bukai.’

Kolose 4:10

Salapm doi' Aristarkhus, inyo ado dalapm ponjara bosamo agatn aku. Salapm jam doi' Markus, io sana'-tuho Barnabas. Kaitn udah monorima' posatn mongona'i Markus; aman io datakng, torima' io agatn boi'.

2 Timotius 4:11

Ni'in pan bayo Lukas inyo ija' bosamo agatn aku. Watu kolai datakng, pocaki Markus oca' io tuyut bosamo kolai. Aku honda' io datakng jam obai io monjadi urakng inyo monulukng dalapm polayatan.

Filemon 1:24

Salapm jam doi' Markus, Aristarkhus, Demas huatan Lukas, ia'an boko kawal inyo bokorojosamo agatn ku pakai' momboritoan Kabar Boi'.

1 Petrus 5:13

Salapm ko kaitn doi' jomaat kota Babel, inyo pan dipilih Allah jam. Salapm jam doi' Markus, inyo ku anggap sama'an ana'ku siku'.