Kisah Boko Rasul 11:30 - Porjanjian Boharu Torjomahan Baso Dilakng Soari-ari

³⁰ Sia' moonji'i sumbakan nantai ko Barnabas ongko Saulus oca' sia' duo ulih moonju'annyo ko boko pomimpitn urakng pocayo agatn Yesusdi Yerusalem.

Kisah Boko Rasul 11:30 ပူးပေါင်းရင်းမြစ်များ

Kisah Boko Rasul 14:23

Paulus ongko Barnabas pan momilih boko pomimpitn pakai' sotiap kolompok urakng pocayo. Boko pomimpitn nantai dipilih doi' boko urakng inyo udah pocayo agatn Yesus, Tuhatninyo bokuaso dipucu' somuonyo. Paulus ongko Barnabas bodoa kapikng bopuaso oca' Tuhatn totap monjago somuo pomimpitn nantai.

Kisah Boko Rasul 12:25

Barnabas ongko Saulus udah moonju'an sumbakan ko boko pomimpitn kumpulan urakng pocayo di kota Yerusalem. Lopas jadi sia' duo monyolosaian polayatan nantai, sia' bobali' doi' Yerusalem ko kota Antiokhia. Sia' mombaba' Yohanes (inyo jam disobut Markus).

Yakobus 5:14

Aman ado di antaro kaitn inyo sakit, io gola' moningkau boko ponotua' jomaat oca' bodoa pakai' io. Sia' gola' momalitan minya' jaitun kapikng bodoa dalapm damo ongko kuaso Tuhatn.

Titus 1:5

Aku udah moninggalan kolai di pulau Kreta oca' kolai ulih monjadi'i pokoroja'an inyo ija' pontikng dikorojoan. Kolai gola' momilih boko ponotua' pakai' momimpitn sotiap jomaat di boko kota di pulau Kreta. Kolai gola' momilih ponotua' sosuai agatn boko potunju' ni'in inyo udah ku onju' ko kolai:

1 Timotius 5:17

Jomaat gola' bondar-bondar mohormati huatan monulukng kohidupan boko ponotua' inyo momimpitn agatn boi', hususnyo boko ponotua' inyo bohotbah ongko mongajar mongona'i Pomandiran Allah.

Kisah Boko Rasul 20:17

Obai koi co singgah di Efesus, jadi Paulus monyiuh siku' urakng pakai' monyampaian posatn ko boko ponotua' di su'utn. Io minto oca' sia' datakng monomu'i io di Miletus.

Kisah Boko Rasul 16:4

Jadi, Paulus, Silas ongko Timotius botula' doi' kota ko kota bukai mondataki boko jomaat di doerah nantai. Sia' monyampaian koputusan boko rasul huatan boko ponotua' doi' Yerusalem. Sia' monosihat'i boko jomaat oca' koputusan nantai dituruti.

Kisah Boko Rasul 15:6

Lopasnyo, boko rasul huatan boko ponotua' bokumpul pakai' pokaro mosalah nantai.

Kisah Boko Rasul 15:4

Lopas nantai, Paulus ongko Barnabas huatan kolompok urakng doi' Antiokhia tuntukng ko Yerusalem. Sia' duo ditorima' agatn boi' ulih somuo jomaat tomansu' boko ponotua' jomaat huatan boko rasul. Paulus ongko Barnabas mongisahan somuo inyo udah Allah labuhan dalapm polayatan sia' ko boko urakng bukainyo Yahudi.

1 Petrus 5:1

Ko somuo ponotua' jomaat di antaro kaitn aku moonju' nosihat ni'in: Aku ninam ponotua' inyo momimpitn kolompok urakng pocayo samo sama'an kaitn. Agatn matoku siku', aku udah moniant Kristus mondorita'. Huatan nononyo Kristus paca'an datakng lalu monunju'an obai Sionam inyo bokuaso. Timpu nantai, aku pan tuyut dapat komulia'an jam. Jadi, aku minto kotakng sangant:

2 Yohanes 1:1

Surat ni'in doi' ku, inyo momimpitn kaitn. Ko inyo tohormat: Indai inyo udah dipilih Allah huatan poana'an kolai. Aku bondar-bondar mongasihi kaitn. Bukainyo bayo aku, apo kaitn pan dikasihi jam ulih somuo urakng inyo pocayo agatn ajaran inyo bondar.

1 Timotius 5:19

Timotius, aman siku' ponotua' dituduh, jangan lansukng pocayo tuduhan nantai. Apo, tuduhan inyo ulih ditorima' aman ado duo urakng monjadi sasinyo, obai ponotua' nantai bondar-bondar bodosa.

Kisah Boko Rasul 21:18

Kohobu'annyo, Paulus samoan koi botula' monomu'i Yakobus. Somuo ponotua' inyo bukai pan udah bokumpul di santai.

Kisah Boko Rasul 15:2

Apo Paulus ongko Barnabas kotakan kinyo sotuju agatn ajaran boko urakng nantai. Nontu sia' botikakng mongona'i mosalah nantai. Obai nantai, Paulus ongko Barnabas huatan boko urakng bukai diutus ko kota Yerusalem. Sia' diutus pakai' mombahas mosalah sunant nantai agatn boko rasul Yesus huatan boko ponotua' di Yerusalem.

Kisah Boko Rasul 4:36

Sama'an nantai jam inyo dilabuhan Yusuf. Io urakng Yahudi inyo boasal doi' koturutan suku Lewi apo io lahir di Pulau Siprus. Boko rasul moningkau Yusuf nantai Barnabas, obai dalapm Baso Yahudi Barnabas nantai rotinyo ‘urakng inyo hala monulukng urakng bukai.’

Kisah Boko Rasul 12:1

Somontaro Barnabas ongko Saulus ija' di Antiokhia, Rajo Herodes monyiuh boko projuritnyo pakai' monangkap boboropo urakng inyo pocayo di Yerusalem. Herodes honda' mondorako'i boko urakng inyo pocayo agatn Yesus.

1 Timotius 4:14

Ingantcam pado watu boko ponotua' molota'an jarinyo ko kopala' kolai. Pado watu nantai, ado inyo monyampaian posatn doi' Allah. Allah moonji'i komampuan husus ko kolai. Jangan botongga' monggunoan komampuan husus nantai.

3 Yohanes 1:1

Surat ni'in doi'ku, inyo momimpitn jomaat. Ko inyo tohormat: Gayus inyo tokasih. Inyo ku kasihi obai kito sosamo pocayo agatn ajaran inyo bondar.