Kisah Boko Rasul 11:3 - Porjanjian Boharu Torjomahan Baso Dilakng Soari-ari

³ Kato sia', “Kolai udah bokawal huatan datakng usi'an ko rumah boko urakng bukainyo urakng Yahudi. Malah, kolai makatn bosamo sia'!”

Kisah Boko Rasul 11:3 ပူးပေါင်းရင်းမြစ်များ

Matius 9:11

Watu nantai boko pomimpitn agama Yahudi doi' kolompok Farisi moniant hal nantai, sia' bopandir ko boko murid Yesus. Kato sia', “Ma'apo guru kaitn makatn bosamo-samo agatn ponagih pajak ongko boko urakng bukai inyo bodosa?”

Lukas 15:2

Di santai jam ado boko pomimpitn agama doi' kolompok Farisi ongko boko guru poraturan agama Yahudi. Sia' botuta', kato sia', “Ih, Urakng ni'in bokawal agatn boko urakng inyo kinyo boi'. Malahan io makatn samoan sia'!”

Yohanes 18:28

Sunsukng pukau, boko sia' urakng Yahudi nantai mombaba' Yesus doi' rumah Kayafas ko istana gubernur, pomorintahan Romawi. Sia' co mansu' ko dalapm istana nantai. Sia' co honda' monjadi kotor socaro agama obai sia' honda' jumpat makatn pas Ari Rayo Paskah.

Kisah Boko Rasul 10:28

Petrus bopandir ko sia', “Poraturan agama koi urakng Yahudi morarakng urakng Yahudi bokawal agatn urakng inyo bukai Yahudi sama'an kaitn. Koi pan culih usi'an ko tompat urakng inyo bukainyo urakng Yahudi. Kaitn somuo udah tohu nantai. Apo sokomai aku ado poniant'an. Allah monunju'an ko aku oca' jangan moanggap sopo pan purih sampai bopikir urakng nantai kinyo cucu' ditorima' Allah.

Kisah Boko Rasul 10:32

Jadi, siuhcam boboropo urakng ko kota Yope pakai' momocaki urakng inyo bodamo Simon, inyo jam disobut Petrus. Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir pantai.’

Kisah Boko Rasul 10:48

Ongko, Petrus monyiuh oca' boko urakng inyo bukainyo urakng Yahudi nantai dibaptis pakai' monunju'an obai sia' pocayo agatn Yesus. Lopas nantai, Kornelius huatan sia' inyo bukainyo mominto Petrus pakai' tinggal bosamo sia' somanah boboropo ari.

1 Korintus 5:11

Apo ni'in aku monulis oca' kaitn co bokawal agatn urakng inyo mongaku' pocayo ko Yesus, apo io ija' bomporajoan, ija' kaha', ija' monyombah lompatukng, gala' bojahat urakng bukai, gala' komabu'an, huatan ija' morampas barakng urakng. Jangan sampai makatn pan bosamo urakng sama'an nian.

Galatia 2:12

Dinga' ni'innan kisahnyo: Mulonyo Petrus ado di Antiokhia, io makatn bosamo-samo urakng bukainyo Yahudi inyo pocayo agatn Yesus. Lopas nian ado rombokan urakng Yahudi datakng doi' Yerusalem. Sia' diutus ulih Yakobus. Jadi, watu sia' datakng, Petrus kinyo honda' makatn agi' bosamo urakng bukai Yahudi obai io gola' disalahan ulih rombokan nantai. Io mula'i monjouhan diri doi' sia'.

2 Yohanes 1:10

Jadi, aman ado urakng inyo datakng momboritoan ajaran inyo bukai doi' ajaran Kristus, jangan kaitn korumahan. Malahan, jangan disalapi.