Kisah Boko Rasul 11:21 - Porjanjian Boharu Torjomahan Baso Dilakng Soari-ari

²¹ Tuhatn Allah kotakan monulukng sia' pakai' momboritoan Kabar Boi'. Obai nantai, banya' bondar urakng monjadi pocayo. Banya' urakng bukainyo Yahudi mula'i jumpat Tuhatn Yesus.

Kisah Boko Rasul 11:21 ပူးပေါင်းရင်းမြစ်များ

Lukas 1:66

Boko urakng inyo mondingaꞌ borito nantai, morenungannyo di dalapm hati. Siaꞌ tohu kokuatan Tuhatn monyoroto'i io. Ongko siaꞌ bopikir, “Pasti bobia' ni'in paca'an monjadi urakng pontikng, molabuhan boko hal inyo luar biaso.”

Kisah Boko Rasul 11:24

Nah, Barnabas nantai urakng inyo boi' hati. Io hala disoroto'i kuaso Roh Allah. Io kotakan pocayo agatn Yesus. Jadi, lopas polayatan Barnabas, banya' agi' urakng inyo monjadi pocayo ko Tuhatn Yesus.

Kisah Boko Rasul 15:19

“Jadi, Boko somadikan, udah jolas Allah momilih boko urakng doi' boko banso bukai Yahudi huatan sia' udah datakng ko Allah. Obai nantai monurut pondapatku, jangan kito monambah bobatn ko sia'.

Kisah Boko Rasul 2:47

kapikng momuji Allah. Somuo urakng sonang agatn sia'. Kolompok urakng inyo pocayo nantai botambah banya' obai sotiap ari ado boko urakng inyo disolamant'an Tuhatn.

Kisah Boko Rasul 4:4

Apo banya' urakng inyo udah mondinga' ajaran Petrus ongko Yohanes monjadi pocayo agatn Yesus. Jadi jumlah urakng pocayo monjadi kiro-kiro lima' ribu boko urakng bujakng bosar ongko boko urakng tuho lolaki.

Kisah Boko Rasul 5:14

Jumlah urakng inyo pocayo ko Tuhatn Yesus mongkitn botambah, boi' lolaki damo pan botina'.

Kisah Boko Rasul 6:7

Kabar Boi' mongona'i Yesus torus diboritoan. Jumlah urakng inyo pocayo di Yerusalem mongkitn botambah banya'. Malahan banya' imam pocayo agatn Yesus jam.

Kisah Boko Rasul 9:35

Somuo pondudu' di kota Lida huatan somuo pondudu' doerah Saron moniant obai Eneas udah nyamanam. Lopas nantai, sia' botongga' bulah dosa huatan pocayo ko Tuhatn Yesus.

1 Tesalonika 1:5

Obai watu koi momboritoan Kabar Boi' ko kaitn, koi kinyo bayo momakai boko pomandiran koi modas. Apo kuaso Roh Allah monulukng koi monyampaiannyo huatan koi kotakng yakitn aman Kabar Boi' nantai bondar. Kaitn mongotohu'i somuo nantai obai kaitn udah moniant caro hidup koi. Watu koi ado di antaro kaitn, koi molayati kaitn.